«Мектепке
жол» дәстүрлі республикалық
қайырымдылық акциясы
Қазақтың жақсы қасиеттерінің
асылы - жомарттық, кеңпейілдік. Ол адамға қызмет қылып, жақсылық
жасауға пейілді жанға тән сипат. Жомарт болу -өзіңде барды әр
адаммен шын жүректен бөлісу. Балалардың санасына мейірімділік,
қайырымдылық ұғымдарын қалыптастыра отырып, оқушыларды
кішіпейілдікке, бауырмалдыққа баулу. Ізгі қайырымды істер жасау
арқылы балалардың Ризашылығы пен алғыстарын ала отырып, үлкен -
кішіге деген сүйіспеншілігін, сыпайылық қарым - қатынасын дамытуға
тәрбиелеу.
Талдыбұлақ жалпы орта білім
беретін мектебінде 2020 жылы 08 тамыз
–
07 қыркүйек аралығында
«Мектепке
жол» дәстүрлі республикалық
қайырымдылық акциясы өтті. Акцияның басты мақсаты – әлеуметтік
көмекке мұқтаж отбасы балаларына көмек
көрсету.
Мектепке тиеселі 9 ықшам
ауданды зерделеу барысында мектепке тартылмай қалған оқушы
анықталған жоқ.
«Қайырымдылық жасасаң, қайырын
өзің көрерсің», - дейді дана халқымыз. Қамшының сабындай қысқа
өмірде шама-шарқың келгенше аялы алақан мен жан жылуын аңсайтын
жандарға қол ұшын бергенге не жетсін! Бірінші кезекте
әлеуметтік жағдайы төмен, аз қамтылған көпбалалы
отбасы балаларына мектеп ұжымы
өздерінің қолдарынан келгенше киімдей және және оқу құралдарымен
көмектесті.
Қайырымдылық, адамгершілікті биік ұстап,
қолдан келген жәрдемін ұсынып, достық пейілдерін таныта алатын
жандардың арамызда әлі де бар екендігі қуантады. Мектебіміздегі
әлеуметтік көмекке мұқтаж оқушыларына көмек көрсеткен демеушілерге
мектеп ұжымы атынан үлкен ризашылығымызды білдіре
отырып, мектебімізде әлі де осындай
игі істер жалғасын табады деген сенімдеміз.
Талдыбұлақ ЖОББ
мектебі
Әлеуметтік
педагог
Баккараева Динара
Бөкенбайқызы