Ашық сабақ

№1 «Еркетай» Алға бөбекжай балабақшасы

Өткізген :Қармашева Айгерім Төрежанқызы

2021жыл

Білім беру саласы:» Шығармашылық»,»Әлеуметтік орта», «Қатынас».

Тақырыбы: «Қысқы ағаштар».

Бөлім: Мүсіндеу , қоршаған орта, тіл дамыту.

Мақсаты:

Білімділік:Балаларға туған табиғатымыздағы ағаштар және олардың пайдасы туралы жан жақты мәлімет беру, білімдерін кеңейту.

Дамытушылық: Жыл мезгілдерін ажырата білуге үйрету. Эстетикалық талғамдарын дамыту.

Тәрбиелік: Табиғатқа деген сүйіспеншілікке, қамқорлық жасауға тәрбиелеу.

Көрнекі құралдар: ағаштардың, құстардың суреттері, желім, картон,қылқалам, сүлгі, ермексаз, үнтаспа.

Сөздік жұмыс: қысқы ағаштар, бұталар, қамқор, табиғат.

Шаттық шеңбер.

Балдырған баламыз,

Досты көп табамыз.

Қашан да, қайда да,

Достар бір біріне,

Сенімді боламыз.

Екі деген екі құс,

Бірін-бірі қимайтын.

Артық кемді етпей сөз,

Бірін-бірі сыйлайтын.

Балалар шеңбер құрып, бір біріне жарқын көңіл күй, достық сезім сыйлайды.

Балалар, бүгінгі сабағымыз мүсіндеу, тақырыбы «Қысқы ағаштар». Ауламыздағы ағаштардың қалай өсіп өнетінін байқап, жақынырақ танысамыз. Кәне балалар, апайға бір сәт қарайық, жұмбаққа құлақ салайық.

Жұмбақты зейін қойып тыңдап, шешімін табады.

Аяз қысып,

Өрнек сызып,

Терезені торлайды

Қарға омбығып

Бет домбығып

Сырғанап балалар ойнайды.

Кейде ұлып

Кейде ысқырып

Ұйытқып боран соғады

Бұл қай кезде болады?

-Қыста

-Олай болса қазыр жылдың қай мезгілі?

-Қыс.

-Қыстың қандай белгілерін білесіңдер?

-Қар жауады, күн суытады, аяз болады.

-Қыс мезгілінде қандай айлар бар?

-Желтоқсан, қантар, ақпан.

-Сендер өте ақылды, білімді балалар екенсіндер.

Қыс туралы көп білесіндер. Балалар кәне барлығымыз ауладағы ағаштарды бақылап серуендеп келейік.

/құстардың әуені естіледі/

Балалар тыңдайды.

-Балалар біздің туған табиғатымыз неше түрлі ағаштарға бай, қарандаршы, бақшамыздың ауласында неше түрлі ағаштар өсіп тұр. Кәне сендер қандай ағаштардың түрлерін білесіңдер?

-Емен, қайын, үйеңгі, шырша, көктерек қарағаш,қарағай,самырсын.

-Енді балалар, осы өздерің атап шыққан ағаштар туралы қандай өлең жолдарын білесіңдер?

Балалар өлең жолдарын айтады.

Қысында да шырайлы,

Жасыл шырша ұнайды.

Тау баурайы төменде,

Өседі жас емендер.

Қызыл күрең тобылғы,

Қамшы сапқа қонымды.

Ауыл сәні-терек,

Терек-егу керек.

Сырғалы қайың ақ қайың,

Баптайын, күтіп сақтайын.

-Жарайсындар балалар, ағаштар туралы біраз мәліметтер алдық, енді сендерге, ағаштар қандай бөліктерден тұратынын айтып түсіндіремін. Міне мына суретке қарандаршы, бірінші жер астындағы ағашқа өмір, нәр беріп тұрған тамыры орналасқан, ал мынау діңі, діңнен жан-жаққа бұтақтары таратылған.

-Балалар, ағаштардың бізге қаңдай пайдасы бар екен?

-Ауаны тазартады, көлеңке болады, жиһаздар жасайды.

-Ал ағаштардың досы кім?

-Адамдар, біз.

-Қандай тийым сөздер білесіңдер?

Ағаштың жапырағын жұлма, бұтақтарды сындырма.

Дидактикалық ойын «Жапырағына қарай ажырат»

Балалар ұқсас белгісіне қарай жапырақтарды табады

-Көрдіңдер ме балалар, ағаштар біздің өмірімізге ауадай қажет екен.

Сондықтан да ағаштарды аялап, оларға қамқорлық жасап көбейту керек.

Ағаштардың тағы қандай достары бар? Ол қандай құстар?

- Құстар.

-Тоқылдақ, торғай.

Сергіту сәті:

Биік болып өсеміз,

Жапырақтай шайқалып.

Табиғатты сүйеміз,

Шетімізден шеберміз.

