1.2 Қазақстан аумағындағы тас дәуірінің тұрақтары (1 сабақ) 5сынып

Ұзақ мерзімді жоспар бөлімі:

5.1A Қазақстандағы ежелгі адамдардың өмірі

Мектеп: Тоғыз жалпы орта білім беретін мектебі

Күні:07.08.2020ж

Мұғалімнің аты-жөні: Урманова Гулфайруз Матигуловна

Сынып:5

Қатысқандар саны:

Қатыспағандар саны:

Сабақ тақырыбы

1.2 Қазақстан аумағындағы тас дәуірінің тұрақтары (1 сабақ)

Осы сабақта қол жеткізілетін оқу мақсаттары (оқу бағдарламасына сілтеме)

5.2.3.1 қазақстандық ғалымдардың археологиялық жаңалықтарын білу

5.2.2.1 археологиялық ескерткіштерді салыстыру

5.4.2.1 еңбек құралдары мен қару-жарақ түрлерін сипаттау

Сабақ мақсаттары

Барлық оқушылар:Тас дәуіріндегі Қазақстанда табылған тұрақтарды анықтайды

Оқушылардың басым бөлігі:археологиялық ескерткіштердің ерекшеліктерін атайды

Кейбір оқушылар: қазақстандық археологтармен таныстырады

Ойлау дағдыларының деңгейлері

Білу,түсіну,қолдану,талдау,бағалау

Тарихи концепт

Ұқсастық пен айырмашылық. Тас дәуірінің әр кезеңінің тұрақтарының ұқсастықтарын табады.Тас дәуірінің әр кезеңінің тұрақтарының айырмашылықтарын табады.

Бағалау критерийлері

Білу және түсіну:тұрақ,оба, қорған, қорым, бифас, ретушь, микролит ұғымының мағыналарының кемінде 4-уін біледі;

Қолдану:тас дәуірі тұрақтарының табылған аймақтарының кемінде 4-уін картадан көрсетеді;

Сыни ойлау мен талдау:тас дәуірінің тұрақтарын зерттеу арқылы әр топ тапсырмаларына орай 3 ерекшелікті талдайды

Жинақтау: Әлкей Марғұланның, Кемел Ақышевтың, Х.Алпысбаевтың археология ғылымында ашқан жаңалығы мен зерттеу жұмыстарының маңызының кемінде 1-еуін тұжырымдайды

Тілдік мақсаттар

Қазақстанның тас дәуірін зерттеген археологтар туралы, алғашқы адамдардың тұрақтары мен еңбек құралдары туралы ақпараттарды тыңдайды, оқиды, әңгімелейді, жазады (оқылым, тыңдалым, жазылым дағдылары)

Пәнге қатысты лексика мен терминология

Тұрақ, оба, қорған, қорым, бифас, ретушь, микролит

Диалог пен жазуға пайдалы сөздер тізбегі:

Археологтар Қазақстан аумағындағы алғашқы адамдардың тұрақтарын ... ... ... ... тапты.

Қазақстан аумағындағы тас дәуірінің ескерткіштері, мыналар... ... ... ...

Біздің анықтағанымыз... ... ... ...

Қорытындысында...

Біздің тобымыздың ойынша...

Тас дәуірінің ең басты жетістіктері ...

Құндылықтарды дарыту

-Сыни ойлау дағдысын қалыптастыру.

-Толеранттылық сананы қалыптастыру.Адамзат тарихы мен археологиялық ескерткіштерге құрметпен қарау

Пәнаралық байланыстар

Оқылым, жазылым тапсырмаларын орындату арқылы қазақ тілімен байланысты, картамен жұмыс арқылы географиямен байланысты жүзеге асыру

АКТ қолдану дағдылары

Интерактивті тақта мен презентацияжаңа сабақ материалын игеруде пайдаланылады

Бастапқы білім

Ежелгі адамдардың эволюциясы, олардың өмірі, тұрмыс-тіршілігі, кәсібі туралы біледі

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Қызығушылықты ояту кезеңі

3-мин

2-мин

1.Ұйымдастыру сәті.

Оқушылармен сәлемдесу

Оқушыларды түгендеу

Сыныпты топқа бөлу

Ой шақыру. Суретпен жұмыс.

