Әлеуметтік педагогтың ата-аналармен және оқушылармен

жүргізетін жұмысы

Отбасы – жасөспірімдердің әлеуметтендірудегі өте маңызды институт. Бұл баланың дамуы мен жеке өмір сүру ортасы. Осыған орай әлеуметтік педагогтың ата-аналармен жүргізілетін жұмысы аса маңызды болып саналады. Ол отбасындағы жағдайлар туралы толық мәлімет ала отырып, бала тәрбиесіне байланысты ата-аналармен ынтымақтаса, оларға кәсіби педагогикалық көмек көрсетеді. Педагог пен ата-ананың үнемі ынтымақтаса отырып, жұмыс жасау керек. Әлеуметтік педагог сыпайы болу керек. Өзін мәдениетті тұлға ретінде таныта біліп, өзінің мейірімділігімен және қамқошылығымен оқушыны баурап, ата-анамен тіл табысып қоян-қолтық байланыста болу керек. Әлеуметтік педагог өзінің ұшқырлығымен баланың жеке өмірінде болып жатқан жағдайын біле отырып оларға зерттеу жұмыстарын жүргізу керек. Сауалнамалар жасау керек. Оқушы туралы анық мәлімет алу үшін сауалнаманы жабық түрде жасау керек. Аты-жөні көрсетілмей тек сыныбын жазуды ұсыну керек. Сауалнама арқылы оқушылар туралы туралы толық мағлұмат алуға болады. Сен өзіңнің оқушы үшін сенімді тұлға бола алатыныңды және оларды қорғай алатыныңды оқушы санасына енгізу керек. Оқушыны саған толық арқа сүйеуге мүмкіндік беруің керек. Ата-анамен жұмыс жасауда педагог белсенділік таныту керек. Әлеуметтік педагогтың ата - анамен қарым-қатынас қызметін жүзеге асырыра отырып оларға психологиялық, педагогикалық кеңестер беріп, балаларды күйзелтетін даулы мәселелерді шешуге көмектесе отырып, мінезінде ауытқушылығы бар адамдарға психологиялық және диагностикалық коррекция жасауымыз керек. Оқушыны емес ата-аналардың өзін тәрбиелеу керек отбасыларды да кездестіресін. Отбасының балаға теріс ықпалы тиетін және ата-аналық міндеттерін орындамайтын, баларымен өзара қарым-қатынас орната алмайтын отбасылар, баланың жеке дамуына көңіл бөлмей балаға шамадан тыс қатал тәрбие беретін, баланы қоғамдық нормаларды сыйламауға тәрбиелейтін, балаға шектен тыс қамқорлық көрсететін отбасыларды көресің. Оларға өзіңнің білімділігіңмен және біліктілігіңмен үлгі бола отырып жол көрсетуің керек. Олардың ата-аналарымен және балаларымен зертеу жүргізе және түсіндіру жұмыстарын жүргізіп, тығыз байланыста болу керек. Зерттеу мақсатты, жоспарлы, үздіксіз, және жүйелі жүргізілуі тиіс; зерттеу әдістері дәстүрлі тәрбие әдістерімен байланысты болуы тиіс. Әлеуметтік педагогтың ата-анамен жұмыстарының нәтижелері: Ата-ананың бала тәрбиесінде жауапкершілігін арттыру; Ата-ана бала құқығын, өз құқықтарын қорғауды пайдалануда кәсіби сауаттануы; Ата-ананың психологиялық, педагогикалық тұрғыдан сауаттылық деңгейінің жоғарылауы; Ата-ананың мектеппен, сыныппен қарым-қатынасының жақсаруы; Баланың зиянды әдеттерден аулақ болуының жауапкершілігі жоғарылауы, яғни ата-ана баласына салауатты өмір салтын үнемі насихаттауы арқылы баланың санасына енгізе отырып тәрбиелеу, ата-ананың да баланың да қоғам алдындағы міндеттері белсенділігін арттыру.

Қорытындылай келе қоғам алдындағы өмірдің барлық саласында белсенді іс-әрекетке қабілетті, еркін тұлға тәрбиелеу. Ол үшін бала тәрбиесімен айналысатын отбасы балабақша, мектеп, қоғам болып жүзеге асыруымыз тиіс. Өйткені, отбасына мектен тарапынан білікті көмек қажет. Педагогтар мен ата-аналардың өзара әрекетінің арқасында ғана оқушы тұлғасын дамыту мәселелерін табысты шешім шығара аламыз.