Денемізді тік ұстап,

Билеп билеп аламыз.

Балалар өлең жолдарына сәйкес қимылдар жасайды.

Мақал-мәтел айтқызу.

Ағаш көркі- жапырақ,

Адам көркі-шүберек.

Әке бәйтерек, бала жапырақ.

-Өте жақсы балалар, бүгін біз осындай әдемі ағаштарды ермексаздан илеп жасаймыз.

Тәрбиеші балаларды үстел басына отырғызады, ағаштардың суреттерін көрсетіп, аттарын айтқызады.

Жұмыстың орындалу жолдарын көрсетіп, түсіндіреді.

Ағашты жасау үшін қоңыр түсті ермексазды бірнеше бөлікке бөледі.

Ең үлкен бөлікті алақанымызға салып, домалақтаймыз. Содан соң ширатамыз,бұл діні болады, енді осылайша жіңішке, қысқа қылып ширатып бұтақтарын жасаймыз. Дайын болған шұжық тәрізді пішіндерді қатты қағазға біртіндеп орналастырамыз.

Балалар ермексаздан қысқы ағашты жасау тәсілдерін көріп, жұмысқа кіріседі.

Балалардың өз бетінше орындаған жұмыстарын тәрбиеші аралап жүріп көріп, талдау жасайды.

Балалар жұмыстарына өз пікірлерін айтады. Осылайша балалар жұмысының нәтижесі қорытындылады.

-Өте жақсы балалар, енді орнымыздан тұрып ортаға келейік, қол ұстасып бүгінгі сабағымызды аяқтап, қонақтармен қоштасайық.

Қол ұстасып тұрайық,

Шеңберді біз құрайық,

Көріскенше күн жақсы,

Сау-саламат болайық.

Ұйымдастырылған оқу қызметінің технологиялық картасы

Білім беру саласы: Таным,шығармашылық

Бөлімі: Қарапайым математикалық ұғымдарын қалыптастыру.

Тақырыбы: «Ғажайып математика»

Мақсаты: Геометриялық пішіндер туралы ұғымдарын тиянақтап, түстерді ажыратуға баулу. Балаларды дөңгелек, шаршы, үшбұрыш тәрізді геометриялық пішіндермен таныстыру, оларды ажыратуды үйрету; кеңістікте бағдарлау қабілетін қалыптастыру. Балаларды тапқырлыққа, ізденімпаздыққа, тәрбиелеу.

Алдын-ала жүргізілетін жұмыстар:Пішіндер туралы дидактикалық ойындар ойнату.

Әдіс-тәсілдер: Пішіндерді ажыратып, түстерді айыра білуді, шарларды жару арқылы тапсырмаларды дұрыс орындай білуді үйрету. Геометриялық фигуралардың пішіндерін ажыратып, түстерін атауды көрсету. Геометриялық пішіндерден үй,машина жапсыру. Сұрақ-жауап.

Қажетті көрнекі құралдар: Геометриялық пішіндер: үшбұрыш, төртбұрыш, шеңбер, үй,машина бейнелейтін жапсырмалар, слайд,сиқырлы қалам(интерактивті үйрену).

Сөздік жұмыс: Көктем, үшбұрыш, төртбұрыш, шеңбер.

Үштілділік компонент: көктем-весна-spring(сприң), жасыл-зеленый-green(грин), қызыл-красный-red(ред), ,сары-желтый-yellow(елоу), ақ-белый-white(уайт),көк-синий-Blue(блу),үшбұрыш-триугольник-triangle(трайэнгл),төртбұрыш-квадрат-rectangle(ректангл),шеңбер-круг-circle(сүкл),пішіндер-фигуры-shapes(шейпс)

Сабақ барысы: балалар шеңберге тұрады.(балалар жылулық шеңберіне тұрайық)

Қонақтармен амандасу

 Жылулық шеңбері: 

(Балалар қимылмен көрсетеді)

Бала,бала балақан

Кәне қайсы алақан ?

Саусақтарың әйбат Былай-былай ойнат.

Топ-топ басайық Жалаудан күн жасайық

Жаса-жаса алтын күн

Жаса-жаса алтын күн

Сәлеметсіздер ме?

Здравствуйте?

Good morning?

Балалар қимылмен көрсетеді.

Ұйымдастырушылық-ізденіс кезеңі

Балалар қазір жылдың қай мезгілі?

Көктем айларын атайықшы.

Көктемде ауа райында қандай өзгерістер болады?

Ғажайып сәт:

Қолында шарлары бар Буратино билеп кіреді.

Буратино:

-Сәлеметсіңдер ме, балалар! Осы жер «Ғажайып білім әлемі ме?»

Ия, Буратино дұрыс таптың, бұл жерде тек білімді балалар ғана болады.

Буратино: Ендеше маған көмектесе аласыңдар ма? Мен жолда келе жатып, алтын кілтімді жоғалтып алдым, кім алып кеткенін білмеймін. Маған көмектесіңдерші.

