Абай Құнанбайұлының 175 жылдығы

Абай-Бар қазақтың мақтанышы

Қазақ халқының ең бір ұлы ақыны, жазба әдебиетінің негізін салушы, дана ойшыл, халқымызды әлемге әйгілі еткен философ, ағартушы, композитор Абай Құнанбайұлының дүниеге келгеніне, міне 175 жыл толып отыр. Небәрі 59 жыл ғұмыр кешсе де, ұзақ ізденістері арқылы халқымызға тәлім-тәрбие беретін, адамның рухын көтеріп, санасын ашатын шығармалары бүкіл халықтың тарихи мұрасы. Ол- лирик, ол ақын, ол- эпик... Жинақтап айтар болсақ, сегіз қырлы, бір сырлы аса ірі тұлға.

Жақсылықтан әрдайым бір дәмелі,

Қазақта даналықтан сыр бар еді.

Құнанбайдан тараған сәуле болып,

Ұлы Абай кемелдіктің нұр дәнегі.

Абай-дана сара жол сараптаған,

"Қайран елім қазағым"- деп таңы атпаған.

Қырық бес қара сөзін өсиет қып,

Ұрпаққа үлгі болған сабақты адам.

Абай- ұлық би болған, болыс болған,

Әділдікке мызғымас қоныс болған.

Қисынсыз салықтарға қарсы тұрып,

Жарлының жандығына өріс толған.

Кешегі Бұхарлардай ізгі мықты,

Абай дана нұсқаған ізгілікті.

Ізгілік ұлы жолдан айнымаған,

Қазақта ұл ұлықты қыз қылықты.

Оқып жүріп сөзімді кемелдермін,

Ғылым таппай орынын еленген кім?

Сөз сарасы, сөз патшасы өлең болса,

Абай ақын патшасы өлеңдердің.

Шын таныса мол дәулет тапқан кісі,

Өлеңімен білінер ақтан күші.

Бар адам қазақтығын мақтан қылса,

Ал, Абай бар қазақтың мақтанышы.