Бұл ғылыми-әдістемелік мақалада физика ғылымының экологиялық тәрбие берудегі рөлі қарастырылған. Автор экологиялық дағдарыс жағдайында жас ұрпаққа табиғатты қорғау мәдениетін қалыптастырудың маңыздылығын айқындайды. Мақалада физика мен экологияның өзара байланысы, мектептегі физика сабақтарында экологиялық мазмұнды кіріктіру жолдары және жас мұғалімнің экологиялық құндылықтарды қалыптастырудағы міндеттері талданады. Сонымен қатар зертханалық жұмыстар, жобалық іс-әрекеттер, пәнаралық байланыстар мен сабақтан тыс іс-шаралардың тиімділігі көрсетілген. Зерттеу нәтижесінде физика ғылымының табиғатты тану құралы ғана емес, экологиялық тәрбие берудің негізі екендігі дәлелденіп, мұғалімдерге арналған әдістемелік ұсыныстар берілген.