Тәрбие сағаты: Адал ұрпақ – мәңгілік елдің кепілі 8 класс

Тәрбие сағаты

Күні

Класс жетекші:

Класс:

Қатысушылар саны:

Қатыспағандар саны:

Сабақтың тақырыбы: Эпиграфтар (тақырып мазмұнын ашатын)

Адал ұрпақ – мәңгілік елдің кепілі

Мақтан үшін мал жима, жан үшін жи.

Ғибадат пен адалдық ар үшін жи.

Шәкәрім Құдайбердиев

Сабақтың мақсаты:

Оқушыларға өмірде ата - анаға, досқа адал бола білуге баули отырып, әр адамның адал ісі мен адамдығы көрінетінін білуге тәрбиелеу.

Құндылықтарды дарыту

-Шығармашылық және сын тұрғысынан ойлау;

-Қарым-қатынас жасау қабілеті;

-Өзгелердің мәдениетіне және көзқарастарына құрметпен қарау;

-Жауапкершілік;

-Денсаулық, достық және айналадағыларға қамқорлық көрсету;

-Өмір бойы оқуға дайын болу.

Ресімдеу

Слайд, видео

Музыкалық және бейне көркемдеу

Видео материалдар

Үлестірмелі материалдар

Суреттер, кеспеқағаздар

Тақырыптық көрмелер мен ақпараттық стендтер

Презентация

Дайындыққа арналған әдебиет

Интернет материалдары

«ТӘРБИЕ САҒАТЫ» Журналы. Сынып жетекшілеріне арналған республикалық басылым.

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Сабақтың техникалық құрал-жабдықтары

Ұйымдастыру кезеңі (5мин)

Класпен амандасу, психологиялық ахуал қалыптастыру, оқушыларды түгелдеу, сабаққа дайындау.

Интерактивті тақта, слайд

Сабақ басы (10 мин)

І. Қызығушылықты ояту

Адамның ниеті, ойы, іс - әрекеті шындыққа негізделгенде адам өзіне де, өзгеге де адал болады. Адал болу кез - келген адамның өз қолында. Ол біздің ішкі жан - дүниемізден бастау алады. Адамның көңілі таза, пейілі кең, адал, шыншыл болғанда әділдікке қол жеткізеді.

Адалдық өмірінде керек нәрсе,

Ол да гүлдеп, нұрланар көңіл бөлсе.

Халыққа өз пайдасын тигізе алмай,

Адам боп, өзін - өзі меңгермесе,- демекші әр адам дүние есігін ашып шыр етіп өмірге келген күннен бастап жүрек қалауымен, ата - анасының берген тәрбиесімен, жақсылық жамандықты көре жүріп өмір сүре бастайды. «Дүниеде әділдік пен адалдықты ту еткен адамнан артық ешкім жоқ» дегендей бүгінгі «Адалдық жүрген жерде - адамдық жүреді» атты пікірталасу сағаты.

І - бөлім - сұрақтарға өз ойын білдіру.
ІІ - бөлім – Шәкәрім өсиеті- адалдық айнасы атты видеоролик қарау.
ІІІ - бөлім - ситуациялық сұрақтарға өз ойын білдіру.

АКТ

Ортасы (30 мин)

ІІ . Мағынаны тану.

І бөлім.Сұрақ-жауап әдісі
Жалпы адалдық дегенді қалай түсінесіңдер?
Адал дос дегенді қалай түсінесіңдер?
Адал болу кез - келген адамның қолынан келмейді? Неліктен?
Ата - анаға, бауырға, ортаға жалпы өмірде адал болу дегенді қалай түсінесіңдер?
Сен өзіңді адал жанмын деп айта аласың ба?
ІІ бөлім. бөлім. Шәкәрім өсиеті- адалдық айнасы атты видеоролик көрсетіп, сұрақтарға жауап беру

1.Мақтан үшін мал жима, жан үшін жи.

Ғибадат пен адалдық ар үшін жи» деген өлең жолында нені меңзеген?

IIIбөлім. Ситуациялық сұрақтарға жауап беру

1. Сенің Айнұр шын сырлас, мұңдас досың. Ол сыныбыңдағы Айгүлмен ренжісіп қалады да саған келіп Айнұрдың кемшіліктерін айтып досыңды жамандады. Сенің әрекетің?
2.Ажар мен Алмагүл сабақтан келе жатыр еді. Ажар жарнамадан жаңа фильмнің басталғанын көрді. Менің қалтамда апамның «самса алып жерсің» деп берген ақшасы бар. Кеттік, кино көрейік,- деді. Алмагүл: Үйден сұранып шыққан жоқпыз. Іздеп қалады ғой,- деп іркіліп қалды. Ештеңе етпес, «мектепте болдық» деп айта саламыз. Ажардың ұсынысына сен қалай жауап берер едің?

Сұрақтарға жауап береді

Оқушы мәнерлеп оқиды

Мал жимақ
Мақтан үшін мал жима, жан үшін жи,
Қазаққа көз сүзбестің қамы үшін жи.
Арың сатпа, терің сат, адалды ізде,
Ғибадат пен адалдық, ар үшін жи.
Ерінбесең еңбекке, дәулет дайын,
Жаратқан жоқ жатсын деп бір Құдайың.
Ойласын деп ой берді, көруге көз,
Аяқ берді, тапсын деп басқан сайын.
Үйде отырып салғанмен сарыуайым,
Тілегенің тұра ма саған дайын.
Жүріп-тұрып, ойланып істеп көрсең,
Харекеттің білесің сонда жайын.
...Талаппенен адал істі істемекпіз,
Тапсырдық бір Аллаға біз демекпіз.
Ындының таза болса, именбеңіз,
Дәулетті осылайша іздемекпіз...
© Шәкірім Құдайбердіұлы

Ситуациялық сұрақтарды талдайды, өз ойларымен бөліседі.

https://youtu.be/9-2UHkyi-gIIII

Соңы (5 мин)

Қорытынды.

Бүгінгі кеште ойымызды ортаға салып адалдық, адамдық туралы көп нәрселер айтылды. «Адалдық - адамдықтың белгісі» демекші осы өмірде адал болып, тек адалдық істер істеп адамдығымызды көрсетіп, кейінгіге үлгі болып жүрейік.