Бұл құралда оқу үрдісін жоспарлау жөнінде ұсыныстар берілген, жекелеген міндеттер анықталып, оқытудың бірізділігін қалыптастыру және дене тәрбиесінде кездесетін кейбір, кемшіліктерді жоюдың жолдары қарастырылған. Сол сияқты негізгі буындағы мектеп оқушыларының ерекшеліктеріне қатысты педагогикалық-дәрігерлік бақылау мен гигиеналық талаптар, сондай-ақ сабақ барысындағы адамгершілік тәрбиесіне байланысты оқу үрдісінде мұғалімге қажетті мағлұматтар да молынан қамтылған. Мектеп оқушыларына дене тәрбиесінің тиімді техникалық қимылдарын ғана үйретіп қоймай, олардың бабына білім мен оны жүзеге асыру арқылы өмірлік қажетті ерік-жігер мен жылдамдық, шыдамдылық, икемділік, қимылдың дұрыстығын қалыптастыратын қасиеттерді сіңіру жолдары қазіргі ғылыми тұрғыдан жүйеленіп ұсынылған. Оқушылардың өз бетінше дағдылану арқылы өмірге қажетті қасиеттерді игеруіне айтулы көңіл бөлінген.