«Астана – мәдениет пен өнер ордасы» бөлімі бойынша жиынтық бағалау, 6 сынып, Т2

«Астана – мәдениет пен өнер ордасы» бөлімі бойынша жиынтық бағалау

Сөйлеу әрекетінің түрлері: Оқылым. Айтылым.

Оқу мақсаты:

6.3.3.1 - орта көлемді шығармаларды түсіну, тақырыбы мен негізгі ойды анықтау;

6.2.6.1 тірек сөздерге сүйеніп, сюжетті суреттердің желісі бойынша әңгіме құрастыру;

Бағалау критерийі

* Негізгі ойды тірек сөздер, жетекші сұрақтар, мәтін тақырыбы арқылы анықтайды

* Тірек сөздерді қолданып, сурет бойынша әңгіме құрастырады

Ойлау дағдыларының деңгейі: Қолдану

Орындау уақыты: 15-20 минут

Оқылым: Мәтінді мұқият оқып, тапсырмаларды орында.

«Астана Опера» мемлекеттік опера және балет театры Қазақстан Республикасының Тұңғыш Президенті – Елбасы Н.Ә.Назарбаевтың бастамасымен 2010-2013 жылдары салынды. Театрдың салтанатты ашылуында Елбасы: «Зауыттар мен жолдар салатын ел, берік тірегін болашақ жылдар бойына орнатады. Мектептер мен аурухана салатын ел, ұлт болашағының ондаған жылдар бойғы қамын жейді. Театр тұрғызатын ел ғасырлар арқылы болашағына көз тігеді», – деген еді.

Есілдің сол жағалауында орналасқан «Астана Опера » театры асқақ сән-салтанатымен көз тартады. Ғимараттың жалпы ауданы 64 мың шаршы метр. Оның 3000 шаршы метрін сахна аумағы алып жатыр. «Астана Опера» өзінің көлемімен ғана емес, сонымен қатар, әсем сәулетімен де таң қалдырады. Әлемдік сәулет өнерінің ең үздік классикалық дәстүрлері ескеріле салынған театр сәулетінде ұлттық нақыш айқын байқалады.

Театрдың Үлкен залы 1250 орынға есептелген, ал Камералық зал 250 адамға арналған. Техникалық мүмкіндіктері бойынша «Астана Опера» көптеген әлемдік театрлардан асып түседі десек артық айтқандық емес.

2013 жылдың 21 маусымында театр өзінің алғашқы маусымын М.Төлебаевтың ұлы туындысы – Абзал Мұхитдиновтың жаңа музыкалық редакциясындағы «Біржан – Сара» операсымен салтанатты түрде ашты.

1-тапсырма. Берілген сөздерді аудармасымен сәйкестендіріңіз. 2ұпай

2-тапсырма. Сөйлем мазмұнына сай көп нүктенің орнына берілген сөздер мен сөз тіркестерін қойыңыз: аумағымен, шымылдығын, сән-салтанатымен 3ұпай

1.Сол жақ жағалауда тұрғызылған «Астана Опера» ерекше .................................................. көркем.

2. «Астана Опера» өзінің .............................................. қатар көркем сәулетімен де таңдай қаққызады.

3. «Біржан – Сара» операсы салтанатты түрде театрдың ........................................................... ашты.

3-тапсырма.Мәтіннен ең маңызды 5 тірек сөзді жазыңыз. 1ұпай

1. «Астана Опера»

2. Елбасы

3. салынды

4. «Біржан – Сара» операсы

5. ашты

4-тапсырма. Мәтін бойынша сұрақтарға жауап жазыңыз. 2ұпай

1.«Астана Опера» мемлекеттік опера және балет театры қай жылы салынды?

2010-2013 жылдары

2. «Астана Опера» Есілдің қай жағалауында орналасқан?

Есілдің сол жағалауында орналасқан

5-тапсырма. Берілген ақпараттардың ішінен мәтін мазмұнына сай келетін 2 дұрыс тұжырымды анықтаңыз. 2ұпай

Айтылым.

6-тапсырма. Суреттер мен тірек сөздерді қолданып «Театрда өзіңді қалай ұстау керек?» тақырыбында әңгіме құрастырыңыз. 6ұпай

Т ірек сөздер: театр, мәдениет сақтау, қағида, қойылым, уақыт, кешікпеу, киім, ұялы телефон, қошемет.