Биология ғылымының маңызды салаларының бірі — генетика, яғни тұқымқуалаушылық пен өзгергіштік заңдылықтарын зерттейтін ғылым. Бұл сала тірі организмдердің белгілері мен қасиеттерінің ұрпақтан-ұрпаққа қалай берілетінін түсіндіреді. Генетиканы терең меңгеру үшін теориялық біліммен қатар, генетикалық есептерді шығаруды да жетік білу қажет. Генетикалық есептер оқушылардың логикалық ойлау қабілетін дамыта отырып, биологиялық процестерді нақты түсінуге мүмкіндік береді.

Бұл мақалада мектеп курсындағы генетика тарауын оқытуда оқушылардың логикалық және сыни ойлау қабілетін дамыту жолдары қарастырылады. Генетикалық есептерді жүйелі шешудің технологиялық қадамдары сипатталады. Сонымен қатар оқыту процесінде кездесетін қиындықтар мен оларды шешу жолдары ұсынылады.