Ұлт саулығы -
мемлекет болашағының негізі
Деннің саулығы
- адамның басты қазынасы деп бекер айтпаймыз. 12 мүшеңнің сау болып
жүргені әрбіріміздің қалайтын нәрсеміз. Әрбір азаматтың денінің
саулығы - мемлекеттің байлығы. Себебі, сау азамат - бұл жарқын
болашаққа бастайды.
Белгілі
америкалық әлеуметтанушы Т.Парсонс денсаулық индивидтің қоғамда
өзінің әлеуметтік рөлін және міндеттерін тиімді орындай алу
қабілеті деп атады. Оның ойынша, қоғамның дұрыс дамуы үшін
тұрғындардың денсаулық деңгейі жақсаруы керек. Шынымен де, дені сау
азамат қоғамдық өмірге белсенді араласып, өзін жан-жақты көрсете
алатыны сөзсіз әрі ол мемлекет үшін прогресс болады.
Елбасы өз
сөзінде: «Ұлт саулығы – мемлекеттің басты басымдығы. Бұл –
қазақстандықтар сапалы азық-түлікті пайдалануға тиіс деген сөз.
Бүгінде халықты сапасыз әрі денсаулыққа және өмірге қауіп
төндіретін тауарлар мен көрсетілетін қызметтерден қорғайтын тұтас
саясат жоқ. Үкіметке шаралар қабылдауды және осы жұмысты ретке
келтіруді тапсырамын. Келесі жылдан бастап тауарлар мен
көрсетілетін қызмет сапасын және қауіпсіздігін бақылау комитеті
жұмысын бастауға тиіс. Оның қызметі, ең бастысы, азық-түлікке,
дәрі-дәрмекке, ауыз суға, балалар тауарына, медициналық қызмет
көрсетуге сараптама жүргізуді қамтитын болады. Бұл үшін заманауи
зертханалық базаны қамтамасыз етіп, білікті мамандар штатын
қалыптастыру қажет», – деп арнайы тоқтала келіп, бұл орайда,
тұтынушылардың құқықтарын қорғайтын қоғамдық ұйымдарды
институционалды тұрғыдан күшейтіп, оларды белсенді пайдалануға
үндеді. Одан бөлек, елімізде аурулардан емделуге түрлі
квоталар бөлінеді, көп елдердегі медициналық сақтандыру біздің
елімізде тегін болып саналады.
Адам баласы
мемлекет қамынан бұрын өз денсаулығына жауапкершілікпен қарауы
керек. Әркім өз өмірінн саналы түрде жауапкершілік алған кезде ғана
денсаулық зардап шекпейді, өз кезегінде мемлекетте сау ұрпақ
дүниеге келеді.