Білімді шәкірт тәрбиелеудегі педагогикалық
әдіс–тәсілдер
Педагогикалық
әдіс–тәсілдер білімді шәкірт
тәрбиелеудегі бірден–бір тиімді тәсіл.
Әдіс–тәсілдердің маңыздылығы сол –
қай істе болмасын оның нәтижеге бағытталуында.
Бүгінгі күн – білімділердің
заманы. Ал көзінде нұры
жанған білімді
ұрпақ жан–жақты жетілген, түрлі
әдіс –тәсілге бай, білімді ұстаздың
алдынан шығатынын айтпасақ та белгілі. Сондықтан да ұрпақ тәрбиесі
мен білімін жетілдірудегі педагогикалық әдіс
–тәсілдердің үлесі
зор.
Біріншіден,
әдіс–тәсілдер мақсатқа жетудің
жолы мен ұтымды таным құралы. Әрбір
педагог балаға сіңімді білім мен тәрбие беруде сауатты жетілген,
түрлі әдіс–тәсілдерді меңгеруі тиіс.
Себебі ұстаз – бала жанының бағбаны. Ертеңіне
ой тастап, жол көрсетер нұсқаушысы.
В.Сухомлинскийдің:
«Өз еңбегін
талдай білген адам ғана тәжірибелі ұстаз бола
алады»,–деген сөзінен көп нәрсені аңғардым.
Демек педагог түрлі әдістерді қолданып қана қоймай,
оның тиімдісін анықтап, өзіне талдау жасап отыруы қажет. Міне,
сонда ғана шебер мұғалімнің білім берудегі ұтымды тәсілдері мен
тиімді креативті қасиеті оқушы бойынан көрініс табады деп
ойлаймын.
Екіншіден, педагогикалық
әдіс–тәсілдердің
ішіндегі субъекті мен объекті үшін де топтық жұмыстың
білім берудегі алатын орны орасан. Оны оқу ордасында көріп те
жүрміз. Топтық жұмыстың маңыздылығы сол – балаларды тақырыпты бірге
меңгеруге, бірлік пен ынтымақтастыққа, білімді тұшымды меңгеруге,
қарсылас топпен жарыса отырып, тапсырманы жылдам орындауға, сапалы
білім алуға жетелейді.
Үшіншіден, тиімді әдістердің ішінде саралап
оқытудың да оқушы үшін берері
мол. Кейбір оқушылар
сабақта негізгі мәтінмен жұмыс жасаумен шектелсе, қабілеті жоғары
оқушылар жетілген деңгей сөздіктермен және күрделі идеялармен жұмыс
жасауға қабілетті болады. Міне, мұны саралап
оқытудың оқу
нәтижелеріне жету үшін, оқу материалдарын кең көлемде пайдалануға
мүмкіндік беретін, барлығына ортақ керемет тәсіл деп
айтар едім.
Тоқсан ауыз сөздің тобықтай
түйінін айтар болсам, мұғалім– мектептің жүрегі. Ал педагогтың
әдіс–тәсілдері
– ізгі қасиетке бояушы, ынтаны оятып, сананы
сілкіндіріп, субъектіні оқу үдерісінде ілгері жылжытатын құнды амал
әрекет дер едім.