Абайдың 175 жылдығына арнау

Ұлы ақынға арнау

Дарасың сен, данасын сен Ұлы Абай!

Жүріп едің, биіктерден құламай.

Сенің жазған әрбір қара сөздерің

Жүрегімде орын алып тұрғандай.

Бір Аллаға сыйынып,өлеңінде.

Хакім Абай атандың тірі күнде.

Иманды халық болсын!-деген ниет

Жүрегімде өшпесін жырын мүлде.

Ақ қағаз бен сияны ермек қылған.

Жақсылық пен жамандықты көрмек қылған.

Жасай берсін, Қазақтың ұлы Абайы

Қазағымның қамы үшін терлеп-тынған.

Көзіңнің қараларын тербеп келем.

Сенің жазған сөзіңмен өрлеп келем.

Абай ата, сусындаттың жырларыңмен

Қанар емес, әлі де шөлдеп келем.

Өлең сөздің патшасы деп, баяндаған.

Қажымаған еңбегіңе қайран қалам.

Жасында ғылым бар!- деп ескерттіңде

Жол сілтедің жастарға қайран бабам.

Сен едің қазағымның шоқ жұлдызы.

Қараңғыдан шығарған қазақ ізгі.

Мақтан етем, үлгі тұтам, бас иемін

Халқы үшін жасалған әрбір ісі.

Өлең-жырдың бастамасы қаланған.

Өлеңдері күллі әлемге таралған.

Менде бір кірпіш, мына дүниеге

Орын алып тетігін тапсам, бар арман!

Алматы қаласы

Бостандық ауданы

КММ №73 мектеп-гимназия мұғалімі: Садыкова Улжан Жексенбиевна