Отбасы - өмір айнасы

Тақырыбы: «Отбасы – өмір айнасы» тренингтік сағаты

Мақсаты: қамқорлықтағы, патронаттық тәрбиедегі балалардың қамқоршыларымен қарым-қатынастарын нығайту, қамқоршыларға қолдау көрсету, жағымды көңіл-күй қалыптастыру.

Көрнекілігі: маркер, шар, ақ парақ, нақыл сөздер

«Менің қолымды таны»

Ата-аналар мен балалар ақ параққа өз қолдарын басады. Мұғалім парақтарды нөмірлеп, тақтаға іледі. Бала ата-анасының қолын табу қажет, ал ана баласының қолын табу қажет.

«Бұл кім?»

Барлығы ақ параққа сурет салады, ата-ана баласын неге теңейді, бала ата-анасынын неге теңейді, соның суретін салу, түсіндіріп айту.

«Аяқталмаған сөйлем»

Отбасы бұл ... (жайлылық, жылылық қуанышы, сүйікті адамдар т.б.)

Менің ата-анам бұл ... (менің достарым, сенімді серігім, мені сүйетін адамдар, өзара түсіністік т.б.)

Менің отбасымдағы қуаныш – бұл .. (көтеріңкі көңіл-күй, болашаққа жоспар, бақыт т.б.)

Үйімнен жыраққа кетсем ... (үйімді сағынамын, ата-анамды бауырларымды сағынамын т.б.)

Ата-анамның басты тілегі – бұл (балалардың денсаулығы, менің болашағым, балаларының бақыты т.б.)

«Біріккен сурет» тренингі

 Ата- анасы баласымен үстелге отырады. Оларға бір ақ қағаз және бір щеткасымен акварель бояуы беріледі. Олар әрқайссысы қандай сурет салатындарын бір- бірімен келіспейді. Бірінші біреуі қолын щетканың үстінен, ал екіншісі астынан қойып суретті салады. Одан кейін ол парақ алынып, басқа парақ беріледі де екеуі қолдарын ауыстырады. Аяқтағаннан кейін екеуі суреттерін көрсетіп әрқайссысы қандай сурет салғылары келгенін және қандай қиыншылықтар болғаны талқыланады

«Рөлдермен ауысу» аналар мен балалар өз рөлдерін ауыстырады: бала – ана, анасы – бала болады

• балаңыз үйге кеш келді;

• компьютер ойнап, сабағын жасамай отыр;

• мұғалімнен ескерту берілді, сабағын орындамағаны үшін;

• ата-аналар жиналысы болады;

• өз бөлмесін жинамайды;

• бір сыныпта оқитын баламен сөзге келіп қалды

«Қуаныш шары» ата-аналар мен балалар бір-біріне қарама-қарсы тұрады. Шарды бір-біріне лақтыру отырып, мақтау сөздер, жақсы қасиеттерін айтасыздар.

«Жылулық шеңбері». Барлығымыз бір-біріміздің қолымыздан ұстап үлкен шеңбер жасайық. Өздеріңізді үлкен тұтас дененің бір бөлшегі ретінде сезініңіздер, әр қайсымыздың өз орнымыз, өз есебіміз бар ...

Көздеріңізді жұмыңыздар, ал енді ойша осы шеңберде тұрған адамдарға жақсы, жылы, қайырымды тілек тілеңіздер. Біздің оларға бергіміз келетіндігін барлығы сезетіндей етіп жасау біздің күш –жігерімізде. Біз қаншалыө көп берсек, соншалықты өзіңізге қайтады, себебі біздің әрқайсымыз – тұтас үлкеннің жартысымыз, сіздің өз отбасыңыздың бір бөлшегіміз ... (сезіну мен жанасу коммуникациясы).

Енді көздеріңізді ашуларыңызға болады.

Біз отбасында көптеген нәрселерді үйренеміз: қуануды, бір-бірімізге қамқор болуды, мейірімді, жанашыр болу білуді, дос бола білуді т.б. Отбасында сүйіспеншілікке бөленеміз. Сондықтан да «отбасы – өмір айнасы» деп бекер айтылмаған. Сонымен бүгінгі шарамыз өз мәресінде жетті. Отбасыларыңызда әрқашан сенім, түсіністік, татулық болуын тілеймін.

Барлықтарыңызға рахмет! Сау болыңыздар.