Мейрімділік жолы

Республикалық «Қамқорлық» қайрымдылық акциясы дәстүрлі түрде жыл сайын өз жалғасын тауып келеді. Акцияның мақсаты «Қазақстан – 2050» Стратегиясында белгіленген балалардың өмір сүру саласын жақсарту жөніндегі жаңа әлеуметтік саясатты іске асыру. Маңызды міндетіміз қамқорлық жасау. Жамбыл орта мектебінде де осы акцияға орай жоспар құрылып, жұмыстар атқарылды. Акция барысында «Жанашырлыққа – жан риза» атты ақпаратты стенд шығарылып, қамқорлыққа байланысты суреттер салынды. Сонымен қатар әр мұғалім жүктелген үйлерді аралап, балалардың жағдайын қадағалады, «түнгі ауыл балалары» кешкі мезгілде рейд жүргізілді. «Жылуы жоқ үйден без, қайырымы жоқ биден без» - дегендей көмекке мұқтаж балалардың тізімін жасап, оларға көмек қолын созу мақсатында «Мейірімділік жолы» атты тәтті тағамдар жәрмеңкесі өткізілді.