Ауылшаруашылық малдарын және үй жануарларын пішу әдістері.

Элемент №

Сабақтың элементтері, оқу мәселелері оқыту әдістері мен формалары

І

Ұйымдастыру кезең: 3 мин

- оқушылармен амандасу

- оқушыларды түгендеу

-аудиторияның сабаққа дайындығын бақылау

ІІ

• Үй тапсырмасын сұрау: 10 мин.

Бақылау сұрақтары:

1. Жара түрлері?

2. Жара пайда болғанда кезіндегі дәрігерге дейінгі көмек

3. Жараны емдеу әдістері қандай?

4. Жараның қандай деңгейлері болады?

5. Жараны ашық әдіспен емдеу қалай іске асады?

6. Жараны тазалау ережелері?

7. Жарақатқа қандай алғашқы көмек көрсетіледі?

ІІІ

Жаңа сабақты меңгеру: 50 мин.

Тәжірибелік жануарлар: тақырыпқа сай малдар (ірі қара мал, жылқы, ит, мысық).

Материалдар мен жабдықтар: скальпельдер, қисық қайшылар, ұстара, хирургиялық пинцеттер, Занда, Кохер қысқыштары, ине ұстағыштар, балға бұрғы, ота жіптер (жібек, лавсан, кетгут), жалпы жансыздандыруға қолданылатын дәрілік заттар (хлоралгидрат, ксиланит, рометар, кетамин, калипсол), тампондар (анжылар), ашық жараларды өңдеуге арналған ерітінділер (сүртпе майлар, антибиотиктер, стрептоцид, фурацилин, 0,5% новокаин, 1%-ды хлорамин ерітіндісі, 0,5%-ды мүсәтір спирті, 5%-йод тұнбасы).

Сабақтың жүргізілетін орны: клиника, ота жасау бөлмесі немесе шаруашылықтағы ашық алаңқай.

Жұмыстың барысы: оқытушының жетекшілігімен студенттер ауылшаруашылығы малдары мен үй жануарларын пішу әдістерін меңгереді.

Сабақты жүргізудің әдісі: оқытушы студенттердің теориялық білімін тексеріп, топты 4-5 студенттен 2-3 топшаға бөледі. Еркек малдарды алдымен бекемдеуді, жансыздандыруды және малды пішу әдістерін көрсетеді.

Айғырды пішуі Айғырды орыс немесе Решетняк әдісімен жығып, сол жағына жатқызады, оң жақ артқы аяғын жығатын қайыс арқанның сақинасына немесе арнайы жылқының мойынына киілген арқанға тартып ота орнын ашып қояды. Қалған аяқтарын бірге байлайды. Жығар алдын айғырдың ұма немесе шап аумағын ластамау үшін, құйрықты бинтпен орап байлайды.

1-сурет. Айғырды жығып пішуге дайындау

Жансыздандырудың маңызы өте зор, оны әсіресе асау және күшті малды жығардан бұрын және пішу алдында жасау қажет. Ол үшін аралас жансыздандыруды қолданған жақсы нәтиже береді. Жергілікті жансыздандыру төмендегіше орындалады:

1) қолмен ұманы берік қысып ұстап алып, ұма терісінің түбіне 5% - дық йод тұнбасының ерітіндісін жағады. Л.С. Сапожниковтің интератестикулярлық жансыздандыру тәсілі бойынша әрбір енге 10 мл 4%-дық новокаин ерітіндісінің енгізеді.

2) новокаин ерітіндісін ен қосалқының сыртқа шығып тұрған құйрығынан денесіне бағыттап жібереді;

3) М. В. Плахотин әдісі бойынша ұманы қолмен берік ұстап инені ен қосалқысының басынан қадап, енбауына қарай 4см жылжытып 10мл 4%-тік новокаин ерітіндісін енгізеді;

4) Ұма мойындағы ұлпаларды инемен тесіп, енбауының қалыңдығына сол мөлшерде новокаин ерітіндісін енгізеді. Жансыздандыру 5-6 минуттан кейін басталады. Егер алдында хлоралгидрат пен жалпы жансыздандыру жасалған болса, онда ұманы қосымша жансыздандыру қажеттілігі туындамайды. Хлоралгидрат қолданбағанда, тілетін орынға тері астынан 0,5% новокаин ерітіндісімен жансыздандыру қажет.

Ашық ота техникасы. Отаны біріңғай жоспармен әртүрлі пішуге арналған қысқыштарды немесе эмаскуляторларды қолдануымен орындайды. Бұл аспаптардың мақсаты енбауын мыжу және қан кетуінің алдын алу үшін, тұрақты тромб жасау

ІV

Сабақты бекіту: 20 мин.

Бақылау сұрақтары:

1. Экономикалық оталар түсінігі және қажеттілігі

2. Еркек малды пішу жолдары

3. Ұрғашы малды пішу әдістері

4. Колпотомия түсінігі

5. Пішудің перкутанды әдістері

V

Сабақты қорытындылау, бағалау: 1 минут

Тапсырманы дұрыс орындағандар «90-100», жартылай «75-89», қанағаттанарлық «50-74», дұрыс орындамаған студентке сұрақтардың жауаптарын ескере отырып бағалау. Жаңа тақырып бойынша қысқаша түйіндеме жасау, оқушылардың білімін сабақ барысындағы белсенділігіне сәйкес бағалау.

VІ

Үй тапсырмасын беру: 4 минут

Жануарларға алғашқы емдік көмек көрсету: оқу құралы/ Қанжігітов Е.Қ.,– Нұр-Сұлтан: «Кәсіпқор» 2019ж.

133-138 беттер конспект жазу

VІІ

Рефлексия (2 мин)

Сабақтың ұнағандығын не ұнамағандығын жоғарыдағыдай көрсетеді