Слайдтарды көрсету арқылы археологтардың қазба жұмыстары мен тас құралдары бейнеленген суреттерді көрсетіп, оқушыларға мынадай сұрақтар қойылады:

1. Суреттерде не бейнеленген?

(Тас құралдар)

2.Бұл тас құралдарды кімдер және қалай жасады?(Алғашқы адамдар;Тастарды бір-біріне соғу, жару, тегістеу, бұрғылау, аралау тәсілдері арқылы жасады)

2. 3.Бұл тас құралдар не үшін қолданылған?

3. (Жерді қазу үшін, ағаш кесу үшін, аңды аулау үшін, аң терісін сыпыру үшін, аңның етін бөлшектеу үшін)

4. Бұл олжаларды археологтар қалай тапты деп ойлайсыздар?(Археологтар қазба жұмыстарын жүргізу арқылы тапты)

5.Көне ескерткіштерді зерттеудің маңыздылығы неде?

(Алғашқы адамдар, олардың өмірі мен кәсібі туралы мағлұмат алынады)

6.Тарихты заттай деректер арқылы зерттейтін ғылым қалай аталады? ?(Археология)

Оқушылардың болжам жауаптары арқылы сабақ тақырыбы анықталады.

Сабақтың тақырыбы, мақсаттары мен бағалау критерийлері таныстырылады.

Қазақстан тарихы (көне

заманнан бүгінге дейін). Бес

томдық. 1-том. – Алматы, 2010 ж.

Сабақтың ортасы

Мағынаны тану кезеңі

5-мин

5-мин

10-мин

5мин

5 мин

1.«Білу және түсіну» дағдысына негізделген

тапсырма «Сәйкестендір» Жаңа ұғымдармен жұмыс

Сабақ барысында кездесетін жаңа ұғымдардың мағынасын оқушылардың алдын-ала түсінуіне жағдай жасалады. Оқушылар «жұбыңды тап» тапсырмасы бойынша тұрақ,оба, қорған, қорым, бифас, ретушь, микролит ұғымдарын тиісінше мағынасымен сәйкестендіреді.

Критерий:Жаңа ұғымдар жазылған карточканы сәйкестендіру арқылы жұптарын табу

Дескрипторы:

/Жаңа ұғымдар жазылған карточканы оқушылар мағынасына қарай сәйкестендіру арқылы жұптарын табады/

ҚБ «Бас бармақ бағамдары» арқылы бағалау

2.«Қолдану» дағдысына негізделген

тапсырма «Тұрақтар»Картамен жұмыс.

Картадан Қазақстан аумағындағы тас дәуірінің ескерткіштерін көрсетіп, таныстыру.Оқушылардың берілген ақпаратты қаншалықты игергенін анықтау үшін контур карта таратылып, оларға тұрақтарды белгілеу тапсырылады.Контур картада орындалған оқушылар жұмысы мұғалімге тапсырылады.Сабақтан соң тексеріп, кері байланыс беру.

Критерий: 1. Каратаудағы Арыстанды,

Бөріқазған, Шабақты тұрақтарын картадан көрсету.

2.Маңғыстаудағы Шақпақата тұрағын көрсету

3.Орталық Қазақстандағы Батпақ тұрағын таныстыру.

4.Шығыстағы Усть-нарым, солтүстіктегі Пеньки, орталықтағы Зеленая балка тұрақтарын таныстыру.

Дескрипторы:

1. Каратаудағы Арыстанды,

Бөріқазған, Шабақты тұрақтарын көрсетеді.

2.Маңғыстаудағы Шақпақата тұрағын көрсетеді

3.Орталық Қазақстандағы Батпақ тұрағын таныстырады.

4.Шығыстағы Усть-нарым, солтүстіктегі Пеньки, орталықтағы Зеленая балка тұрақтарын таныстырады.

3. «Сыни ойлау мен талдау» дағдысына негізделген

тапсырма «Тұрақтарды зерттеу» Мәтінмен жұмыс.

Жоғарыда көрсетілген Қазақстандағы тас дәуірі тұрақтары) туралы зерттеу тапсырмасы ұсынылады (ықшамдалған мәтін таратылады).Оқушылар мәтін мазмұнын оқып, талдайды.

