5 сынып/Қазақ тілі ТЖБ

Қазақ тілі/ 5 сынып

2-ТОҚСАНДЫҚ ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

2-тоқсандағы жиынтық бағалаудың матрицасы

Ұзақтығы: 40 минут (уақыт оқылым мен жазылым жұмысына арналған. Тыңдалым мен айтылым сабақтан тыс, қосымша уақытта өткізіледі)

Оқылым – 15 минут

Жазылым – 25 минут

Балл саны: 30

Тапсырмалар түрлері

Көп таңдауы бар сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады: біріншісі -тыңдалым, айтылым, екіншісі - оқылым, үшіншісі - жазылым және әдеби тіл нормаларын тексеруге арналған.

Тоқсандық жиынтық бағалау тапсырмаларының сипаттамасы

Тапсырмалар және балл қою кестеcі үлгісі

«Қазақ тілі» пәнінен 2-тоқсан бойынша жиынтық бағалау тапсырмалары

Тапсырма

• Мәтінді мұқият тыңдаңыз. Мәтін мазмұны бойынша сұрақтар дайындаңыз. (3 сұрақтан кем емес) «Тыңдайтын үшбұрыш» тәсілінің шартына сүйене отырып, өз көзқарасыңызды жан-жақты тұжырымдап, пікір алмасыңыз.

• Өз жұбыңызды мұқият тыңдауға тырысыңыз. Сұраққа жауап бергенде белсенділік танытыңыз, мәтін бойынша сөйлеу барысында омоним, антоним, синоним сөздерді ерекшеліктеріне сай қолдаңыз. [10]

А мәтіні

Жануарлар дүниесінің екі тармағы бар: біржасушалы жануарлар және көпжасушалы жануарлар. Біржасушалы жануарлардың денесі негізінен бір ғана жасушадан тұрады. Сондықтан, олар қарапайым жәндіктер деп аталады. Көпжасушалы жануарлар ағзасында жасушалар көп болады. Олар әртүрлі қызметтер атқарады. Жасушалардың бір тобы ішкі және сыртқы ортаның тітіркендіргіш әрекетін қабылдап, сезімталдық білдіреді. Енді бір тобы дыбыс тербелісін қабылдап, тыңдау арқылы есту жүйесін құрайды. Кейбір жасушалар тобы қорғаныш қызметін атқарады. Қорегін іздеп табуға жәрдемдесіп, оны қорытуға қатысатын да жасушалар бар.

Ғаламшарымыздағы бір жарым миллионнан астам жануарлар дене құрылысы бойынша омыртқасыздар және омыртқалылар болып бөлінеді.

(https://kk.wikipedia.org/wiki/сайтынан, 87 сөз)

Ә мәтіні

Жер бетінде қызғалдақтың 120-дан астам түрі бар болса, олардың басым көпшілігі Шығыс Азия мен Оңтүстік Еуропа елдерінде кездеседі. Гүл өндірушілердің кейбірі ол гүлді тек сату үшін ғана өсірсе, қалғандары хош иісті парфюмериялық заттар жасауға пайдаланады екен. Ал біздің отандық мамандар бұл гүлдің «грейг»^* деген түрін бауыр ауруларына қарсы дәрі-дәрмек ретінде пайдалануға болатынын айтуда. «Грейгтің артықшылығы ол – 55 пайыз крахмал мен қанттан тұрады. Ал ондай сұйықтық ағзаға аса пайдалы», – дейді олар. Ал Оңтүстік Қазақстан облысы Түлкібас ауданындағы Қызыл төбешік нақ осы гүлдің ордасы саналады.

https://nationalgeographic.kz/2017/04/19/5278.html, (81 сөз)

* Грейг қызғалдағы (Регель қызғалдағы, Tulipa greigii) – лалагүлділер тұқымдасы, қызғалдақ туысына жататын көп жылдық пиязшықты өсімдік.

Оқылым

Тапсырма

Мәтіндерді оқып шығыңыздар.[10]

А мәтіні

БАЛА ШОҚАН

Мүсiншi Мысық

– Ей, Мысық, аман ба? Мына ойыншықты кiм iстедi? – деп Шоқан сары балаға жылы амандасып, күлiмдей қарады.

– Өзiмдiкi, өзiм iстедiм, – деп танауын бiр тартып, кiшкене көкшiл көзi шегiрейiп, Мысық ойыншықтарын бауырына қарай икемдей бердi. Шоқан құнаннан түсiп, өзiне қарай жүргенде, сары бала:

– Иә, бермеймiн, – деп ойыншықтарын жинай бастады.

– Ей, Мысық, немене, өзiң сонша қорқасың. Алмаймын, көрейiн, – деп күлiмдей сұрады Шоқан.

