Алғы сөз Бұл жинақ 1- курс білім алушыларына арналған және авторлық бағдарлама негізінде жасалған. Ол Қазақстан тарихының негізгі кезеңдерін қамти отырып, оқушылардың білімін тереңдетуге, тарихи оқиғаларды сараптауға және маңызды деректерді есте сақтауға көмектеседі.Жинақ мектеп мұғалімдеріне, білім алшыларға , сондай-ақ Қазақстан тарихына қызығушылық танытатындарға пайдалы. Тест сұрақтары жылдық бақылау жұмыстарын, сондай-ақ қорытынды аттестаттауды дайындық барысында қолдануға ыңғайлы.Тапсырмалар Қазақ хандығы дәуірінен бастап, тәуелсіз Қазақстанның қалыптасуына дейінгі аралықтағы маңызды тарихи оқиғаларды қамтиды. Сұрақтар әртүрлі күрделілік деңгейінде құрастырылып, оқушылардың логикалық ойлау қабілетін дамытуды көздейді. Бұл жинақ білім алушылардың тарихи білімін жүйелеуге, ұлттық тарихқа деген қызығушылығын арттыруға және олардың сыни ойлау дағдыларын қалыптастыруға бағытталған.