Пән: География. Сынып: 9 Күні: Бекітемін:

Сабақтың тақырыбы:

АӨК құрамы мен маңызы.

Сабақтың мақсаты:

АӨК-тің н егізгі мақсатын,үш буынының әрбірінінің қызметін білу.Бұл саланың елдің ЖІӨ-дегі үлесін айтып, тақырыптағы жаңа атаусөздердің мағынасын ашу.

Оқу нәтижесі:

АӨК-тің н егізгі мақсатын,үш буынының әрбірінінің қызметін біледі.Бұл саланың елдің ЖІӨ-дегі үлесін айтып, тақырыптағы жаңа атаусөздердің мағынасын ашады.

Түйінді идеялар:

Оқыту – бұл ерікті,дербес, күш салуды қажет ететін үдеріс. Бұл – ынтаны, шыдамдылық пен мұқияттылықты талап ететін өзіндік серпіні болуы мүмкін ескі, баяу, бірізді үдеріс.”

Сабақ бойынша мұғалімнің жазбалары:

мұғалім немен

айналы-сады.

oқушылар немен айналысады

Сабақты

ұйымдастыру кезеңі: оқушыларды түгелдеп,

сергіте отырып, топқа бөлемін.

Жаңа сабақты бекіту:

1.Сергіту сәтін орындайды.

Оқушыларды түгелдеп, Капитан ойыны арқылы сергіте отырып, 2 топқа бөліп аламын. 2 топқа бөлудегі мақсатым сабақ соңында жеңімпаз топты анықтау.

Сабаққа көңілді, жағымды әсермен кіріседі.

Айтсаң - ұмытып қаламын,

Көрсетсең - есте сақтаймын

Өзіме істетсең – түсінемін.

(ШЫҒЫС ДАНАЛЫҒЫ).

1-тапсырма:

1.Агроөнеркәсіптік кешен:үш буыны бөлімін 2 минут қайталап,топпен фишбоун әдісіне салып тапсырма орындайды.2+3/ 5минут.

2-тапсырма: Крестиктер-нөлдіктер.

1. 1-ші команда (нөлдіктер) кестеден сан таңдайды.

2. Мұғалім сол нөмірдегі сұрақты оқиды.

3. Жауап дұрыс болған жағдайда, 1-ші команда сол квадратқа нөлдік қояды.

4. Жауап дұрыс болмаған жағдайда, 2-ші команда (крестиктер) сұраққа жауап беруге және сол квадратқа крестик қоюға мүмкіндік алады.

1 .АӨК-ң қалыпты жұмыс істеуі үшін қанша техника мен құрал-жабдықтар қажет? (4000 дай).

2.Біздің елімізде АӨК-ге қажетті техника мен құрал-жабдықтардың қанша түрі шығарылады? (400 дей).

3.Еліміз жеміс консервілерінің қанша пайызын шет елден импорттайды? (75 пайыз).

4. БҰҰ-ң ауыл шаруашылығы сарапшыларының бағалауы бойынша елдің азық-түлік қауіпсізді импорт мөлшерінің неше пайыздан аспағанда қамтамасыз етілді деп есептеледі? (17 пайыз).

5.Ауыл шаруашылығындағы негізгі зат әрі еңбек құралы. (жер).

6.Экономиканың маусымдық саласы: (Ауыл шаруашылығы).

7. Мелиорацияланған жер деп..... (Тыңайтылған жерді айтамыз).

8.Қазақстанның жер аумағы қанша? (272 млн га).

9.Жаңа тың жерлерді жыртып мол өнім алу қалай аталады? (Экстенсивті).

3-тапсырма.Картамен жұмыс. 1-топқа Қазақстан бойынша жыртылған жерлері ең көп аймақты картаға жапсыру.

2-топқа Қазақстан бойынша жайылымдық жерлері көп аймақты аймақты картаға жапсыру.

Тапсырмалар орындалғаннан кейін қорытынды жасалып қай топтың жеңіске жеткені жарияланады.

Біз тосын сыйларға дайын болуымыз керек! Біз оқушылардан теріс қылық күтуді тоқтатуымыз керек. Егер уақыт қалып жатса рефлексия ретінде

«Сағат бомба» деген әдісті қолданамын.Оқушылар ортада дөңгелек болып тұрады.Телефонның оятары қысқа уақытқа қосылады да оқушыларға беріледі. Оқушы бүгін не түсінгенін тез 3-4 сөзбен айтып, телефонды келесі оқушыға береді, ол да тез айтып келесіге, осылай жалғаса береді. Мақсат: оятар кімге келіп шырылдаса сол жарылып кетеді, яғни сабақты дұрыс тыңдамаған, нашар баға алу қаупі туындап шеңбердің ортасына шығады.Шеңберге жиналған 2-3 оқушыға тағы мүмкіндік беріп, сұрақтар қойылады, бағаланады.

Дереккөздер және жабдықтар: Телефон, интерактивті тақта, оқулық, слайдтар, карта, кесте.

Кейінгі оқу:

Келесі тақырыпты оқу. Әр оқушы тақырыптан мұғалімге қоюға 2 сұрақтан әзірлеп келу.

Сабақты бағалау:

Үнемі оқушылар бірін-бірі, өзін-өзі бағалау міндетті емес. Сондықтан мен осы жолғы бағалауды оқушылардың белсенділігін қадағалай отырып, өз қолыма аламын.

“Жақсаруға қол жеткізудегі ең ықпалды қару – кері байланыс”. Екі жұлдыз,бір тілек; Кері байланыс. Оқушылардың сабақтан алған әсері.