– Жоқ, сенiң құнаның бар, алып қашып кетесiң. Мен жаяумын. Кеше әлгi бiр тентек бала өзiмдi сабап кеттi. Сен тимейсiң бе? – деп Мысық батылдана, мұңын шаға сөйледi.

– Жоқ, мен алып қашпаймын. Тек көрем. Мысық Шоқанға бұрынғы үйiрлiгiне сенiп, ойыншықтарын тегiс көрсеттi.

(http://kazorta.org/ сайтынан 97 сөз)

Ә мәтіні

Қызыл кітап - халықаралық табиғат қорғау одағының «Қызыл кітабы» — халықаралық дәрежедегі құжат. Қызыл кітапқа сирек кездесетін, жылдан жылға азайып не жойылып бара жатқан, сондықтан да айрықша қорғауды қажет ететін жануарлар мен өсімдіктердің түрлері тіркеледі. Жануарларды халықаралық дәрежеде қорғау мәселесі 20 ғасырдың бас кезінде қолға алынды. 1902 ж. Париж қаласында алғаш рет Құстарды қорғаудың халықаралық конвенциясына қол қойылды. 1948 ж. ЮНЕСКО-ның жанынан Халықаралық табиғат қорғау одағы ұйымдастырылды. Халықаралық табиғат қорғау одағының Қызыл кітапбы 1966 ж. тұңғыш рет 2 том болып шықты. Оның 1-томында сүтқоректілердің 211 түрі, 2-томына құстардың 312 түрі туралы деректер берілді.

(https://kk.wikipedia.org/wiki/%D2%9A%D1%8B%D0%B7%D1%8B%D0%BB_%D0%B A%D1%96%D1%82%D0%B0%D0%BF (90 сөз)

І. Берілген мәтіндер бойынша төмендегі сұрақтарға бір дұрыс жауабын таңдау арқылы жауап беріңіз.

1. Сирек сөзіне антоним бола алатын сөз.

А) Бірең-сараң

В) Жиі

С) Кейде

D) Оқтын-оқтын

Е) Тез-тез

2. Берілген сөйлемдегі омоним бола алатын сөзді белгілеңіз.

Сен тимейсiң бе? – деп Мысық батылдана, мұңын шаға сөйледi.

А) Батылдана

В) Мысық

С) Мұңын

D) Сөйледі

Е) Тимейсің бе?

ІІ. Берілген мәтіндер бойынша төмендегі сұрақтарға бірнеше дұрыс жауабын таңдау арқылы жауап беріңіз.

3. Берілген екі мәтіннің стилін анықтаңыз.

А) Ауызекі сөйлеу стилі

В) Ғылыми стиль

С) Көркем әдеби стиль

D) Публицистикалық стиль

Е) Ресми іс-қағаздар стилі

4. Бірінші мәтінге тән қасиет.

А) Еркіндікке құрылуында

В) Кейбір сөздер айтылмай түсіп қалуында

С) Қоғамдық ортада қолданылуында

D) Ресми орындарды қолданылуында

Е) Сөздердің баламасы қолданылуында

5. Мысықтың әуес ісі.

А) Бұйымдар жасау

В) Мүсіндер жасау

С) Ойыншықтар жасау

D) Қуыршақтар жасау

Е) Жануарлар жасау

6. Асты сызылған сөздің синонимін көрсетіңіз.

Мысық ойыншықтарын бауырына қарай икемдей бердi.

А) Арқасына

В) Жанына

С) Кеудесіне

D) Көкірегіне

Е) Қойнына

7. Мысық Шоқанды неге асыға күтті? Шоқанға қандай мінез сай келеді?

А) Аңғарғыш

В) Байқағыш

С) Қатыгез

D) Менменшіл

Е) Ұялшақ

8. Қызыл кітап қандай дәрежедегі кітап.

А) Мемлекетаралық

В) Облыстық

С) Республикалық

D) Халықаралық

Е) Энциклопедиялық

9. Қызыл кітапқа қандай жануарлар мен өсімдік түрлері тіркеледі

А) Айрықша қорғауды қажет ететін

В) Ерекше қорғауды қажет етпейтін

С) Жылдан жылға жойылып бара жатқан

D) Орманда күнделікті кездесетін

Е) Сирек әрі үнемі кездесетін

10. Табиғатты қорғау мәселесімен қандай ұйым айналысады.

А) Құстар мен өсімдіктерді қорғау одағы

В) Халықаралық жануарларды қорғау одағы

С) Халықаралық өсімдіктерді қорғау одағы

D) Халықаралық дәрежедегі табиғатты қорғау одағы

Е) ЮНЕСКО жанынан Халықаралық табиғат қорғау одағы

Жазылым