Имангазина Назымгул
Турганбаевна
Ақтөбе облысы Шалқар
қаласы
«№8 жалпы орта білім беретін
мектеп» КММ
бастауыш сынып
мұғалімі
Баяндама
Тәрбие тал бесіктен
басталады
Бабалар аңсаған
тәуелсіздігіміз елдігіміздің мызғымас мығым діңгегі болып тұрған
осынау нұрлы заманда,мемлекетіміздің іргетасын құрайтын жастардың
тәрбиесі олардың білімділігі, мәдениеттілігі, саяси саналылығы мен
өмірге бейімділігімен байланыста болса керек. Бүгінде қоғамда болып
жатқан әлеуметтік, экономикалық, саяси құбылыстар жас ұрпақты
тәрбиелеу ісінде жаңа өзгерістер енгізуді талап етуде.Бұл ретте
ұлттық және жалпы адамзаттық құндылықтарды бойына сіңіре білген
рухани бай,салауатты өмір салтын ұстанатын әрі өз Отанының нағыз
ұлтжанды азаматын тәрбиелеу- өзекті мәселе. Сондықтан да жеке
адамның дамуы мен оны дұрыс тәрбиелеу, педогогикалық және
психологиялық бағыт- бағдарға тікелей
байланысты.
Қазіргі таңда тәрбие тұлғаны
қоғамдық, мәдени және өндірістік өмірге белсене қатыстыруды мақсат
ететін дайындау үдерісі деп айтуға толық болады. Ал тәрбиенің бұл
бағытында жастардың өзін-өзі тәрбиелей алуы басты құндылық болар
еді. Себебі сонау ерте заманнан бері адамдар өзін-өзі тәрбиелеу
мәселесіне ой жүгіртіп, тәрбие ісіне амалдар
іздеген.
Өзін-өзі тәрбиелеудің теориясы
мен практикасын жасауға зор ықпал еткен ежелгі грек философтары-
Сократ, Платон, Аристотель. Сократ адамның өзін-өзі тәрбиелеуіне
даналықты, ержүректілікті, сабырлылықты
жатқызады.
Платон жақсылыққа,
мейірімділікке баулуды, яғни өзіңді танып білуге, ғылыми білімдерді
меңгеруге, сабырлылыққа, ержүректілікке, әділдікке баулуға
шақырады.Ал Аристотель өзін-өзі тәрбиелеуде жігерлі бастама болу
керектігін айтады.
Біз өзімізге сеніп тапсырған
әр ата-ананың үміт күтетін перзентін тек салауаттылыққа бейімдеп,
әдеппен сөйлеп, үлкен-кішіні сыйлауды үйретіп қана қоймай ,
тұлғаның бойына игі іс-әрекеттер мен адамгершілік құндылықтар алтын
арқау болып өрілсе екен деп тілейміз.