Критерий: Мәтіннен тас дәуірінің әр кезеңінің тұрақтарының ұқсастық пен айырмашылықтарын табу

Дескрипторы:1-топ. Тас дәуірінің әр кезеңінің тұрақтарының ұқсастықтарын табады (кем дегенде 3-5-еуін табады)

2-топ. Тас дәуірінің әр кезеңінің тұрақтарының айырмашылықтарын табады (кем дегенде 3-5-еуін табады)

3-топ. Археологиялық ескерткіштер неліктен зерттелетінін анықтайды (кем дегенде 3 дәйек келтіреді)

Топтар зерттеу нәтижесінде жинақтаған дәлелдемелерін сынып алдында қорғайды. Оқушылардың таныстырылымы кезінде оқушылардың жауаптарын бағалау парағына белгілеп тұру қажет.

ҚБ «Бағдаршам арқылы» өзіндік бағалау

4.«Жинақтау» дағдысына негізделген

тапсырма «Тұлғаны таны» Ақпарат жинақтау және сұрақ құрастыру.

«Тұлғаны таны» тапсырмасын орындау ұйымдастырылады.«Құмырсқа» стратегиясы бойынша қабырғадағы мәтіндерден (Ә.Марғұлан, К.Ақышев, Х.Алпысбаев туралы)әр топтың 2 оқушысы өздеріне қажетті мәліметті оқиды. Топтардың мәтінді жинақтаушы оқушысына өздерінің тобына қатысты тұлға туралы ақпаратты қабырғадағы мәтіннен оқып, жадында сақтаған ақпаратты келіп айтады. Ақпаратты жазып отырған оқушы ақпараттарды қағаз бетіне түсіреді. Соңында әр топ өзіне қатысты ақпаратты жинақтап, оны топта талқылап, сыныпқа құраған мәтіндерін ұсынады.Мәтінге сұрақтар құрастырады.Мәселен,

-Ә.Марғұлан қай кезеңді зерттеген?

-Ә.Марғұлан қандай жаңалықтар ашты?

- Ә.Марғұланның зерттеу жұмыстарының маңызы неде?

1-топ.Ә.Марғұлан

2-топ.К.Ақышев

3-топ. Х.Алпысбаев

5.Жоғалған сөзді тап.Жазылым дағдысы. 1. Қазақ жерінде............................................. аймағында көне тұрақ орындары табылды 2. Адамдар алғаш құралды .............. жасады, құралдарды .................................. мақсатында пайдаланды. 3. Адамдардың ең алғаш тұрақтары .......................... болды 4. Тас құралдарды өңдеудің ......................................... әдістері болды. 5. Ең алғашқы адамдар осы құралдармен.................................. сияқты жануарларды аулады

Критерий: 1.Мәтіндегі жоғалған сөздердің орнын дәл табу

2. Ежелгі адамдардың өмірін сипаттау.

Дескриптор:1.Берілген мәтіндегі жоғалған сөздердің орнын дәл тауып қояды.

2. Жауаптарды қорыта келе ежелгі адамдардың өмірін сипаттайды.

ҚБ

Ежелгі Қазақстан. Балалар энциклопедиясы. –Алматы: «Аруна», 2002 ж.

Қазақстан аумағындағы тас дәуірінің ескерткіштерінің картасы:

http://ok-t.ru/studopediaru/baza8/824259538287.files/image028.jpg

«Қазақстан тас дәуірінің ескерткіштерінің зерттелуі»

мәтін

http://history.tarsu.kz/index.php/lektsii?id=72

Сабақта қолданылатын 50 әдіс жинағы

https://ust.kz/word/sabaqta_qoldanylatyn50_adis_jinagy-2546.html

Кеспе парақша

578тг - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Материал жариялау Сертификатты жүктеу

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру

Ұқсас материалдар

Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған

Сертификатталған тренер жасаған

01.01.2023

17 863

13 694

ҚР Білім және Ғылым министірлігінің стандарты бойынша жасалған. 2022-2023 оқу жылына арналған

Барлық пәндер

Барлық материалдар

Барлық сыныптар

Жаңартылған бағдарлама пәні бойынша барлық материалдарды көру

Іс-шаралар кестесі

Педагогтардың біліктілігін арттыру курстары