1-маусым балаларды қорғау күні!

1 маусым-Балаларды қорғау күні!

Мақсаты: балалардың жеке қасиеттерін дамыту, тақпақ, өлең, әндерді нақышына келтіре айтуды үйрету. Бір - бірін сыйлауға, адамгершілік қасиеттерін жоғалтпай ұстауға жетелеу.

Көрнекілігі: нақыл сөздер, түрлі - түсті шарлар,

слайд «Бала деген бір бақыт»

Өтілу барысы: әдеби – музыкалық монтаж

Жүргізуші: Армысыңдар балалар, бармысыңдар,

Жаз да келді, жайнаған гүлді шыңдар

Алдыменен алайық амандасып,

Армысыңдар бәрің де, армысыңдар.

1 - Маусым 1950 жылдан бастап Халықаралық балаларды қорғау күні болып келеді. Бүгін біз осы мерекені атап өтпекшіміз. Аталған мерекемен бізді құттықтай келген қонақтарымызбен таныстырып өтейін

Құттықтау сөз кезегін, бөбекжайымыздың директоры: Абдырахманова Ұлболсын Жұмабаевнаға береміз. Ал келесі кезекті бөбекжайымыздың әдіскері: Қартабаева Қаракөз Жоламановнаға береміз.

Жүргізуші: Баршамызды бала тілмен баурайтын,

Бала деген бір бақыт қой самғайтын

Ата - ананың арманы мен тілегін,

Бала емес пе бал бұлақтан жалғайтын

Сүйкімді періштелер сендерсің

Қандай бейне өздеріңе тең келсін!

Данышпан да, ғарышкер де, ғалым да,

Ең алдымен балалықты меңгерсін.

Ән: Топ-топ балақан

Сайқымазақтардың келуі

Бұл не мереке? Нені тойлап жатырсыңдар? Бізге неге айтпадыңдар, а? Бізсіз ешқандай мереке болмайды?

Жүргізуші: Тоқта, тоқта, сендер кімсіңдер өзі біздің мерекені бұзатын? Бүгін үлкен мереке, біз оны тойлаймыз, ешкім кедергі бола алмайды! Бізбен бірге тойлаймыз десеңдер, онда тәртіп сақта!

Балалар, сайқымазақты қалдырамыз ба?

-Қалдырамыз.

Жүргізуші: Жарайсыңдар, балалар.

Көркейтер күніңді ертеңгі,

Үйренген өнерін көрсетсін

Бүлдіршін балалар белсенді.

Ендігі кезекті бүлдіршіндерге берейік.

Алинұр:

Бала, бала, баламыз

Бақшамызға барамыз

Күні – бойы қызыққа

Батамыз да қаламыз.

Айару:

Мен гүлдерді жұлмаймын

Торғайларды қумаймын

Айтқан сөзді тыңдаймын

Апашымды сыйлаймын

Ұлдана:

Көжегім тұршы

Бетіңді жушы,

Айнаға қарашы,

Шашыңды тарашы.

Ақнұр:

Біздерде бар қуыршақ

Бұзау, қозы, құлыншақ

Ойыншықтар тыңдайды

Емес олар ұрыншақ

Нұрасыл:

Алма сыйлап бөбекке

Алма ағаштар сарғайған

Төгілген тер шелектеп

Көрінеді маңдайдан.

Жүргізуші: Иә, рас, бала болған бәрі де,

Салған олар балалықтың әнін де.

Бала кезін еске алып отырсақ,

Сол емес пе тіршіліктің мәні де! - дей отырып, сайқымазақтардың бізге ала келген ойынын ойнайық.

Ойын: «Кім жылдам». Шарты: Балалар екіге бөлініп, гүлдерді бір-бірлеп тез жинау керек. Қай топ көп жинаса сол жеңімпаз.

Жүргізуші: Көк жиектен күлімдеп,

Маусымның таңы атты

Тұра қойшы күнім – деп,

Анаң сені оятты –

Даналардың тілегі,

Балалардың тілегі

Ауырмасын ешқашан

Аналардың жүрегі

Жүргізуші: Ендігі кезекті тақпақтарға береміз!

Нұрәлі:

Балалар бақшасында бүгін той!

Балаларды қорғау күні біліп қой

Алақай-ау,алақай

Той тойлайық,балақай

Қызырғанша алақан

Кел,соғайық балақай.

Айсұлтан:

Бейбітшілік әніміз

Өнерліміз бәріміз

Қазақстан даласында

Жарасады сәніміз

Балабақша аясында

Жадырайды жанымыз

Райяна Б.:

Бізбен бірге бар әлем

Қуанады балаша

Қуанышқа бөленген

өмір қандай тамаша

Хамза:

Гүлмен келсін келер күн

Бала-бағы бар елдің

Балалардың күлкісі

Көркі, сәні әлемнің.

Раяна Д:

Басты қоссақ бәріміз

Біздер елдің сәніміз

Шаттық, бақыт, қуаныш

Елімізге сыйлаймыз.

Нұрлы:

Біз бақытты баламыз,

Ақылдымыз, данамыз

Ертеңгі күн еліміздің

Батырлары боламыз.

Сайқымазақ: Жарайсыңдар балалар , сендер өте жақсы өнер көрсеттіңдер, менің сендерге әкелген сыйлығым бар, міне қабыл алыңдар.Осы ойыншықтармен шағын орталықта тату-тәтті бірге ойнасын деп,сендерге алып келдім!

Жүргізуші: Рахмет саған сайқымазақ! Осымен «1 маусым-Балаларды қорғау күні!» атты мерекелік іс - шарамыз аяқталды. Көріп тамашалағандарыңызға көп рахмет