"Өнер құдіреті - мәңгілік!" атты өнер фестивалінің сценариі

«Өнер құдіреті – мәңгілік!» атты өнер фестивалінің бағдарламасы.

Өтілетін орны: № 84 жалпы орта мектебі.

Өтілетін күні:

Уақыты: 15-00сағ.

«Домбыра» биі. «Балдәурен» би ансамблі.

Фанфар беріледі.

1-жүргізуші:

Сәлем бердім, халайық, қалын елім!

Өнер сүйер қауымға сәлем бердім!

Көтер көңіл, жалықпа осы кеште,

Өнерге толы керуенді ала келдім!

2-жүргізуші:

Армысыздар , бұл кештің қонақтары!

Халқымыздың қашанда қонақ бағы.

Сәлем бердік тағы да алдарында

Мектебімнің өнерпаз саңлақтары.

1-жүргізуші: - Құрметті ұстаздар, қадірлі қонақтар, оқушылар! №84 жалпы орта мектебінде өтетін «Өнер құдіреті – мәңгілік» атты өнер фестиваліне қош келдіңіздер!

2-жүргізуші: -Бүгінгі кешіміздің қадірменді қонақтары,өнерпаздарымызға әділ баға беретін әділ-қазылар алқасымен таныс болыңыздар:

______________________________________

______________________________________

______________________________________

1-жүргізуші:

Шақырады ойнасаң гүл-даламыз,

Туған жерден нәр алып нұрланамыз.

Болашаққа көк туымен желбіреген

Отанымның өнерлі жастары- біз боламыз!

2-жүргізуші:

Жүр барайық, ашайық ән арнасын,

Жырау толған домбырасын қолға алсын.

Дастарқандар көзді тартып жайнасын,

Қыпша белді қыздар билеп талмасын!

2-жүргізуші:

Мереке деп баршаға жар салайық ,

Думандатып,би билеп ән салайық.

Бүгінгі қуанышқа шырай берген

Өнерлі бишілерді қарсы алайық!

1-жүргізуші:

Бишілер емес, құстар сияқты

Елестейді бір көрген түс сияқты.

Әжемнің ұршығындай үйірілгенде

Жер шарын айналдырған күш сияқты.

(«Құстар» биі. «Балдәурен» би тобы.)

2-жүргізуші:

Өлең жазу-балалықтың әсері

Сол жерден әдемі өнер өседі,- деп жас ақын Бөгенбай Қайыржанды ортаға шақырайық.

(Қайыржан шығарған «Өнер құдіреті мәңгілік» атты өлеңін оқиды)

1-жүргізуші:

Біздің ән көк майсалы белдің әні,

Кең дархан,қасиетті жердің әні.

Ата заң,елтаңбасы,көк туы бар,

Біздің ән егеменді елдің әні.

(Сопаева Саяжанның орындауында «Астана кеші» әні)

1-жүргізуші:

Халқымыз әлі-ақ талай танылады,

Өнердің биік болсын шаңырағы.

Әрқашан ұлтымыздың сөзін айту

Ақынның бола берсін жан ұраны!-дей отырып, ортаға жас ақын Әлімбекова Маржанды шақырайық.

2-жүргізуші:

«Ұйғыр» биі тегеурінді тамаша

Біздің қыздар билейді оны жаңаша.

Байқаудың қызығын бір сәт арттырар

Биші қыздар сахнада жараса.

(«Балдәурен» би тобының орындауында «Ұйғыр» биі)

2-жүргізуші:

Асыл тастан, өнер –жастан

Шығады деп дарынды.

Халық айтса, халық сөзі

Әрқашанда нанымды, -

Мұқағали Мақатаев «Поэзия».

1-жүргізуші:

Достарым бар қуанып,

Тамашалар кештерде.

Тал шыбықтай бұралып

Биші болам өскенде

«Қозқұйрықтар» биі.

2-жүргізуші:

Өзгеше болмаса да мол мұрасы,

Қазақтың ғажап осы домбырасы!
Айналған ұрпақтардың мақтауына

Ежелден қадір тұтқан кәрі-жасы.

Қуаттың орындауында Нұрғиса Тілендиевтің «Әлқисса» күйі.

1-жүргізуші:

Күлкі - жанның дәруі,

Жауратпайды жалыны.

Юмор менен Сатира,

Ол жанрдың биігі.

«Алдар-Көсе» сахналық қойылым.

2-жүргізуші:

Елімнің ақ мейірін айдын көрем.

Мен үшін жарқырай тұр, айқын әсем.

Ән-әуен тербетеді жүрегімді,

Өмір бойы жырымды айтып өтем.

Қарабай Айнұрдың орындауында «Қазақстан» әні.

1-жүргізуші:

Ел тарихы, жер тарихы – өзіміз.

Болашақтың қасиетті көзіміз.

Бабалардың ата жолы мұра боп

Ақ қараны тіліп тұрсын сөзіміз.

Хореографиялық қойылым «Ғасырдан ғасырға»( Би, спорттық блок).

Қойылымның соңында ортаға барлық қатысқан өнерпаздар шығады.

2-жүргізуші:

Өсер елдің қай сәтте де бірлік болмақ қалауы

Байлықтың да жеткен емес Отанға еш балауы.

Осылардай ар-намысты ұландарымыз тұрғанда

Ешқашан да еңкеймейді Қазақстан жалауы!

1-жүргізуші:

Осымен «Өнер құдіреті мәңгілік» атты фестивалі өз мәресіне де келіп жетті. Келесі сөз әділ-қазылар алқасына беріледі.

2-жүргізуші: Қорытынды сөз мектебіміздің директоры Әзімбаев Сахыбек Әзімбай-ұлына беріледі.

1-жүргізуші: Сіздермен қоштаса отырып, өнерлі жас таланттарымызға өнердің биік шыңына қанат қағып, самғай беріңіздер деп тілейміз!Қош сау болыңыздар!