А түйінді идеяларды білуі және түсінуіА1 Өзінің оқыту және оқу тәжірибесіне өзгеріс енгізуі туралы рефлексиялық есеп Білім беру саласында оқушылар үшін білім де, дағдылар да тең дәрежеде маңызды деген ортақ ұстаным қалыптасуда. Заманауи тәсілдің ең негізгі ерекшелігі оқушылардың алған білімдерін жай ғана иеленіп қана қоймай, оларды орынды жерде қолдана білуіне басты назар аудару болып табылады, ал ХХІ ғасырда талап етілетін дағдылардың мәні осында (МАН 5-бет). Сондықтан оқыту мен оқуға жаңа өзгерістер енгізу қажет деп ойладым. Оқыту мен оқуға өзгеріс енгізуді өзімнен бастағым келді.Ол үшін мектебіме барып, сыныптағы оқушыларды зерттеу жасауым маңызды білдім. Дәстүрлі оқыту мен сындарлы оқытудың арасы аспан мен жердей екенін байқадым. Оған дәлелім, дәстүрлі оқыту кезінде басты рөлді үнемі мұғалім тарапынан келетіні және сабақтың тең жартысында оқушыға түсіндіремін деп көп сөйлеп, уақытты өткізіп, оқушының өз ойын жеткізуге мүмкіндігі болмайтынын түсіндім.Оқушыларымның арасында қабілетті, талантты оқушылар болған екен , бірақ соны ары қарай дамытып, түрлі тапсырмалар беру арқылы алға қарай жетелемеген екенмін. Осы қателіктерді болдырмау мақсатында, курстан алған білімімді әріптестеріммен бөлісіп, жаңа форматтағы сабақ жүргізіп көргім келді.Бұл жоспарымда бағдарламаның жеті модулін өз сабақтарымда тиімді қолданып ықпалдастыруды негізгі мақсат етіп алдым. Тізбектелген сабақ жоспарын құруда,мұғалімдерге арналған нұсқаулықтың көмегі көп тиді.Жоспарлаған әдебиеттік оқу сабақтарының маңыздылығы орнындалатын әрекеттердің нәтиже көрсетуі.Оқудың алдында болатын іс-әрекеттер,мүмкін болатын барлық кедергілерді ескере отырып,сабақ жоспарын орындау міндетті болып табылатын бұйрық нысанындағы құжат ретінде емес,бағыт-бағдар көрсететін көмекші құрал ретінде қараймын,өйткені оқушылардың жас ерекшелігіне қарай зейіні де бір жерде ұзақ шоғырланып тұрмайтынын болжаймын.Ұлы ақын,ағартушы Абай Құнанбаев адам ата-анадан туғанда есті болмайды,естіп,көріп,ұстап,татып ескерсе,дүниедегі жақсы жаманды таниды дағы ,сондайдан білгені, көргені көп болған адам білімді болады.Естілердің айтқан сөздерін ескеріп жүрген кісі өзі де есті болады деген құнды пікірге сүйене отырып, курс барысында үйренгенімді тәжірибе жүзінде іске асырғым келді. Тәжірибе барысында 3 «Б» сыныбын алдым,себебі, өзім сынып жетекшісімін.Сыныбымда 29 оқушы бар.Оның ұлы-15,қызы-14. «Маужырап барқыт қоңыр күз» тарауы бойынша тізбектелген сабақтар топтамасын жасадым.Бірінші модульді қолданғанда «оқыту мен оқудағы жаңа тәсілдерінің екі аспектісін ескеремін. «Қалай оқу керектігін үйрету» бойынша сабақта психологиялық жағымды ахуал бойынша шеңберге тұрғызып, «гүл сыйлау», «мейірім шуағы», «періште ойыны», «сиқырлы қобдиша» әдістері бойынша ынтымақтастық атмосферасын құрғызамын. Топқа біріктіріп,топ ережесін оқушылардың өздеріне шығаруын ескертемін.Топты құруда кездейсоқ іріктеп алуға тырысамын. Басқа пәндерге қарағанда, әдебиеттік оқу сабағы тұтастай диалогтан тұрады деп айтар едім.Себебі сабақ үстінде оқушының сөйлеуіне ,көркем сөйлеуіне,ойын тиянақты жеткізуіне көп көңіл бөлінеді.Жаттаған өлеңдерін айту,алған әсерлерімен бөлісу,оқыған шығармаларын топ арасында талдау , осының бәрі сыныптағы оқушылар мен мұғалімдер арасында диалог арқылы жүзеге асады.Оқушылар түрлі тапсырмалар орындау барысында жұптасып,топтасып,жекелей жұмыстар атқарады. «Ой қозғау»әдісін пайдалана отырып, суреттер бойынша сұрақтар қойып,оқушылардың жауаптары тыңдалады. «Түртіп алу» әдісін сабақта үнемі қолданамын.