АДАМЗАТ ДАНАЛЫҒЫНЫҢ БАСТАУЛАРЫ

1 слайд
Адамзат даналығының бастаулары

2 слайд
Құндылығы: Ақиқат Қасиеттері: Білім іздеу, ізденімпаздық, зеректік

3 слайд
Мақсаты: Оқушыларға дана тұлғалар туралы түсінік бере отырып, ақиқат құндылығының мәнін ашу. Міндеттері: 1. Білімділік: Оқушыларға тек білім іздеу қажеттігін түсіндіру 2. Дамытушылық: Оқушылардың бойындағы зеректік қасиеттерін дамыту. 3. Тәрбиелік: Оқушыларды ізденімпаздыққа тәрбиелеу.

4 слайд

5 слайд
Үй тапсырмасын тексеру. 1. № 25 – сабақ. 3 – тапсырманы орындау. 2. № 26 – сабақ. «Ұлы даланың – дана ойшылы» мәтінін оқып келу. Сұрақтар: 1. Абай неліктен халықты білім мен ғылымға шақырды? 2. Өнер-білімді, мәдениет пен әдебиетті меңгеру адамның рухани кемелденуіне қалай ықпал етеді? 3. Адам бойындағы қандай қасиеттер мен құндылықтар оны надандықтан құтқарады деп ойлайсыздар? Неліктен? 4. Абайдың өмірі мен даналығынан қандай өнеге алуға болады? 5. Күнделікті өмірде ұлы ғұламалардың қандай өсиеттерін пайдаланып жүрсіздер? Әңгімелеп беріңіздер.

6 слайд
«Ақыл-парасат күші адамның ойлауына, пайымдауына, ғылым мен өнерді ұғынуына және жақсы қылық пен жаман қылықты айыруына көмектесетін күш». Әл - Фараби

7 слайд
Мұғалім сыйы Шәкәрім Құдайбердіұлы

8 слайд
Шығармашылық жұмыс, топпен жұмыс. Оқушылар үш топқа бөлінеді. 4-тапсырма. Абай Құнанбайұлының отыз сегізінші қарасөзінен алынған адамгершілік өсиеттерді оқып, адам баласын қор қылатын теріс қасиеттерден аулақ болудың амалын талқылаңыздар. «...Күллі адам баласын қор қылатын үш нәрсе бар. Сонан қашпақ керек: әуелі – надандық, екіншісі – еріншектік, үшінші – залымдық деп білесің. Надандық – білім-ғылымның жоқтығы, дүниеде ешбір нәрсені оларсыз біліп болмайды. Білімсіздік хайуандық болады. Еріншектік – күллі дүниедегі өнердің дұшпаны. Талапсыздық, жігерсіздік, ұятсыздық, кедейлік – бәрі осыдан шығады. Залымдық – адам баласының дұшпаны».

9 слайд
Топпен ән айту. Менің жолым Сөзін жазған Ринат Зайытов Әнін жазған Еділжан Ғаббасов Сан күйге бөленген, Айнымай қалған өлеңнен, Өзіме ұнайтын бір айқын, Жалынменен келем мен, Биікпен, төменмен. Таяздар менен тереңмен, Бір бақыт табарыма сенем мен. Қайырмасы: Басталатын арманнан, Жүрегіммен тандалған, Оңым менен солым бар, Менің де бір жолым бар, Тек өзіме арналған. Тағдырмен таласпай, Ертеңгі күнге бал ашпай. Өмірге ғашықпын, асықтым, Уақытпен де санаспай, Қайғымен жараспай, Өкініп артқа қараспай, Жолымда жүрсем деймін адаспай.

10 слайд
7. Үй тапсырмасы. 1. № 26 – сабақ. 6 – тапсырманы орындау. 2. №27 – сабақ. «Әл – Фараби» мәтінін оқып келу.

11 слайд
Сабақтың қорытынды сәті. Тыныс алуға зейін қою. Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз. Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады... Д е м а л..... ш ы ғ а р... (жаймен 9-10 рет) немесе 1..................2 [ 3 ] . Бүгінгі сабақтан игерген жақсы қасиеттерді есімізге түсіріп, жүрегімізге сақтайық.