Бекітемін

Мектеп директоры

«Ана деген-теңдесі жоқ ұлылық»

(Мерекелік іс-шараның сценарийі)

«Ана деген-теңдесі жоқ ұлылық»

(Мерекелік іс-шараның сценарийі)

Іс-шараның мақсаты:

Нәзік жанды аруларымыздың қоғамдағы рөлін айқындап, аяулы аналарға қуаныш сыйлау. Әріптестердің ізгі ниетін ұстаздарға көрсету.

(Мерекелік ән кешінің ашылуын білдіретін музыка үні қойылады)

І-жүргізуші:

Көкпеңбек дала, туымдай асқақ көгілдір,

Көк кілем төсеп, көк көйлек киген өңір дүр.

Бәйшешек гүлге қылтиған жанын елітіп,

Жадырап қалған көңілді күндей өңір бұл.

Армысыздар, аяулы ұстаздар, қырмызы қыздар, білім көшін ілгері жылжытып жүрген әріптестер! Барлығымыз асыға күткен көктемнің тамаша мерекелерінің бірі «Аналар күні» келіп жетті. Бұл-бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.

Аяулы аналарымыздың, гүл қыздарымыздың, әріптестеріміздің құрметіне, аналар мерекесіне орай «Ана деген-теңдесі жоқ ұлылық» тақырыбымен ұйымдастырылып отырған мерекелік іс-шарамызға қош келіпсіздер!

Хор: (----------- бірлесуімен «Ана» туралы ән айтылады)

І-жүргізуші:

Әлемдегі ең асыл жан ол-Ана десек, жүрегімізде сүйікті жанға деген маххабат сезімі оянады. Ана бұл аяулы да мейірімді жан. Баланың тілі шыққаннан – ақ бірінші сөзін ана деп айтады. Өмірдің есігін ашқаннан соң осы өмірдегі өзіңнің жан анаңды көресің. Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару-ана, Ару-асыл жар, Ару-көңілдің гүлі, Ару-өмірдің жыры, тіпті айта берсең сөз жетпейді.

І-жүргізуші:

Дүниеде тәуелсіз қазақ елі бар, әлемде егеменді Қазақстан бар, оның көпұлтты, тату, ынтымақшыл халқы бар, қуатты экономикасы, сенімді саяси жүйесі бар, ең бастысы-бүгіннен нұрлы, бүгіннен кемел болашағы бар. Сол күнге берік сенім бар! Біздің білім көкжиегіндегі сенімімізді нығайтып, жарқын болашаққа жол сілтеп жүрген мектебіміздің көшбасшысы ----------------- және аға буын ұстаздарымызға сөз кезегін беріп, мерекелік ізгі тілегін тыңдау үшін қошеметпен сахна төріне шақырамыз!

І-жүргізуші:

Келді көктем, жайраң қақты таң күліп,

Жап-жасыл болып жайнайды әлем паң күліп.

Жақсылықтардың жаршысы болған арулар

Сіз өмірімнің көктеміндейсіз мәңгілік.

І-жүргізуші:

Арулар-аяулылар, ардақтылар,

Өмірге тірек болып қалмақ бұлар.

Арулар-тіршілікке күре тамыр,
Өмірді келешекке жалғап тұрар.

І-жүргізуші:

Сіздер-күнсіз, аспанда жарқыраған,

Сіздер-өзен, тау суы сарқыраған,

Сіздер-ана, сіздер-жар, сіздер-қыздар,

Сіздер-жаңбыр, ақ нөсер сарқыраған.

І-жүргізуші:

Біз сіздерсіз тіршілік ете алмаймыз,

Дегенге де сіздерсіз жете алмаймыз,

Айнала ұшып сіздерді көбелек боп,

Өртеніп қастарыңнан кете алмаймыз.

ІІ-жүргізуші:

Осымен бүгінгі мерекелік кешімізді аяқтаймыз! Күніміз нұрлы, аспанымыз әрдайым ашық болсын! Сау-саламатта болыңыздар!