6-сыныптың математика пәнінен "Рационал сандарға амалдар қолдану" тақырыбына ҚМЖ

Ұзақ мерзімді жоспардың тарауы:

Мектеп: Қарағанды облысы Қаражал қаласы Жәйрем №30 ЖББОМ

Күні:

Мұғалімнің аты-жөні: Дауитхан Манат

Сынып: 6

Қатысқандар:

Қатыспағандар:

Сабақтың тақырыбы

Рационал сандарға амалдар қолдану

Осы сабақта қол жеткізілетін оқу мақсаттары

6.1.2.22. Рационал сандардан тұратын санды өрнектердің мәндерін табу

Сабақтың мақсаты

1.Амалдардың қасиеттерін тиімді қолдана білу;

2.Рационал сандардан тұратын санды өрнектің мәндерін таба білу;

3.Есептеулерге рационал сандарға амалдар қолдануды пайдалану.

Бағалау критерийі

1.Рационал сандарға амалдар қолдану ретін біледі.

2. Рационал сандардан тұратын санды өрнектердің мәндерін табады.

Тілдік мақсаттар

Оқытудың пәндік және тілдік мақсаттары:

-оқушылар рационал сандардың қасиеттерін және амалдарды орындау ретін сипаттайды;

-оқушылар рационал сандарға амалдар қолдану ережесін тұжырымдай алады.

Пәнге қатысты сөздік қор мен терминдер:

-Рационал сандар, бүтін сандар, арифметикалық амалдардың қасиеттері(ауыстырымдылық, терімділік, үлестірімділік),

өрнектің мәні, амалдар қолдану, оң және теріс сандар, қарама-қарсы сандар, өрнектің мәнін табу;

Диалогтер мен жазу үшін қолданылатын тіркестер:

-Таңбалары әр түрлі және бірдей рационал сандарды қосу(азайту) үшін…..

- Таңбалары әр түрлі және бірдей рационал сандарды көбейту(бөлу) үшін…..

Құндылықтарға баулу

«Мәңгілік Ел» құндылықтарын меңгеру және қабілеті жоғары, бәсекеге қабілетті, жауапкершілігі мол, патриотты тұлға қалыптастыру.

Пәнаралық байланыс

Қазақстан географиясы(демография жіне жер көлемі).

Алдыңғы білім

-Рационал сандарды қосу, азайту, көбейту және бөлу ережелерін;

-арифметикалық амалдарды орындау ретін біледі;

-оң, теріс сандар және қарама-қарсы сандар;

-таңбалары бірдей және қарама –қарсы бүтін сандарға амалдар қолдануды.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5-7 минут

1.Ұйымдастыру кезеңі.

2. Психологиялық ахуал туғызу үшін ... «Ыстық лебіз» бойынша бір –біріне қошемет сөздер айтылады.

3. Үй тапсырмасын «Бұрыштар» әдісі арқылы тексеру. (Үй тапсырмасы бойынша бір дұрыс, үш жалған жауап интербелсенді тақтаға жазылып, дұрыс деген жауап көрсетілген бұрышты нұсқайды. Әр бұрыш әріптермен белгіленеді)

4. Оқушыларды топқа бөлу.

5. Сабақ тақырыбымен және мақсатымен таныстыру.

«Бес саусақ» әдісі арқылы өткенді қайталап, білімдерін ақпаратты жинақтауға қолдану және сабақтың мақсатын анықтаймын.

Оқушыларға «қалай» немесе «неге» сұрау есімдігін пайдаланып, мұғалім мақсат толық ашылғанша сұрақты жалғастырады

Интер белсенді тақта , әріп жазылған таяқша

Сабақтың ортасы

20-22 минут

Оқулықтан оқуға мәтін беріледі де, оқушылар өздігінен меңгереді

.

(Т) «Балық қаңқасы» әдісін пайдаланып, берілген мәтіннен түсінгенін жазады. «Балық қаңқасы» әдісі білім, тұжырымдамалар, идеяларды және олардың арасындағы өзара байланыс пен қарым-қатынасты көрсету үшін қолданылады.

Оқушылар жаңа тақырыпты оқып, алған білімдерін диаграммаға салады.

нәтиже

ҚБ. «Екі жұлдыз, бір тілек» әдісі арқылы.

Сұрақтар: 1. Рационал сандарға амалдар қолдану үшін ең маңыздысы не?

2. Амалдарды орындау тәртібі қандай?

3. Рационал сандарға амал қолдануда қандай?

4. Қарама-қарсы сандардың қосындысы неге тең?

5.Таңбалары бірдей сандарды қосу, азайту, көбейту, бөлу ережесін тұжырымда.

«Ойлан-жұптас-бөліс» әдісі арқылы ойды жинақтау, диалогқа түсе отырып өзара әрекеттесу, қорытындылау әрекеттерін іске асырады.

1-тапсырма. Санды өрнектердің мәнін тауып, шыққан нәтижесі бойынша ой бөліс. Есептің нәтижесі Астананың құрылған күні, Астананың жер көлемі, халқының санын көрсетеді. Бұл есеп арқылы «Мәңгілік ел» құндылықтарын және пән аралық байланысты жүзеге асырамын.

