«Қашықтан білім беруде қазақ тілі мен әдебиетін оқыту үшін Online mektep платформасының тиімділігі»

Ы.Алтынсарин атындағы жалпы орта білім беретін гимназия

ӘДІСТЕМЕЛІК СЕМИНАР

«Қазақ тілі мен әдебиетін қашықтықтан оқытуда

қолданылатын тиімді әдіс-тәсілдер»

БАЯНДАМА

«Қашықтан білім беруде қазақ тілі мен әдебиетін оқыту үшін

Online mektep платформасының тиімділігі»

Дайындаған : Коныршина Е.С.

28.12.2020 жыл

Қашықтықтан оқыту қазіргі заман талабы. Қашықтықтан оқыту - бұл мұғалімнің біліктілігін көтереді. Оқушының өз бетімен білім алуын қалыптастырады. Ата-ананың мектепке, мұғалімге деген көзқарасын өзгертеді деп ойлаймын. Қазіргі таңда ең тиімді құрал ретінде «Online mektep»«Youtube», «Whatsapp» әлеуметтік желілерін қолданып отырмыз. Алғашқыда «Бұл қалай болар екен? Сабақты қалай түсіндіремін? Оқушы жаңа материалды толық меңгере ала ма?» деген сұрақ жалпы білім беретін мектеп мұғалімдерін мазалағаны анық.

Орта буын оқушыларына қазақ тілі мен әдебиетін оқыта отырып, бұл алдын-ала мазасыздану екенін түсінгендеймін. Оқушыларға өзіндік дайындық тапсырмаларын беруде мүмкіндігінше жеңіл етіп жасауға тырыстым. Себебі, біздің оқушыларымыз орыс тілді болғандықтан оларға бетпе-бет отырып түсіндірмегендіктен тапсырманы игеру, орындау қиындықтар әкелді. Дәстүрлі білім берумен салыстыра келе, оқытудың бұл түрінің оқушы үшін де, мұғалім үшін де тиімсіз тұстарымен қатар тиімді тұстары бар екенін байқағандаймын. Бетпе-бет оқыту барысында толыққанды кері байланыс жасаушы баланың саны 1/3 құраса, қашықтықтан оқыту барысында бұл есеп тең дәрежеде болып тұр. Өйткені сынып оқушыларының алдында өзін «ұялшақ», «әдемі, сауатты жаза алмаймын» деп санайтын оқушылар, сынып жұмысын, үй жұмысын тиянақты орындап, мейлінше қатарластарының алдына озып кетпесе де, өзіндік ой-пікірін айтып, белсенділік танытуы таңқаларлық жағдай, көңілімді қуантып, мерейімді өсірді.

Өз тәжірибемнен айта кететін болсам, маған қашықтықтан оқыту ұнады. Себебі, орта жаста болсамда ақпараттық-коммуникациялық технологияларды және телекоммуникациялық құралдарды қолдануда білімімді тереңдеттім десем де болады. Видеосабақ жасауды үйреніп, оқушыларға шағын сабақтарды «Online mektep» пһ арқылы сабақтарды жүктеп, оның видеоконференциясы арқылы сабақты түсіндіріп, оқушылармен кері байланыс орнатып отырдым. Ауызша тапсырмаларды орындауда оқушылар «Whatsapp» желісін ұтымды пайдаланды.

Республикада өткен жылдың соңында болған оқытуға тамаша балама пайда болды. Online Mektep платформасы Zoom және басқа платформаларды ауыстыру құқығын өте жақсы атқарады.

Бұл платформа орындауы керек негізгі міндет, авторлардың айтуынша, оқушыны материалды жақсы игеру үшін интерактивті түрде ұсынылатын ең жақсы материалмен қамтамасыз ету болып табылады. 3,5 миллионға дейін пайдаланушы жаңа оқу жылында Online Mektep қазақстандық білім беру платформасына бір уақытта бара алады. Бұл платформаның серверлері осындай жүктемеге арналған.

Порталды қазақстандық компания 2020 жылдың наурыз айында әзірледі. Өткен оқу жылының төртінші тоқсанында балалар осы платформаның функционалын қолдана отырып, онлайн бағдарламалар бойынша жұмыс істеді. Online Mektep сайттың ішінде bilimland.kz және мектеп бағдарламасының барлық пәндері бойынша кешенді оқыту үшін қолданылады.

OnlineMektep платформаның өзі арқылы бейне сабақты көру мүмкіндігін қамтиды. Қарастырылған сабақтан кейін сіз білімді іс жүзінде бекітіп, алған біліміне сәйкес келетін доп ала аласыз, және мұның бәрі платформаның функционалдығы аясында.

Бұл платформа бұзудан жақсы қорғалған және ата-аналар балаларының осы платформа аясында білім алатынына сенімді және ешкім оларға басқа платформаларда соңғы күндердегідей сабақ бермейді.

Online Mektep-тегі әр сабақ адаптивті оқыту алгоритмі бойынша жасалған және 3 деңгей және 9 кіші деңгейлі тапсырмалардан тұрады. Барлық сабақтарды Назарбаев Зияткерлік мектептерінің көптеген оқытушылары әзірледі. Егер жасөспірім материалды толық меңгермеген болса, сабаққа оралып, оны жазбада қайта қарауға болады. Онлайн режимінде жақсы ұйымдастырылған бейне байланыс мұғалімге тікелей сұрақ қоюға мүмкіндік береді. Сондай-ақ, мұғалімге ыңғайлы чат арқылы сұрақтар қоюға болады.

Бүгінгі таңда платформада 42 мектеп пәні бойынша 3500-ден астам бейне сабақ жазылған. Сондай-ақ, сабақта алған білімдерін бірден бекіту үшін платформада көптеген бейне сабақтардан өткен 100 000-ға жуық түрлі жаттығулар бар.

Қазіргі уақытта платформаға Қазақстан Республикасының 3 мыңға жуық оқу орны қосылған. Жазылым бір жылға, егер мектеп жеке болса, мемлекет немесе мектеп басшылығы есебінен ресімделеді. Жазылымнан кейін мұғалімдерге платформаға толық қол жетімділік беріледі.

Қазақ тілі мен әдебиеті сабақтары төрт дағдыны қамти отырып өтілетін пән болғандықтан осы дағдыларды сабақ барысында қамтуда «Online mektep» платформасын өте тиімді деп айта аламын. Бұл платформаның басқадан айырмашылығы мұғалім өзі сабақ кестесін кез келген уақытта қойып, өшіре алады. Сабақ жоспарын, сабаққа арналған тапсырмаларды қойып, оны оқушы кез келген уақытта ашып орындап, жүктей алатын мүмкіндігі бар. Түрлі форматта мысалы ворд, фото, аудио, видео түрінде де тапсырмаларын жүктеуге болады. Мұғалім оқушы орындаған тапсырманы кез келген уақытта ашып, тексеріп кері байланыс жасай алады. Сонымен қатар оқушымен жекелей де жұмыс істеу мүмкіндігі бар. Үй тапсырмасын да жеке жүктеп қоюға болады.

Қорыта айтқанда, қашықтықтан оқыту ұстаз еңбегінің қиын екендігін, оқушы мен ата-анаға ұғындырып, ұстаздың мәртебесі жоғары екендігін дәлелдеді.Әрине, оқушының мұндай жетістікке жетуіне ерекше ықпал етіп, қолдау көрсетіп отырған ата-ананың да еңбегі зор. Мұғалім, оқушы, ата-ана үштігі бірлесіп бір-бірімізге қолдау көрсетсек, бұл қиындықты да жеңіп шығарымыз сөзсіз!