Бұл оқу құралы сапалық және қатыстық сын есімдерді бастауыш сынып оқушыларына ойын арқылы меңгертуді мақсат етеді. Материал оқушылардың сын есім туралы білімін бекітуге, сөз мағынасын ажыратуға және сөздік қорын дамытуға арналған интерактивті форматта ұсынылған. Көрнекілікте алтын түсті дөңгелек белгілер ішінде әртүрлі сын есімдер берілген. Олар екі үлкен сандықшаға бөлінеді: • Сапалық сын есім – заттың тікелей сапасын білдіретін сөздер (мысалы: өткір, ыстық, терең, жас, сұлу, жаман, салқын, т.б.) • Қатыстық сын есім – заттың басқа бір затқа, құбылысқа қатысын білдіретін сөздер (мысалы: балалы, таулы, түнгі, санды, мінезді, т.б.) Ойын барысында оқушы берілген сөздерді дұрыс топқа орналастыру арқылы: • сын есім түрлерін ажыратып үйренеді; • логикалық ойлау қабілетін дамытады; • грамматикалық сауаттылығын арттырады; • сөздердің мағынасын талдай алады.