Мақала тақырыбы: Латын қаріпі рухани дамудың бастауы

Латын қаріпі - рухани дамудың бастауы

Латын қаріпі жайлы сөз қозғамас бұрын ненің егізінде жұмыс істеп жатқанымызды біліп алған маңыздырақ.  Қазақстан Республикасының Тұңғыш Президенті Нұрсұлтан Әбішұлы Назарбаевтың 2017 жылы 12 сәуірде «Болашаққа бағдар: рухани жаңғыру» бағдарламалық мақаласында: «Біріншіден, қазақ тілін біртіндеп латын әліпбиіне көшіру жұмыстарын бастауымыз керек. Біз бұл мәселеге неғұрлым дәйектілік қажеттігін терең түсініп, байыппен қарап келеміз және оған кірісуге Тәуелсіздік алғаннан бері мұқият дайындалдық. Еліміздің латын әліпбиіне көшу – ұлтымыз үшін жасалған маңызды қадамдардың бірі» деп айтқаннан кейін, шегелеп берген шешімді атқармасқа амал бар ма десек те болар еді. Бірақ, латын қаріпі еліміздің, балаларымыздың болашағы үшін олардың рухани дамуы үшін керек дүниенің бірі екені қазіргі тілмен айтқанда көзі ашық қырағы елдің санасына жеткен сияқты.

Еліміз аты аталып, түсі түстеліп мына қаріптермен жазатын болдық деген соңғы шешімді әлі шығармағанмен түсіндіру, жұмыстары мен әріптерді қайта қарау жолдары ғалымдардың құзырында қайнап жатқан іс шараның бірі екені айтпай-ақ та белігілі.

Латын қаріпі бойынша түсіндіру жұмастары білім саласы мен қатар бір қатар әлеуметтік маңызды нысандарда да алға қойған шаралардың бірі болып отыр.

Латын қаріпі туралы түсіндіру жұмыстары орта жас пен орта жастан асқан адамдар арасында түсіндіруді күшейтсек, жастар жағы бұл істі іліп әкететіні сөзсіз. Себебі, латын қаріпінің көп әріптері ағылшынға сәйкес келеді. Оқылу жағынан аса қиындық тудырады деп ойламаймыз. Негізі латын қаріпіне көшіп алсақ, туыстар елдердің ғылыми жаңалықтарымен, қажет ақпараттарды тікелей аудармасыз оқуға зор мүмкіндік болар еді.

Беріге оралар болсақ, мектебімізде латын қаріпіне қатысты жоспарланған іс-шаралар өз деңгейінде өтіп жатыр. Жоғары сынып оқушыларымен диктант, мұғалімдер арасында уақытша енгізілген қаріптерді талқылау жөнінде дөңгелек үстел, қалалық, облыстық форум конференцияларға қатысу сияқты тағы басқа шаралар өз жемісін беріп те келе жатқан тәрізді.

Сөз соңында, еліміздің рухани бірлігі жарасып, түбі бір түркі тілімен білім жарыстыратын заман болсын!