Тәжірибеде кездесетін М.Монтессори әдістемесінің қиындықтары

1 слайд
Т ақырыбы: 5В010100 - «Мектепке дейінгі оқыту және тәрбиелеу» мамандығы 4 курс 1- топ, қазақ бөлімінің студенті Жолдыбай Феруза Қазақстан Республикасы Білім және ғылым министрлігі Абай атындағы Қазақ Ұлттық Педагогикалық университеті Тәжірибеде кездесетін М.Монтессори әдістемесінің қиындықтары

2 слайд
Жоспар : 1. М.Монтессори технологиясын қолданудың тәжірибедегі ерекшеліктері 2. Монтессори материалы бес жолмен іске асады . 3. Монтессори технологиясын қолданудың әдіс – тәсілдері. 4. М.Монтессоридің өсиеттері 5. Қорытынды

3 слайд
«М.Монтессори технологиясын қолданудың тәжірибедегі ерекшеліктері»  Ұйымдастырылған оқу іс-әрекеті - балаларды қоршаған әлеммен Көптеген балабақшаларда балалар белгіленген ережелер бойынша және ересектердің бақылауында ойнап, білім алады. Бала сол нәрсені шынымен жасауға құлықты ма? Баланың өзімен – өзі жұмыс жасауы немесе біреуді тыңдау баланың ақыл – ойын дамыта ма?  Бұл сұраққа жауапты М.Монтессоридің педагогикалық жүйесінен табуға болады.

4 слайд
М.Монтессоридің педагогикалық технологияларын балабақшамызға ендіру, Қазақстан Республикасы дамыған 30 елдердің қатарына бетбұрыс жасап отырған сәтте, ерікті, дербес, жауапкершілікпен шешім қабылдауға қабілетті адамдардың пайда болуын қажет етіп отыр. Мұндай адамды тәрбиелеп шығару үшін, қазіргі заманның сұранысына жоғарғы дәрежеде жауап беретін бағдарламаны, жеке тұлғаны тәрбиелейтін технологияны табуы керек.  Осыған орай педагогтардың қызығушылығын туғызып отырған Монтессоридің тәрбиелеу мен оқыту жүйесі болып отыр.Өйткені ол баланың ойлау қабілетін суды өзіне сіңіретін жұмсақ сутартқышқа теңейді. Осыған байланысты баланы қоршаған заттық және әлеуметтік орта ерекше маңыз алады. Ересектер ортада бала дамуы үшін қажеттінің бәрін таба алатын әр түрлі және бай сенсорлық (сезімдік) әсерлер алатын, дұрыс сөздерді, позитивті әлеуметтік жүріс-тұрысын, заттармен рационалды жұмыс істеуді «сіңіретін» ортаны жасау керек. 

5 слайд
М.Монтессори әдісі әрбір тәрбиеленушіге деген даралы тәсілдемеге негізделген. Бұған сәйкес балдырғандар мен бүлдіршіндер дидактикалық материалдар мен сабақ ұзақтығын әрдайым өздері таңдай отырып, өзіндік ағыммен дамиды. Баланың моторикасын және сенсорикасын дамыту арқылы жазу, оқу және санау жүйесін үйрету басты екенін анықтады. Қай кезеңде болмасын балабақшада Монтессори әдісі өз құнын жойған емес.М.Монтессори әдісі балаларға жауапкершілікті сезінуге, өздігінен шешім қабылдай алуына, топта немесе жеке жұмыс жасай алуына, таңдау жасай алуына, өз уақытын ұйымдастыра білуіне, өзіне сенімділікпен қарауына мүмкіндіктер береді. Бұл әдістің мақсаты – балалардың табиғи мінезін, қызығушылығын, қабілетін тәрбиешінің нұсқауымен емес, өз еркімен тәуелсіздік рухында тәрбиелеу. Педагог мұнда тек бақылаушы рөлін атқарады. 

6 слайд
Монтессори материалы бес жолмен іске асады:  1 . Тәжірибелік жолмен іске асатын жаттығулар – бұл баланың күнделікті өмірде өзі көріп жүрген заттарынан құралған. Қозғалыс жүйесін дамыту, қоршаған ортада тепе-теңдікті сақтауға үйрету, баланың қолын жазуға, қаламды дұрыс ұстауына үйретеді.  2. Сезім мүшесін дамытатын материалдар – (сенсорлық аймақ). Үлкен, кішкентай түсініктерін қалыптастыру. Моторикасын дамыту, заттардың көлемін, түсін, пішінін, дыбысын ажырата білуге үйрету.  3. Математикалық материалдар – баланы алғашқы математикалық ұғымдармен таныстыру, математикалық амалдарды үйрету. 

