Абайла мұзды жолдардан 3 сынып Покровка орта мектебі

Тақырыбы: «Абайла, мұзды жолдардан!»
Мақсаты: Балаларға қыс мезгілінде жолда жүру ережесімен және қыс мезгіліндегі жол белгілерімен таныстыру. Қыс мезгіліндегі адам өміріне қауіп төндіретін жағдаят түрлерін ажыратуға дағдыландыру.Оқушылардың ойларын жүйелі әрі шапшаң жеткізуге үйрету.
Көрнекілігі:  суреттер
Ұйымдастыру

Кіріспе
Жыл сайын күзгі-қысқы кезеңде  көктайғақ кезінде зардап шеккендер сынықтармен, соғылған жаралармен, созылған сіңірлері, буындарымен, жабық бас сүйек-ми зақымдарымен     травматологиялық пункттерге медициналық көмекке жүгінеді.  Қауіп жаяу жүргіншілерге де, әуесқой автомобильшілерге  де төнеді.

Ең алдымен қауіпсіздік!

Жаяу жүргіншінің тайғақ жолда жүруінің негізгі қағидаттары жан-жағына назар аудару және абайлықты сақтау болып табылады, бұдан басқа:

а) аяқ-киімді дұрыс таңдау   — тайғақ көшелерге шығар алдында бірінші және өте маңызды қадам. Аяқ киім табаны тегіс, тайғанамайтын материалдан жасалған, бұдырлы бет құлап қалу қатерлерін төмендетеді. Әйелдерге тік өкшелерден, 5 см биік тақалардан және биік платформалардан бас тарту қажет.

б) көктайғақпен жүрген кезде басқа істерге, мысалы телефонмен сөйлесуге, музыканы тыңдауға және т.б. алаңдамау қажет;

в) аяқ астына қарау, табанды нық төсеп басу қажет, бұл ретте аяқтар бос  және тізеден сәл бүгінлген болуы тиіс;

г) қолдарыңыз бос болуы тиіс, қолыңызды қалтада ұстамаңыз  — құлаған кезде сіз оларды тіпті алып шығуға үлгермей  қалуыңыз мүмкін;

Автокөлік жүргізушілерінен де көктайғақ абай болуды, төмен жылдамдықпен жүруді талап етеді.  Әуесқой автомобильшілерге қашықтықты сақтау ұсынылады, өйткені көктайғақ жағдайында тежеу жолы үш есе ұлғаяды! Ұсынылатын қашықтық – екіге көбейтілген автомобиль жылдамдығы.

Құлаудан құтыла алмағанда не істеу керек?

 Егер сіз бойыңызды билей алмайтыныңызды сезсеңіз:

а) күрт жүрелеп отыра қалыңыз, бұл жағдайда құлау биіктігі төмен болады, демек жарақат алу ықтималдығы да төмендейді;

б) шынтақ буындарын бүйірлеріңізге басыңыз, басыңызды иықтарыңызға тартыңыз, ал арқаңызды жазыңыз;

в) бұлшықеттерді барынша босатып, бүйірлеп құлауға тырысыңыз;

г) құлаған кезде қолдарыңызды алға қарай созбаңыз.

Бастапқы дәрігерге дейінгі көмек

Егер сіз жаяу жүргіншінің мұзда тайғанап құлауының куәгері болсаңыз  — жедел жәрдемді шақырыңыз, ЖКО кезінде жедел жәрдем келгенше зардап шегушіні тасымалдауға үзілді-кесілді тыйым салынады!

Егер қол-аяқ жарақаттанған болса – оның қозғалмайтындығын қамтамасыз етіңіз, суықты басыңыз.

Көктайғақ жағдайында қарапайым қауіпсіздік қағидаттарын білу және оларды сақтау өте маңызды.

Қорытындылау

Қыс мезгіліндегі жол тәртібін жадымызда сақтап жол ережесін жадымызда сақтап, аман-есен жүрейік. Осымен «Абайла мұзды жолдардан» атты қашықтықтан өткен сынып сағатымыз аяқталды.

Сынып сағаты

Тақырыбы

«Абайла, мұзды жолдардан!»

Орындаған бастауыш сынып мұғалімі: Жанибекова У. А.