«Ел болашағы жас ұрпақтың қолында»Президентіміз Н.Ә.Назарбаев бір сөзінде: «Ел болашағы жас ұрпақтың қолында» деген. Қазіргі еліміз әлемге танылып, өркен жайып, кемелденген кезінде еліміздің болашағына үміт артып отырғанда ел тарихын мектеп табалдырығынан бастап таныстыру әр ұстазға артылған салмақты міндеттердің бірі. Тәрбиелеп отырған бүлдіршіндеріммен бірге ата-бабамыз ақ найзаның ұшымен, ақ білектің күшімен қорғаған, сан ғасырлар бойы армандаған, ұшса қыран құстың қанаты талатын, шапса тұлпардың тұяғы сынатын кең байтақ еліміз тәуелсіздігін алғалы 27 жыл толуына орай ертеңгілік өткіздім. Жыл сайын сол тәуелсіздік жолында құрбан болған жастарды құрметпен еске алу біздің парызымыз. Даярлық тобымда «Егемен елдің ертеңімін!» –атты ертеңгілік өткізілді. Ертеңгіліктің мақсаты: тәрбиеленушілерді Отанымызды сүйуге, еліміздің рәміздерін қастерлеуге, туған жерге деген сүйіспеншілігін ояту, тәуелсіздік жолында құрбан болған жастардың ерліктерін құрметтеуге шақыру. Елін, жерін, қорғайтын, тарихын құрметтейтін жаны таза, адамгершілігі мол азаматты қалыптастыру. Тәуелсіздік алғаннан бергі еліміз жайлы деректер мен бейнебаяндарды көре отырып, кішкентай бүлдіршіндер өз еліне, жеріне деген сүйіспеншіліктерін ақын-жазушылардың өлең-жырларымен жеткізе білді.Отан деген-Атамекен,Отан деген –туған жер.Отан –ана, Отан үлкен,Қазақстан –туған ел. Балалардың ой-өрісін дамыту мақсатында еліміз, жеріміз, туралы сұрақтарға белсенді жауап бере алды. Еліміздің тәуелсіздігін білдіретін ерекше белгілер -мемлекеттік рәміздер жайлы да білімдерін ортаға салды. «Тәуелсіздік» сөзінің әрбір әрпінің қандай мағына беретініне де қызығушылықпен талдау жасады. Осы айтулы күнге арналған ертеңгілігіміз ары қарай тәрбиеленушілердің дайындаған шағын концертімен ұласты. Атап айтсақ, Сүлейменқызы Тамаша «Еркіндік айғағы» әнін орындаса, Жакупова Жания «Тәуелсіз ел ұланы» әнін тамылжыта шырқады. Тұрсунхан Нұртілеу «Мен қазақпын» әнін орындап, балаларды жігерлендіре түсті. Қыздарымыз «Қамажай» биін мың бұрала билесе, ұлдарымыз-болашақ ел қорғаушыларымыз «Жас сарбаздар» өнерін тарту етті. Келген қонақтар балалардың өнеріне тәнті болып, алғыстарын айтты. Аспанымыз ашық, болашағымыз жарқын болсын!
«Айнабұлақ орта мектебі» КММ даярлық сыныбының тірбиешісі. Құмарбекова А.Қ