Тіл болмаса сөз болмайды «Ана тілі – бәрімізді анамыз, өйткені ол – ұлтымыздың анасы»Н.Ә.Назарбаев ... Тіл – қай ұлттың болмасын тарихы мен тағдыры, тәлімі мен тәрбиесінің негізі, қатынас құралы. Тіл болмаса сөз болмайды.Сөз болмаса адамзаттың тірлігінде мән-маңыз болмайтыны белгілі. Демек, тілдің, сөздің орны ерекше. Міне, осы орайда ана тіліміз жайлы терең ойлану әрқайсымыз үшін парыз. Жыл өткен сайын ана тіліміздің мәртебесі өсіп, абыройы арта түсуде.Мағжан Жұмабаевтың тілінде айтсақ:«Жауыз тағдыр жойды бәрін не бардың...Алтын күннен бағасыз бір белгі боп,Нұрлы жұлдыз, бабам тілі, сен қалдың!».Қанша жылдан бері атқарушы билігіміз тіл туралы саясатты жүзеге асырып келе жатса да, қазақ тілінің дамуы әлі де болса кешеуілдеп тұр. Осы тұста ақын М.Шаханов былай деген еді:«Қай кезде де туған тілің анаң секілді.Бабалардың арманы бар мына қызыл гүлдерде,Олар елін, тілін қорғап жанын қиған бұл жерде».Осыған орай кәсіптік «Султан» колледжінде «Тіл – ұлы байлық » атты қазақ тілі мен әдебиет пәні апталығы аясында 1,2,3 курс студенттері арасында «Үш тұғырлы тіл» атты интеллектуалдық сайыс сабағы болып өтті.Сайыстың мақсаты – сайыскерлердің ойлау, сөйлеу дағдысын дамыту, өз ойын жеткізе білуге, ізденуге үйрету. Сайыстың ұраны: «Халықтың кемеліне келіп, өркендеуі үшін алдымен азаттық пен білім қажет» (Ш.Уалиханов). Студенттер берілген уақытта жауап беріп,біліктіліктерімен қатар тапқырлық, шапшаңдық танытты. Сайыста «Ақ жол» тобы жеңіске жетті.Сонымен қатар кәсіптік «СУЛТАН» колледжінде тіл туралы іс-шара да жоғары деңгейде өткенін атап өтсек те болады. Студенттер іс-шараға белсене атсалысып, патриоттық әндер айтылды,би биленіп, тілді мадақтаған ақындарымызда аз болмады.Өз өнерлерін көрсеткен студенттеріміз бен келген қонақтарымызға алғыс білдірген колледж директорының оқу ісі жөніндегі орынбасары А.С.Юсуповна қазақ тілі мамандарына да өзінің жылы лебізін білдірді.
Қазақ тілі мен әдебиеті пәнінің мұғалімі Озганбаева Г.ТАлматы қаласы, Наурызбай ауданы, «Султан» кәсіптік колледжі