7 слайд
4. Сөздік қорын дамыту материалдары – әріп пен дыбыс туралы түсініктерін қалыптастыру. Сөздік қорын молайту, оқуға, жазуға дағдыландыру.  5. Ғарыш орталығы – бала өсе келе қоршаған ортадағы заттармен қарым-қатынас жасай бастайды. Бұл аймақта астрономия, биология, география ғылымдарымен танысады. 

8 слайд
М.Монтессори өз педагогикалық әдістемесін дидактикалық дайындалған ортадағы баланың өз бетінше даму жүйесі деп атаған. Монтессори материалдар бала үшін қоршаған ортаның кілті болып табылады, соның арқасында бала әлем туралы білімдерді санасына сіңіреді. Олардың көмегімен бала мәдениет пен заманауи өркениетке қосылады. Өзінің тәжірибесінде табиғатты түсініп, онда бағыт-бағдар алуға үйренеді.  -   Монтессори бойынша жасалған «дайындалған ортада» бала өзінің барлық физикалық және рухани функцияларын жаттықтырады, өзінің жан – дүниесінің тұтастығын жасайды, жан – жақты дамиды. 

9 слайд
Италяндық дәрігер және педагог Мария Монтессори (1870-1952) алғаш рет өзінің жүйесін ақылы кеміс мектепке дейінгі жастағы балаларға қолдануды 1907ж. бастады. Ол қиындығы бар кішкентай балаларға көп еңбек сіңірмей-ақ, білім мен дағдыларды жоғары деңгейде меңгеретіні соншалық, олар тіпті, дені сау құрдастарымен теңесіп, кейде асып түсетінін ерекше дамытатын ортаны жасай алды. Қазір Монтессоридің педагогикалық жүйесі – әлемнің көптеген елдерінде ең танымал жүйелердің бірі. Бұл жүйемен көптеген балабақшалар, дамыту орталықтары , тіпті, мектептер жұмыс атқарса, солардың ішінде Қазақстан Республикасы да бар. М.Монтессори үшін адамның рухани дамуы оның психофизикалық дамуымен тығыз байланысты. Монтессори үнемі интеллект, ойлаушылық қабілеттердің, жалпы дамуы үшін қабылдау және сезім мүшелерінің, қимылдық аумақтың дамуы маңызды рөл атқаратынын көрсетіп отырды. Бұл әдіс әрбір жеке баланың қажеттілігіне, қабілетіне, дарынына негізделеді. Балалар өзінің ритмі мен қарқынын анықтай алатын болса, бәрінен де жақсы оқып үйренеді. 

10 слайд
Бала жас шыбық секілді, қалай исең, солай қисаяды. Жақсылап үйретсең, тез қабылдайды. Осы тұрғыдан алғанда Монтессори әдістемесінің еліміздің білім беру ұйымдарына енуі қуантарлық жағдай. «Анаммен бірге», «Мен өзім», «Ақылдылар» секілді орталықтар білікті, тәжірибелі педагогтар мен қызметкерлермен, дәрігер-педиатрмен, психологпен, логопедпен қамтамасыз етілген. Орталықтардың жұмысының негізгі бағыты – мектепте дейінгі балалардың еркін дамуы мен тәрбиесін қамтамасыз ету. 

11 слайд
М.Монтессоридің өсиеттері  - Егер өзі қажет етпесе, ешқашан баланы мәжбүрлеме.  - Бала бойындағы жақсы қасиеттерді дамытуға талпын, нәтижесінде оның бойындағы жаман қасиеттер азая бастайды.  - Баланың үндеуіне назар аудар, әрқашан сауалмен келген баланы мұқият тыңдап, жауап бер.  - Қателескен баланы сыйла, өйткені ол өз қатесін қазір немесе артынан түзей алады.  - Баламен қарым-қатынаста әдепті мінез-құлық үлгісін көрсет және балаға өзіңнің бойыңдағы барлық жақсы қасиеттеріңді ұсын. 

12 слайд
Қорытынды: Баланың қабілетін қаншалықты ерте ашып дамытса, оның нәтижесі де жемісті болмақ. М.Монтессори технологиясы бойынша «оқы, оқы» деп күштеп емес, ойын арқылы оқыту және баламен дербес тіл табысуға негізделген жаттығуларды таңдап алу қажет. Монтессори әдістемесінің балабақшаларымызға енгізіле бастауы жақсы бастама деп ойлаймын. Жоғарыдағы аталған өсиеттерді балалармен қарым-қатынаста қолданып, бала жан-дүниесіне үңіліп, оны түсінуге барынша тырысуымыз қажет. Бала өсіп келе жатқан жас өскін, оның бойындағы жақсы қасиеттерді ашып, оның қабілетін шыңдай түсу үшін, тек дұрыс ұйымдастырылған тәрбие мен білім беру қажет екенінестен шығармағанымыз абзал. 

13 слайд
Назарларыңызға рақмет!