І топ 2057+( -30: - 42)

ІІ топ + 698,2

ІІІ топ - 1

Дескриптор:

• амалдардың орындалу тәртібін анықтайды;

• таңбалары бірдей сандарды азайтуды орындайды;

• таңбалары әр түрлі сандарды көбейтуді орындайды;

• екі теріс сандарды бөлуді орындайды;

• таңбалары әр түрлі сандарды қосуды орындайды;

• жауабын жазады

ҚБ. «Бағдаршам» әдісі арқылы өзін-өзі бағалайды.

Сұрақтар:

• амалдарды орындау ретің дұрыс па?

• таңбалар ережесін қолдана алдың ба?

• рационал сандарға амалдар қолдану ережесін білесің бе?

Саралау. «Жылдамдық» әдісімен қосымша уақыт беремін.

«Көршіңмен бөліс» әдісі арқылы әрбір оқушы өз білгенін ортаға салып, көршісімен бөліседі

(Ж) 2-тапсырма. Қосындысының мәнін тиімді тәсілмен есептеңдер:

(2001 + 2002 + 2003 + ... + 2015 + 2016 + ) + (- 1 - 2 - 3 - ... – 15 - ).

Дескриптор:

• қосудың терімділік қасиетін қолданады;

• тиімді тәсілді таңдайды;

• қарама-қарсы сандардың қасиетін біледі;

• қосындының мәнін табады.

ҚБ. «Стикер» әдісімен бағалау.

• Саралау. «Диалог және қолдау көрсету» әдісімен кейбір оқушыларға тапсырманы орындау барысында жан-жақты әрі нақты көмек беремін.

«Тыңдап отырған үштік» әдісі арқылы есептерді түсініп, бақылаушы рөлі арқылы өзінің іс-әрекеттеріне талдау жасайды.

3-тапсырма: Ойлаған санды 4 есе арттырып, шыққан көбейтіндінің мәніне -21,3 саны қосылды. Шыққан сан 3 есе кемітіліп, нәтижесінен 17,19 санын азайтты. Сонда -200,29 саны шықты. Ойлаған санды табыңдар.

Дескриптор:

• есептің шартын түсінеді;

• теңдеу немесе өрнек құрастырады;

• белгісіз азайғышты табады;

• белгісіз бөлінгішті табады;

• белгісіз қосылғышты табады;

• ойлаған санды табады.

ҚБ. «Екі жұлдыз, бір тілек» арқылы бірін-бірі бағалау

Саралау. Ресустар әдісімен басқа сыныптастарына қарағанда анағұрлым күрделі дереккөздермен жұмыс істейтін оқушыларға қосымша таратпа немесе электронды материалдар беремін.

Оқулық, слайд, диаграмма.

Диаграмма

Сабақтың соңы

11-12 минут

Кері байланыс

«Шығу парағы» -сабақ аяғында оқушылар сұраққа(2-3сұрақ) жауап береді,ол сұрақтар сабақты қорытындылап, оқушының алған білімін, сабақтың қалай өткендігін бағалайды.

1. Бүгін не үйрендіңіздер?

2. Сабақ бойынша қандай сұрақтарыңыз бар?

3. Келесі сабақта қандай мәселелерге назар аудару керек?

Рефлексия. «Бес саусақ» тәсілі. Оқушылар алақандарын қойып, оны жиегімен қаламмен айналдырып өтеді. Осыдан соң олар сабақ туралы мынандай сұрақтарға жауап беріп, салынған саусақтарына жазады.

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың материалды игеру деңгейін қалай тексеруді жоспарлап отырсыз?

Денсаулық және қауіпсіздік техникасын сақтау

Саралап оқыту оқушыларды жоғары деңгейде ойлау қабілеттері дамиды, ақпаратты өздігімен түсініп, таңдап, таразылап үйренеді және өзара шешім қабылдап, қиын мәселелерді шешіп үйренеді. «Көршіңмен бөліс» әдісіндегі тапсырмаға саралаудың «Нәтиже» тәсілін , «Ойлан-жұптас-бөліс» әдісіндегі тапсырмаға «жылдамдық» әдісімен қосымша уақыт беру арқылы мүмкіндіктерін кеңейтемін. «Тыңдап отырған үштік» әдісі арқылы тапсырмаларды орындау барысында саралаудың «Диалог және қолдау көрсету» тәсілінде жан-жақты әрі нақты көмек беріледі. Бұл тәсіл оқушының жеке ойын қорытып, диалогке түсе отырып , жұп және топта оқушылардың арасында қарым-қатынас жасайды,өзара әрекеттесу қалыптасады.

Бағалау кезінде қалыптастырушы бағалаудың «Мадақтау» арқылы оқушыларды ынталандырамын стикер арқылы көңіл күйін бақылау, оқушылар өзінің білім ахуалын біледі. жетілдіруге ынталандырылады.

Мен сабағымда «Бағдаршам», «Екі жұлдыз, бір тілек» мүмкіндіктерін пайдаланамын. Бағалаудың негізгі функциясы – ынталандыру.

«Бес саусақ» әдісі оқушылардың белсенділігі мен қызығушылығын арттырады.

Сабақ барысында үнемі қауіпсіздік ережесін сақтауды ескертіп отырамын