Материалдар / "Адам ұжымда"

"Адам ұжымда"

Материал туралы қысқаша түсінік

Ұстаздарға керек. Сабақ жоспарында ерекше білімді қажет ететін балалар үшін кіріктірілген тапсырмалар.

Рахметова Жазира Тилепбергеновна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

12 Мамыр 2020

1098

0 рет жүктелген

Өзін-өзі тану Ашық сабақ 5 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Мектеп: Шамалған ст. Қом. Бекітемін:__________________

Пәні: Өзін-өзі тану. Сабақ: №20 Мұғалім: Рахметова Жазира

Тақырыбы: Адам ұжымда.

Құндылық: Дұрыс әрекет

Қасиеттер:сыйластық, түсіністік, басқалар туралы жамандық ойламауға.

Сынып: 5 «А», «Б»; «Д», «Г», «В»; «З», «Ә», «И», «Ж», «Е»

Мерзiм: ___________________________________________________

Сабақтың мақсаты: Оқушыларға ұжымдағы қарым-қатынастың маңызын ұғындыру арқылы дұрыс әрекет құндылығының мәнін ашу.

Сабақтың міндеттері:

Оқушыларға ұжымдағы қарым-қатынастың мәнін түсіндіре отырып, сыйластық қасиетіне түсінік беру.
Оқушыларға ұжымдағы ізгі қарым-қатынас жасау мәдениетін түсіністік қасиеттері арқылы арттыру.
Оқушыларды басқалар туралы жамандық ойламауға тәрбиелеу.

Ресурстар:

(оқулық,үнтаспа,

үлестірмелі материалдар)

Сабақ барысы:

Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру. 5 Т ережесін еске түсіру

Тыныштық сәті. Су асты патшалығына ойша саяхат.

Мұғалім: Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

.1.Қандай сезімде болдыңдар?

Сабақ барысын талқылау:

Баяу әуен қосылады.

2.Үй тапсырмасын тексеру. «Кластың тоқтамы»

-Рахима апай Бауыржанға не үшін риза болды?

-Бауыржанның өз сыныптастарын «жөнге саламыз » дегенінен нені түсінесіңдер?

-Сыныпта татулық болу үшін қандай іс-әрекеттер жасау керек деп ойлайсыңдар?

-Бауыржанның іс-әрекетінен қандай үлгі алуға болады?

-Өзің сыныптағы татулық үшін не істей алар едің?Айтып бер.

Әлдихан Қалдыбаев (1939 жыл 3қазан Жамбыл облысы Шу ауданы – балалар жазушысы.жеке және топпен әңгімелесу

Ерекше білім беруді қажет ететін балалар үшін.

Үй тапсырмасын тексеру. 1-тапсырма.

1.Ұжымдық қарым-қатынаста қандай қасиеттер қажет?

2.Ұжым дегеніміз не?

Түрлі түсті бояулар, жеке оқушымен жұмыс. Оқушылар ұжымдағы қарым-қатынас мәдениеті мен сыйластықты түсінеді.

3.Дәйексөз. «Сыпайылық,сабырлылық-асыл адам белгісі».

Дәйексөзді үш оқушы оқиды және жалпы сыныпқа хормен үш рет дауыстап оқиды.

Дәйексөздің мағынасын қалай түсінесіңдер?
Сыпайылық деген не?
Сабырлылық деген не?

Халық нақылы

4.Оқиға айту. Ырыс алды - ынтымақ

Баяғыда бір ақылды қария болыпты, оның тоғыз ұлы бар екен. Бірақ балалары әкесінің ақылын тыңдамай, әрқайсысы өз бетінше жүріп тұрады. Олардың бұл қылығын былайғы жұрт күлкі етеді. Үлкен кішісін аямайды, кішісі үлкеніне ақшия қарайды. Бірлігі жоқ баланы әркімдер-ақ ұрып кете береді, содан әкесі балаларының қылығы туралы терең ойға шомады. Айласы таусылған шал таудан бір құшақ тобылғы әкеліп, балаларын түгел шақырып алады. Содан соң:

Қане, балаларым, күшткріңді сынап көрейік, мына тобылғыны тобымен сындырыңдар, - дейді.

Тоғыз ұл кезектесіп күштерін сынайды. Буылған бір құшақ тобылғыны ешқайсысы сындыра алмай, әбден шаршайды.

Қария тобылғының бауын шешіп:

Енді бір бірден сындырып көріңдер, - дейді.

Балалары тобылғыны сол заматта-ақ шарт-шарт бөліп:

Міне, сындырдық, - деп мақтанысады. Шал балаларын отырғызып қойып, нұсқалы сөзін бастайды.

Мен сендердің келешектеріңді ойлап қапа боламын. Дұшпандарың көп болса, ынтымақ жоқ болса, дұшпан сендерді жаңағы жалғыз тал тобылғыдай бырт-бырт сындырады. Ал буылған тобылғыдай бірлікте болсаңдар, сендерді ешкім сындырмақ түгіл, майыстыра да алмайды. Менің айтарым сол, - дейді.

Көп ұзамай шал дүниеден өтеді. Балалары ақылға келіп, бірлесіп тіршілік етіп, кем-кетікке көмектесіп, ынтымақты өмір сүреді. «Ырыс алды – ынтымақ » деген сөз осыдан қалған екен.

Қария балаларына бірліктің мәнін қалай ұғындырды?
Бірлік болмай, тірлік болмас деген мақалды қалай ұғындырады?