"Мүгедек және мүмкіндігі шектеулі оқушыларға көрсетілетін әлеуметтік қолдау және көмек түрлерін ұйымдастыру"

«Мүгедек және мүмкіндігі шектеулі оқушыларға көрсетілетін әлеуметтік қолдау және көмек түрлерін ұйымдастыру»

Қызылорда облысы Жаңақорған ауданы №213 жалпы орта мектебінің әлеуметтік педагогы Мырзабай Халима Арыстанбайқызы

Балаға қатысты жасалатын барлық

іс-әрекет оның мүддесін толық көлемде

ескеруі қажет.

Бала құқықтары туралы Конвенция 3-бап

Қазақстан Республикасы үздіксіз білім бру жүйесіндегі Тәрбие Тұжырымдамасындағы негізгі міндеттердің бір болып, жас ұрпақтың рухани – адамгершілік, интеллектуалды өмірі, денсаулығы, аман-есендігі үшін әлеуметтік құзыреттілік пен жауапкершіліг көтеруді үйымдастыруға жағдай жасау болып анықталған.

Аталған міндеттерді шешу жолында мектебімізде мүгедек пен мүмкіндігі шектеулі оқушыларға әлеуметтік қолдау, көмек кқрсету, қорғау мақсатында жүйелі жұмыстар жүргізілуде.

Әрбір істі жүзеге асырудан бұрын оның жоспарын, бағыт-бағдарын анықтап, бағдарлама дайындап, соның негізде орындайтын іс-шаралардың мазмұны, жұмыс түрлері нақтыланады. (мүгедек пен мүмкіндігі шектеулі оқушылармен жүргізілетін жұмыстардың жоспары.)

Жоспар бойынша мүгедек пен мүмкіндігі шектеулі оқушылар анықталып, есепке алынады. Бұл оқушылар мектеп кітапханасындағы бар оқулықтармен толық қамтылып және бір мезгіл жалпыға бірдей міндетті оқу қорынан бөлінетін қаржыдан ыстық тамақ тартылады.

Ата-аналарымен жыл бойы әртүрлі мәселелер бойынша үнемі байланыс жасалып келеді.

Бірінші кезекте қайырымдылық акцияларынан, бюджет қаржысына алынған киім-кешектермен қамтамасыз етіледі.

Мүгедек пен мүмкіндігі шектеулі балаларды оқытып, білім беруде оқшаулап үйлерінде ғана қалдырмай, ұжым ортаында, арнайы білім беру мекемелеріне тартып, айналамен тығыз байланысты білім алуына көңіл бөлінеді. Бұл оқушылардың мектепішілік және мектептен тыс ұйымдарымен байланысы әр оқу жылында анықталып отырады.

Сабақ үлгерімдері, сабаққа қатысулары анықталып, қадағаланады. Мүгедек, мүмкіндігі шектеулі дегенмен адами қасиеті, қабілетінің сан қырлы екенін жекелеген өмір тәжірбиесінде көргеніміздей , сол мүмкіндігі шектеулі адамдардың өзіне дарын берілген. Ақындық, шеберлік талант көздерін аша білсе, сол қасиеттерімен қоғамға сау адамдардан да көбірек пайдасын әкелетінін көзіміз көріп жүр. Сондықтан әр баланың бойынан дарын ұшқынын үрлеп, әрі қарай дамыту міндеті жүктелді. Баланың ортадағы өзін-өзі ұстауы, айналадағы адамдармен, қатар балалармен қарым-қатынасы психикасына жақсы әсер етеді. Өзгелермен салыстыра алуы, белгіліден белгісізге ұмтылуы, өзгеден үйренуге талпынуы –жеке бас дамуына ықпал ететінін анықтау мақсатында түрлі сайыстар қарастырылады.(конкурстарға қатысу)

Үйден оқитын және мектепте оқитын мүгедек оқушылардың мектепішілік және мектептен тыс іс-шараларға қатысымына қолдау жасалады. Үйден оқитын және мектепте оқитын мүгедек оқушылардың мәдени сауықтыру шараларын тамашалауға жағдай жасалып, демеушілік көрсетіледі. Бұл оқушылардың жанұя мүшелерімен, сабақ беретін пән мұғалімдерімен байланысы, қарым-қатынасы мектеп психологтарының көмегімен түрлі сауалнамалар арқылы анықталады.Жазғы демалысын ұйымдастыру да жүйелі түрде жүргізіледі.

Тұңғыш президент Н.Ә.Назарбаев «Қазақстанның әлеуметтік жаңғыртылуы: Жалпыға ортақ еңбек қоғамына қарай 20 қадам» тақырыбындағы бағдарламасында: «Халықтың әлеуметтік әлсіз топтарына жататын азаматтарды әлеуметтендіру тетігін дамыту қажет. Бұл бірінші кезекте мүгедектер мен мүмкіндігі шектеулі адамдар, көпбалалы отбасы мүшелері, зейнет жасындағы адамдар және т.с.с. Сонымен бірге негізгі көзқарас мемлекет қамқорлығы емес, осы азаматтардың өздеріне, өздерінң әлеуметтік пайдалы еңбекке жарамдылығына деген сенімге ие болуларына көмектесетіндей жағдай жасау» деп атап көрсетті. Осы орайда, мүгедек және мүмкіндігі шектеулі балаларға көрсетілетін әлеуметтік қолдау және көмек түрлерін ұйымдастыру жұмыстарын жүйелі отыру –бүгінгі таңдағы басты міндеттердің бірі.