аналар мерекесі

Мерекелік ертеңгілік сценарийі

Тақырыбы: «Наурыз ел ішін аралап жүр»

Мақсаты: Қазақ халқының Ұлыстың ұлы күні Наурыз мерекесін қарсы алу рәсімдерін көрсете отырып, салт-дәстүрін, әдет-ғұрпын балалардың санасына сіңіріп, ұлттық қасиеттерге баулу. Ұлтжандылық сезімін ояту. Ұлттық дәстүрге құрметпен қарауға тәрбиелеу.

Көрнекілік: Киіз үй, нақыл сөздер, ұлттық бұйымдар, бесік, бесіктің жабдықтары.

Барысы:

Зал мерекеге сай безендірілген. Қазақтың ұлттық киімін киген бүлдіршіндер «Көңіл ашар» күйінің сүйемелдеуімен, мерекелік бағдарламалық жерге орындарына келіп тұрады.

Жүргізуші:

Армысыңдар қадірлі халайық!

Ақ қар кетіп, қыс өтіп,

Шырайлы шуақ жаз жетіп,

Шаруаның бұл кенелген,

Күн мейрамы ежелден

Құтты болсын бұл Наурыз!

Құрметті қонақтар, ата-аналар, кішкентай бүлдіршіндер және балабақша ұжымы!

Ілесіп Наурызбен көктем жетсін,

Көңілін үлкен-кіші көкке өрлетсін.

Еңсесі көтеріліп ер-азамат,

Ескі жылмен реніш, өкпе кетсін! – дегендей, Наурыз жыл басы құтты болсын! Жаңа жыл тек қана жақсылығын, жаңалығын әкелсін.

Ұлыс оң болсын! Ақ мол болсын! Еліміз тыныш болсын! Баршамызға бақ қонсын! «Шағала» ІІ-кіші тобында өткелі отырған «Наурыз ел ішін аралап жүр» атты ертеңгілігімізді ашық деп жариялаймыз.

Қадірменді халайық, бүлдіршіндеріміздің әдемі жыр шашуы бар екен, қане қошеметпен қарсы алайық!

Ән: «Зеңгір көктен»

Залда әсем әуен ойнап тұрады. Киіз үйде дастархан басында әжелер отырады.

(Залға бала жүгіріп кіреді) :

-Сүйінші, сүйінші, сүйінші!

Жүргізуші: Айтпақшы, бүгін Жұмагүл әжейдің үйінде Бесік тойы болады деп естідім. Ендеше бекер отырмайық, қызықтан құр қалмайық . Бәріміз бірге барып Бесікке салу рәсімін тамашалайық.

Бесікке салу – нәрестені алғаш бесікке бөлеу рәсімі. Бесікке саларға шақырылған ауыл үйдің әйелдері шашуын, жол жоралғысын ала келеді. Баланы алғашқы бөлеу үлгілі ұрпақ өсірген қадірменді әжеге тапсырылады. Ол өзінен басқа тағы да бір-екі келіншектің көмегімен бесікті жабдықтайды, сәбидің әжесі не шешесі түбектің тесігінен тәтті үйлестіреді. Бесікті отпен аластап, бесікке бөлейді. Бесікке салған әжелерге көйлек, жаулық сияқты сый тартылады. Үлкендер батасын беріп баланың ер жетуіне ананың үбірлі-шүбірлі болуына тілектестік білдіреді.

Би:

Жүргізуші: Балалар, қар еріп, жер көгерді. Күн жылынып, мал төлдеп, ақ түйенін қарны жарылған күн туды. Бұл күні күн мен түн теңеліп, адамдардың ауызы аққа тиетін, жер үстіне шаттық орнаған күн.

Қазақ елі осы күнді «Ұлыстың ұлы күні, Ұлыс күні» деп атаған.

Наурыз мерекесі ұлттық мерекеміз болғандықтан өз ұлтымыздың салт-дәстүрлерін айтпай кетпеске болмас. Бүгін біздер бесікке салу рәсімін тамашалайтын боламыз.