Кілтімді іздеп келе жатып, жолда ақ тиінді көріп едім, кілтіңді «Ғажайып білім әлеміне» барып, мына менің түрлі түсті шарларымның ішіндегі тапсырмаларын білімді балаларға, орындатсаң ғана алтын кілтіңді сол жерден таба аласың деді.

Еш уайымдама, Буратино!

Қане балалар, Буратиноға көмектесеміз бе?

Буратино: Балалар, мен сендерге құр қол келген жоқпын. Өзіммен бірге түрлі-түсті шарларымды ала келдім.

-Жарайды, Буратино ендеше біз сіздің тапсырмаларыңызды орындауға көмектесейік

Балалар, бір жылда неше мезгілі бар?

Кәне, атап шығайық көктем, жаз күз,қыс. Бұл шарлардың түсі де сол төрт мезгілді белгілейді.

Жасыл шарды көрсету.

Бұл шардың түсі қай мезгілді білдіреді?

Бұл жасыл түс, шөптердің түсі сияқты. Табиғат көктемде оянып, жер беті жасыл шөпке толады. Ағаштар бүршік жара бастайды.

Қызыл шарды көрсету.

Қызыл түс қандай жыл мезгілін білдіреді? Қай уақытта гүлдер қызыл түске боялады?

Сары шарды көрсету. Бұл түс қандай жыл мезгілін білдіреді?

Себебі күзде ағаштардың жапырақтары сарғайып жерге түседі.

Жер беті сары кілемге ұқсайды.

Ақ шарды көрсетеді.

Мына шардың түсі қандай?

Бұл түс қандай жыл мезгілін білдіреді?

Қыста жер қандай болады?

Балалар, шарлардың түстерін білдік, енді сиқырлы шарлардың ішінде не бар екенін білгілерің келе ме? Кәне шарды кім жарады? Бір бала шығып шарды жарады. Балалар бізге тапсырма берілген, егер осы тапсырманы дұрыс орындасаңдар біз Буратиноның алтын кілтін тауып беріп, оған көмектесе аламыз.

1-тапсырма: «төртбұрыш» төртбұрыш-квадрат-rectangle(ректангл),

- Неге төртбұрыш дейді екенбіз,қанекей төртбұрыштың қабырғаларын, бұрышын

санайық.(санайды)

Төртбұрыштың түсі қандай?

көк-синий-Blue(блу),

Бір бала шығып екінші шарды жарады.

2-тапсырма: (үшбұрыш) үшбұрыш-триугольник-triangle(трайэнгл), - Ал, үшбұрышты неге үшбұрыш дейді екенбіз, бұрыштар мен қабырғаларын санайық. Үшбұрыштың түсі қандай екен? сары-желтый-yellow(елоу),Дұрыс айтасыңдар балалар, бұл үшбұрыш.

3-тапсырма: (шеңбер)

-  Дөңгелектің(шеңбер) бұрышы бар ма? шеңбер-круг-circle(сүкл),

- дөңгелектің (шеңбер) түсі қандай?
қызыл-красный-red(ред).Пішіндер туралы слайд көрсетіледі.

4-тапсырма: Дидактикалық ойын:

«Заттар қандай геометриялық пішіндерге ұқсайды» ойыны.

Тәрбиеші сурет көрсетеді. Содан соң балалардан ондағы заттардың атын атап беруді сұрайды.

Әр затты соған келетін геометриялық пішінмен қосуды ұсынады.

Сергіту сәті

Біз кішкентай баламыз.

Өніп-өсіп толамыз.

Күнге қарай талпынып,

Көкке қолды созамыз

Қанат қағып ұшамыз, Қарлығаштай самғаймыз.

Бір отырып, бір тұрып, Жаттығулар жасаймыз.

Ендеше балалар өздерің бір пішінді таңдап ала қойындар. Кәне, пішіндеріңді жоғары көтеріп көрсете қойыңдар. Ал енді қарайық кім қандай пішін таңдады екен. Әр бала қандай пішінді таңдаса, сол баланың жан дүниесімен, мінез-құлқын білуге болады екен. Шеңберді таңдаған балалар-ол мейірімді бала.

Үшбұрыш таңдаған бала-ол көшбасшы бала.

Төртбұрышты таңдаған бала –ол еңбекқор бала.

Балалар,барлықтарың сабаққа жақсы қатыстыңдар.

Мінекей, Буратино бұл сіздің кілтіңіз біздің балаларымыз көптеген тапсырмаларды орындау арқылы сіздің кілтіңізді тауып берді. Буратино: Алақай, алақай енді менің кілтім табылды.Рахмет сіздерге балалар.

-«Ғажайып білім әлемі» деген осы жер Буратино. «Ғажайып білім әлемі» ең бастысы бізге білім сыйлады. Біз бәріміз бірігіп, қызықты тапсырмалар оры