Кез-келген ауруға ұшыраған адам әрдайым психологиялық қолдауға мұқтаж болады. Соңғы жылдары онкологиялық ауруларға шалдыққан адамдар саны күннен күнге артып келеді және осы қиын кезеңде көмек медициналық ғана емес, психологиялық тұрғыдан да болуы тиіс екенін ұмытпаған жөн. Осындай қолдау көрсетіп отырған қорлардың бірі – онколог-психотерапевт Динара Нұртасқызы негізін қалаған «Seniminmen» атты қайырымдылық қоры. Динара Нұртасқызының айтуынша, “Seniminmen” қорының мақсаты – науқастарға онкологиялық аурулардан туындаған психологиялық қиындықтарды жеңуге көмектесу. Қор пациенттердің психикалық денсаулығын жақсартуға бағытталған түрлі бағдарламалар мен іс-шараларды ұйымдастыруды көздеп отыр. Психологтармен жеке консультациялар, топтық кездесулер және өз-өзіне көмектесу сабақтары қор ұсынатын көмектің кішкене бөлігі ғана. Қор 2023жылдың ақпан айында ашылды. Ашылу салтанаты ”Өмірге өмір жалғассын” атты онкологиялық тақырыптағы картиналар мен мүсіндер көрмесі түрінде өтіп, медицина