Мұнда оқушы түсініксіз сөздерді түртіп алуы арқылы өз бетінше жұмыс жасайды. Оқу мақсаттарына жеткендерін білу үшін баға өте маңызды үдеріс.Бағалау үдерісі оқушылар үшін үлкен жауапкершілікті сезініп, бәсекелестік, әділдік қабілеттерін бойларына сіңіре алады деп ойлаймын. Сабағымның барысында оқушының әрбір іс-әрекетіне қалыптастырушы бағалаудың әдістерін қолданамын. Бағалаудың екі аспектісі бар екенін білдім. Қалыптастырушы бағалау және жиынтық бағалау арасындағы айырмашылықты ажырата алатын болдым. «Көңілді смайлик», «Жапырақ жинау», «Түрлі түсті алма жинау», «Бағдаршам», «Ауа-райы» әдістері, топтық бағалау, өзара бағалау әдістері арқылы бағалайды. Сабағымның рефлексия бөлімінде оқушылардың жаңа сабақты түсіну деңгейін білу, өзіндік талдау жасай алуына ықпал ету мақсатында «Ойды аяқта», «желкенді қайық», «миыңның суретін сал», «үш түрлі күнделік» стратегиялары арқылы сабақта қызықты, қиын, құнды не болғанын анықтаймын. Оқушылардың рефлексиялары арқылы келесі сабағымның жоспарына неліктен және қалай түзету енгізуге болатындығын айқындаймын. Тақырыпты меңгерулерінде зиятты қабілеттері қарқынды болуын қадағалап,дарынды және талантты балаларға шағын мәтін құрастыруларын, эссе жазуларын, сыни тұрғысында берілген сұрақтарға жауап берулеріне мүмкіндік беремін.Жас ерекшелікке байланысты оқушыларымның ынтасын өздерінің қабілетіне қарай қолдау жасап,бағыт-бағдар беріп отырамын. Сабақтарымда АКТ-ны пайдалана отырып, ақындардың өмірлерімен танысады,сурет бойынша өз ойларын бөліседі.Қызығушылықтарын арттыру барысында,сергіту сәтіне көңіл бөлемін. Мәселен, «Австрия жаңбыры», « Ертегі әлемі»,«Попури әндер» т.б.Оқытуды басқару және көшбасшылық модулін басшылыққа алып,сабақ барысында топтағы белсенді оқушыларға өз қызметтерін бөліп алуын тапсырамын.Қысқа мерзімді тізбектелген сабақтар топтамасын жоспарлаған кезде бағдарламаның жеті модульін ықпалдастыру менің басты мақсатым болды.Тақырыбы:Күзгі орманның көріністері.Мақсаты:Мәтінмен таныса отырып, күзгі орман көріністерін насихаттау.Құстар мен аңдардың тіршілігін әңгімелеу.Ең алдымен «Періште ойыны» бойынша ынтымақтастық атмосферасын қалыптастырамын.Ағаш қиындыларын бөліктерге бөліп,оны құрастыру арқылы топтар құру. Әр топ басшысын және бағалаушыларын сайлату, өз міндеттерімен таныстыру Топ ережесін құру. Жас ерекшелікке байланысты оқушылар мәтінді топ арасында оқып, талдайды.Өз ойларын бөліседі.АКТ-ны пайдалана отырып «Ой қозғау» әдісі бойынша есту арқылы өз ойларын нақтылауға, саралауға, салыстыруға жетелеймін. Жаңа тақырыпты анықтап алған соң,топтық жұмыс жүргіземін.Жұптық жұмыс жүргіземін.Диалог құрайды. «Жеке жұмыс» суреттерге қарап,аңдар мен құстар жайлы жұмбақ тауып,жазады. Оқушылардың сабаққа қызығушылығын арттыру мақсатында сабақтың әр кезеңінде қалыптастырушы бағалауды қолданамын. «Топтастыру» әдісі арқылы берілген суреттен құстар мен аңдарды топтап жазады.Рефлексия бөлімінде «Желкенді қайық» әдісін пайдаланып, өздерінің іс-әрекеттеріне рефлексия жасайды. Рефлексия арқылы ,өзін-өзі бағалай білуге,өз жұмысын сыныптастарымен салыстырып,өзін-өзі реттеуге ықпал етіп, өз ойларын ортаға салып талқылауға және дәлел келтіре отырып нақты шешім табуды үйренеді,оларды түзетуге мүмкіндік алады.
ҚР Білім және Ғылым министірлігінің стандартымен жасалған
03 Желтоқсан 2018
978
0 рет жүктелген
