Ашық сабақ 2 сынып Сын есім

«Б.Соқпақбаев атындағы орта мектеп мектепке дейінгі шағын орталығымен» коммуналдық мемлекеттік мекемесі

Ашық сабақ тақырыбы:

Сын есім

Өткізген: Рабатова Фариза

2018-2019 оқу жылы

Пәні: қазақ тілі

Сыныбы: 2

Сабақтың тақырыбы: сын есім

Сабақтың мақсаты: 1.Білімділік: Сын есімді меңгерту. Жаттығулар

орындату арқылы сын есімнен алған білімін бекіту.

2.Дамытушылық: Сөздік қорын, сөйлеу тілін, таным процестерін ( ойлау, есте сақтау, зейінін) , сурет салу, жазу арқылы ұсақ маторикасын дамыту. Ойын арқылы сабаққа деген қызығушылығын арттыру.

3.Тәрбиелік: Ұқыптылыққа, жинақтылыққа үйрету.

Сабақ түрі: бекіту

Көрнекілігі: дидактикалық материалдар: өтірік өлең (А4), түрлі-түсті шарлар, алма, лимон, қияр, банан, қима қағаздар, түрлі-түсті қарындаш.

Құрал-жабдықтары: моноблок

Сабақ барысы

I. Ұйымдастыру кезеңі

1) Сәлемдесу

2) Сабақтың ұраны

Жабырқауды білмейміз,

Жалқаулықты сүймейміз.

Біз талантты жас ұлан,

Үлгі аламыз жақсыдан.

-Елнұр, мына жаққа назарыңды аударшы!

-Не көріп тұрсың?

- Жақсы, енді маған осы шарларды сипаттап бергін!

II. Бөлім

-Елнұр, біз өткен сабақта өтірік өлең жаттағанбыз. Айтып берші.

Әйнек жасап темірден,

Әнмен тауды ұшырдым.

Әдемілеп көмірден

Аппақ күлше пісірдім.

-Өте жақсы

-Осы өтірік өлеңнің ішінде қандай? деген сұраққа жауап беретін сөз барма?

-Аппақ

-Сұрақ қой

-Қандай?

-Қай сөз табының сұрағы?

-Сын есім

-Өте жақсы.

III. Бекіту

-Елнұр сын есім туралы не білесің?

( Сын есім деп заттың түрін, түсін , сапасын білдіретін сөздерді айтады. Сұрағы қандай? қай?)

1)

• Мынау не? Алма

• Мынау не? қияр, лимон, банан....

• Жақсы,осы заттардың бәрін не деп атаймыз?

• Жеміс-жидектер.

• Жақсы

• Енді мына алмаға қара, қандай?

• Қызыл, домалақ.

• Дәмі қандай?

• Тәтті

• Алманы жеп көрейік, ол үшін мен қазір алманы бөлем.

• Қанша бөлікке бөлдім?

• Екі бөлікке.

• Ішінің түсі қандай?

• Ақ

• Жақсы. (лимон, банан, қияр)

2)

-Қазір мен саған сөздер берем, сен осы сөздердің ішінен зат есім, сын есім екеуін ажыратып екіге бөліп жазасың!

-Зат есім дегеніміз не?

-Сын есім дегеніміз не?

- Еске түсірейік.

-Ал баста!

-Елнұр дәптеріңді ашып бүгінгі күнді, тақырыпты жаз!

-Енді мына тапсырманы дәптеріңе көшір.

3)

-Қазір сурет саламыз.

-Кішкене саусақтарымызбен жаттығу жасап жіберейік.

- Мына жерде суреттердің үлгілері берілген, сен қандай зат екенін тауып, тиісті бояқпен бояйсың.

(жапырақ , шие , алма, банан)

-Шаршаған боларсың, Елнұр.

- Кел екеуміз компьютерден ойын ойнайық. Ойынның аты 10 айырмашылықты тап.

-Жақсы таптың, енді орныңа отыр.

-Бүгін біз не істедік?

-Саған қай тапсырма ұнады?

-Көңіл-күйің қандай?

-Бүгін сабаққа жақсы қатыстың, мені мұқият тыңдадың саған «5» деген баға қоям.

IV. Үй тапсырмасы -Көркем жазу