19.04.күні 8а сыныбына 1-ші сабағымды өткіздім. Сабақ тақырыбы: Оқу-ағарту ісі. Мақсаты: Қазақстанның ХІХ ғ. ІІ жартысындағы – ХХ ғ. бас кезіндегі мәдени өмірімен танысу, Қазақстанда халыққа білім беру ісі мен сауаттылық деңгейін анықтау, жаңа сөздермен (терминдермен) танысу, сөздік қорын дамыту, шетелде білім алған қазақ студенттерінің елге сіңірген еңбектері туралы мәлімет жинау. Топқа бөлу, АКТ,галереяға саяхат, ассосация, түртіп алу, топтық жұмыс, өрмекшінің торы ойындарын пайдалана отырып оқушылардың сабаққа қызығушылығын арттырып, тақырыпты толық игеруге жағдай жасалды. Сыныппен амандасып, оқушыларды түгендеп болған соң, оқушыларды жылдың 4 мезгіліне байланысты 1)Медресе, 2)Маман, 3) Мұғалім, 4)Мектеп деп төрт топқа бөлдім. Бірінші тапсырма: мәтінді оқып түртіп алу әдісін пайдаландым. Екінші тапсырма: мәтінмен танысып болған соң 4 топқа постер қорғау тапсырмасы. Постерді дайындау және қорғауға 12минут берілді. Дайын болған топ қорғап шықты. Үшінші тапсырма: галерияға саяхат әдісі,яғни оқу ағарту ісіне үлесін қосқан ұлы тұлғаларды зерттеу. Бұл кезде оқушылар А3 қағазына тапсырмаларын суреттер арқылы бейнеледі. Дайын болған жұмыстарын қабырғаларға іліп басқа топтың оқушылары қабырға газетімен танысты. Барлық топ бір бірінің жұмысымен танысып болған соң әр топтан бір оқушы шығып қорғап берді. Сергіту сәтіне уақыт жетпей қалған соң бекітуді қосып алып өрмекшінің торы арқылы жаңа сабаққа қатысты сұрақтар мен оқу, білімге қатысты мақал-мәтелдің жалғасын табу арқылы сабақ бекітілді. Одан кейін рефлекция жүргілді. Рефлекция: тақтаға ілінді чемодан бүгінгі ақпаратты салып алып, алдағы уақытта қолданамын; еттартқыш әлі де ақпартты өңдеймін; себет бүгінгі ақпарат маған керек емес лақтырып жіберемін. Осылайша әр оқушы бүгінгі сабақтан алған әсерлерін, ұсыныстарын жазып тақтадағы рефлексияға ілді. Бағалауды топ басшысы бағалау бетшесі арқылы бағалады. Нәтижесі: оқушылар бірлесіп жұмыс жасай алады, өз пікірлерін еркін айта алады. Белсенділік көрсетті, сыни тұрғыдан ойлап жаңа игерген материалдарды өмірде қолдана алады.