Бұл мақалада «UCOZ арқылы өсімдіктер мен жануарларды жүйелеуді оқыту» элективті курсының мазмұны, мақсаттары және оның биологияны оқытудағы өзектілігі қарастырылады. Курс өсімдіктер мен жануарлардың таксономиялық жүйесін меңгеруге, зерттеу дағдыларын дамытуға, ақпараттық технологияларды (АКТ) тиімді қолдануға бағытталған. UCOZ веб-сайтын пайдалану арқылы оқушылар биологиялық деректерді жүйелеу, талдау және визуализациялау дағдыларын меңгереді. Курстың құрылымы зерттеушілік және аналитикалық ойлауды дамытуға, ғылыми деректерді өңдеуге және цифрлық технологияларды меңгеруге бағытталған. Мақалада курстың пәндік мазмұны, қолдану мүмкіндіктері, оқу үдерісіндегі рөлі және білім беру жүйесіне қосар үлесі жан-жақты талданған. Бұл курс биологияны тереңдетіп оқытуға және оқушылардың ғылыми-зерттеу дағдыларын дамытуға ықпал етеді. Мақала ғылыми-педагогикалық қауымдастыққа, білім беру ұйымдарына және биология пәнінің мұғалімдеріне арналған.