10 -сынып "Әлем жаңалықтары: өнер және мәдениет" бөлімі бойынша жиынтық бағалау

Ойлау дағдыларының

Жоғарғы деңгей дағдылары

Мәтінді оқып, тапсырмаларды орында

Димаш Құдайберген америкалық шоу басталардан бір ай бұрын байқаудың үздігі атанды

Димаш Құдайберген қатысатын жаңа жоба CBS арнасында 3 ақпаннан бастап көрсетіле бастайды. Қазақстандық әнші Димаш Құдайберген басталуына әлі бір ай бар америкалық дарындылар байқауының үздігі атанды.

CBS телеарнасында 3 ақпанда жаңа ірі жоба The World's Best («Әлемнің үздіктері») басталады. Ұйымдастырушылар The Voice («Дауыс»), America's Got Talent («Америкада дарындылар бар»), The X Factor байқауларынан кем түскісі келмейді.

Ресми көрсетілімге бір ай қалғанда интернетте шоудың үзінділері жариялана бастады. Байқау басталмай жатып фанаттардың сүйіктісі белгілі болды, деп жазды Meaww басылымының тілшісі Рейчел Виндзор.

«Қысқа видеотрейлерде Димашты көрсеткеннен кейін, фанаттар шоуды асыға күтіп жүргенін айтты. Тыңдармандардың пікірінше, Димашқа ештеңені дәлелдеудің қажеті жоқ, оған бүкіл әлем бас иген», - дейді Виндзор.

Димаш Қазақстан атынан қатысып отырған жалғыз әнші емес. «Голос. Дiти» байқауының жеңімпазы, «Балалар Евровидениесіне» қатысушы Данэлия Төлешова да бұл конкурста бағын сынамақ.

CBS арнасындағы бағдарламаны комик Джеймс Корден жүргізеді, ал әділқазылар алқасында – актриса Дрю Бэрримор, тележүргізуші РуПол Андре Чарльз және әнші Фейт Хилл. Қатысушылар үш жюриді ғана емес, әр саланың 50 сарапшысын таңғалдырды.

1-тапсырма.Мәтіннің құрылымын,рәсімделуін, жанрлық ерекшелігін жаз.

2- тапсырма. Мәтіндегі фактілер мен көзқарастарды анықта.

3-тапсырма.

"Қазақ өнерінің болашағы: жаңа буынның ықпалы" тақырыбында қажетті клишелер мен лексикалық құрылымдарды қолдана отырып, дискуссивті эссе жазыңыз. Эссе жазу барысында тілдік бірліктерді орфографиялық нормаға сай жазыңыз
Жас суретшілер, музыканттар және өнер қайраткерлерінің қазақ өнерінің келешегіне қосқан үлестері мен жаңалықтарын талқылаңыз

.

.

• Оқылым стратегияларын қолданады

• Клишелер мен лексикалық құрылымды қолданып, эссе жазады (дискуссивті эссе)

• Тілдік бірліктерді орфографиялық нормаға сай жазады

Ойлау дағдыларының

Жоғарғы деңгей дағдылары

Мәтінді оқып, тапсырмаларды орында

Қазақтың ұлы ақыны Абай: “Құлақтан кіріп бойды алар, Әсем ән мен тәтті күй”, деп жырлағандай, қазақтардың сан буыны Құрманғазы, Дәулеткерей, Байжігіт, Тәттімбет, Қазанғап, Сүгір, Тоқа, Абыл сияқты халқымыздың асыл өнерін ұстаған ұлы күйшілердің мол мұрасымен сусындап өсті.

Күй – көне замандардан күні бүгінге дейін халқымызбен бірге жасасып келе жатқан ең киелі де қастерлі, сырлы да сұлу өнер. Ұлт мәдениетінің арғы-бергі тарихын зерттеп, жүйелеп, бүгінгі жас ұрпақтың кәдесіне жарату және оны әлемдік деңгейде насихаттау мақсатында жасалған “Мәдени мұра” мемлекеттік бағдарламасы аясында көптеген жобалар іске асырылды. Осыған бір мысал ретінде 2010 жылы Астанадағы Президенттік мәдениет орталығында “Қазақтың дәстүрлі 1000 күйі” атты антологиясының тұсаукесері өткен болатын. Бұл анатологияны сол кездегі министр М.А.Құл-Мұхаммед таныстырды. Анатологияға халқымыздың асыл мұрасы енген. Әрине, бұл тек бір ғана мысал.

Біздің құдіретті де, қасиетті өнеріміз жылдан жылға дамуда. Және де осы күйімізді Е.Брусиловский опералық шығар­маларға тиімді пайдалана білді. Мұның өзі қазақ­тың ән мен күйін қажетіңе жара­та алсаң, қандай шығармамен де ұштасып кете­тінін, ажарын аш­ып, айбынын асыратынын аңғаруға болады. Өнердің шыңы опера дейміз. Сол операға, нақтылай түс­сек Е.Брусиловскийдің “Қыз Жі­бек” операсына 24-26 ән-күй пай­да­ланылса, Мұқан Төлебаев “Біржан Сара” операсына Соқыр Есжанның иірімдері әдемі қол­даныла білді. Ал мен “Қамар сұлу” операма “Дай­ра­байды” қолданға­ным­да ол жаңа заманға қарай ажа­рын ашып, жұрттың наза­рын бірден ау­дарды. Тіпті, бірте-бірте әлемдік деңгейге көтеріліп, өзге ұлттар­дың аспабында да күм­бір­леп, көңілдің көкжиегін кеңейтті. Қазірде көп жастарымыз шет ел асып, дәстүрлі өнерімізді насихаттауда. Мысалыға айтатын болсақ, «Ұлытау» этно-рок тобы, «Тұран» этно фольклорлық ансамблі және де осы өнер жолында жүрген консерватория, өнер университеті секілді оқу орындарының студенттері дәстүлі өнерімізді паш етуде.

Қазақтың күйі қуанышта да, қайғыда да қазақпен бірге жасап, бостандық сүйгіш ұлық өнер бостан заманымызға халқымызбен бірге қадам басты. Өнер атаулының ішінде күйдің мерейі жоғары, күйдің рухы биік. Күй дербес мемлекет құрып мерейленген халқымыздың рухын мәңгілікке толғай бермек. Себебі, күй – біздің ең ардақты, ең әлеуетті, ең сәулетті ұлттық құндылығымыз, ұлттық кодымыз, ұлттық мәдениетіміздің төресі. Ендеше, жаһандағы заманауи қазақстандық мәдениеттің де көш басында жауһар күйлеріміз тұрары сөзсі

1-тапсырма.Мәтіннің құрылымын,рәсімделуін, жанрлық ерекшелігін жаз.

2- тапсырма. Мәтіндегі фактілер мен көзқарастарды анықта.

3-тапсырма.

"Қазақ киносының келешегі: ұлттық болмысты сақтай отырып жаңару"." тақырыбында қажетті клишелер мен лексикалық құрылымдарды қолдана отырып, дискуссивті эссе жазыңыз. Эссе жазу барысында тілдік бірліктерді орфографиялық нормаға сай жазыңыз.Қазақ киносының даму бағыты, жаңа режиссерлер мен фильмдер арқылы ұлттық мәдениетті сақтау мәселелеріне тоқталыз.