Қазақ тілі-қазақ халқының тілі

Қазақ тілі-қазақ халқының тілі

«Адамға нәрсе тірек тегі: бірі-тіл, бірі -ділің жүректегі»

Тіл мәселесі - мәңгілік тақырып.Ол-әрбір адамға ана сүтімен бірге еніп, қалыптасады.Тілге деген құрмет – халыққа деген құрмет. Тілсіз халықтың, елдің өмір сүруі мүмкін емес.Әлем таныған ел болу үшін тіліміздің мәртебесін көтеруіміз керек.

Ана тілін сүйген адам – туған жерін, елін, Отанын, атамекенін сүйеді деген сөз. Ал, бұлардың бәрі – адам баласы үшін ең қасиетті ұғымдар. Мен оны түсінемін, менімен бірге оқитын топтағы құрдастарым да түсінеді деп ойлаймын. Мысалы, топтағы Алмас құрдасым қазақша тамаша ән салып, басқа ұлт өкілдеріне қазақ әндерінің кереметтігін көрсетіп жүр. Менің ойымша, Қазақстанда тұрып жатқан кез-келген азамат мемлекетік тілде сөйлеуі керек деп ойлаймын.

Мемлекеттік тіл, яғни, қазақ тілі - әлемдегі алты мыңға жуық тілдердің ішіндегі қолдану өрісі жағынан жетпісінші, ал тіл байлығы мен көркемдігі, оралымдығы жағынан алғашқы ондықтар қатарындағы тіл. Сондай-ақ, ол дүние жүзіндегі ауызша және жазбаша тіл мәдениеті қалыптасқан алты жүз тілдің және мемлекеттік мәртебеге ие екі жүз тілдің қатарында тұр.

Адамзаттың Абай мен Мағжан сынды асқар алыптарын туғызған, әкелері мен аналары болған ұлтымыздың тірегі сенсің, туған тілім. «Жақсыдан үйрен, жаманнан жирен» дегендей қазақ тілін құрметтеген, шексіз сүйген бабаларымыздан үлгі алайық. Біз де ана тілімізді алдымен өзіміз құрметтейік, ардақтайық! Сонда ғана туған тіліміздің туы биіктерде желбіреп тұратын болады