Ашық сабақ А.Байтұрсынов 10 сынып

Қазақстан Республикасының Білім және Ғылым Министрлігі

Оңтүстік Қазақстан облысы, Созақ ауданы, Шолаққорған ауылы

А.Байтұрсынов атындағы жалпы орта мектебі

Калашников автоматының жалпы сипаттамасы

АӘД пәнінің мұғалімі: Н. Шарафутдинов

Шолаққорған-2021

Кіріспе

Оқыту мен оқудағы жаңа тәсілдерді іс- жүзінде қолдану деңгейін жетілдіру жолын меңгерту, білім беру жүйесіне жаңа форматты оқыту іс- әрекетін енгізу, білім мазмұнын оқушыларға ғылыми негізде сатылай, жүйелі, кешенді меңгерте отырып, ұлттық құндылықтарды бағалай,қолдана білуге машқаттандыру, сындарлы ойлауға бағыттау,шығармашылық іздемпаздық қабілеттерін арттыру және өз отанына шын берілген ұлтжанды ұрпақ тәрбиелеу ісін жандандыру мұғалімдердің басты міндеті. Сонымен қатар жас ұрпақты қоғамдық өмірге, отбасындағы қызметке, кәсіпке даярлау, үнемі өзгеріп отыратын әлемде өмір сүретіні туралы түсінікті қалыптастыруды міндеттейді. Осы тұрғыдан жас ұрпақтың білім сапасын арттыруға, ой-санасының дамуына мүмкіндік жасау. Қазіргі кезде білім беру кеңістігінде инновациялық үрдістердің бағыттарының бірі-мектепке бағдарлау болып табылады. Оқушылардың қызығушылықтары, қабілеттері толық ескеріліп, сол қажеттілікке сай тиімді жағдайлар жасалып, білім беріледі. «Оқушыларға Алғашқы әскери дайындық пәнінен Калашников автоматының жалпы сипаттамасы» тақырыбында оқытудың жаңа әдіс-тәсілдерін пайдаландым.

Сабақтың тақырыбы: Калашников автоматының жалпы сипаттамасы

Сабақтың мақсаты: 
1. Автоматтың арналу мақсаты, ұрыстық қасиеттері, жалпы құрылысы және жұмыс принципі.

Автоматты толық емес бөлшектеу мен жинастырудың кезектілігі

ретімен таныстыру.

2. Қазақстан Республикасының әрбір азаматы отан алдындағы борышын өтеуге міндетті екенін оқушыларға ұғындыру.

3. Әскери сымбаттылыққа,әскери әдептілік пен тәртіпке тәрбиелеу.

Сабақтың әдісі: түсіндіру,көрсету.

Көрнекілігі: АК-74 Оқу автоматы, диапроэктор,слайдтар, плакаттар, карточка, интерактивті тақта, мектеп оқу құралдары мен түрлі жемістер,кофе.

Сабақтың барысы:

Кіріспе бөлім.
I.Ұйымдастыру кезеңі:

-сәлемдесу, жылы атмосфера орнату.

-оқушылар бір- біріне жақсы тілектер білдіреді
-жеміс түстерімен топқа бөлу, яғни қызыл алма алғандар қызылдар «ақылдылар» тобына, банан алғандар сарылар «тапқырлар» тобына, киви алғандар жасылдар «ойшылдар» тобына өтеді

II.Өткенді қайталау

Миға шабуыл
- АК-74 автоматы дегеніміз не?
- АК-74 автоматы қандай мақсатта шығарылды?

III.Жаңа сабақ 
Негізгі бөлім
а)Сабақтың тақырыбын және мақсатын хабарлау.

Б) Бейнекөрсетілім

Калашников автоматы Қазақстанда жасалған. («Жас Алаш», 27 қазан, 2001, 29 қараша 2001 жыл).

КАЛАШНИКОВ АВТОМАТЫ

Бұл автоматты жасап шығарушы Михаил Тимофеевич Калашников 1919 жылы туылған. Он тоғыз жасында армияға шақырылады, осы кезден бастап, оның атыс қаруына деген қызығушылығы басталады. Алғашында «ТТ» тапаншасына өзгерістер ендірмекші де болды. Осы жоспарларын Ұлы Отан соғысы бұзды.

Танкілердің Брянск түбіндегі шайқасында М.Т. Калашников ауыр жараланып, госпиталдағы емделуден кейін 6 айға демалыс алып, армияға алынған жері Алматыға келеді. Осы жерде 1942 жылы ол алғашқы қаруын (тапанша – пулеметті) жасап шығарады, оны сынақтан Дзержинский атындағы академияда өткізеді. Атыс қарулары жөніндегі белгілі маман академик А.К.Благонров бұл қаруды сынақта өткізеді. Академик А.К.Благонров өз қорытындысында бұл жас қару жасаушының табиғи дарын иесі екендігін мойындап оған техникалық білім беру керектігін ескертті.1943жылы автоматты ойлап тауып тек өндіріске соғыс біткен соңғана енгізуге мүмкіндік болады.

М.Т. Калашников алғашқы сәтсіздіктерден мойымай өз жұмысын жалғастыра берді. Көп қиындықтардан кейін 1947 жылы автомат жасап шықты оны «АК-47» деп атады. Бұл автомат сынақтан сүрінбей өтті. М.Т. Калашниковті 1949 жылы Мемлекеттік сыйлықпен марапаттады.

АК-47 автоматы

Бұдан кейінгі жылдары конструктор автоматқа бірқатар өзгерістер енгізіп, жаңартылған АКМ автоматы дүниеге келді. АК-47 мен АКМ автоматтарының ұрыстық қасиеттерін төмендегі 3 – кестеде көрсетілген. Төмендегі кестеде көріп отырғанымыздай АК-47 мен АКМ автоматының арасында бірқатар өзгерістер бар, олар көздеу қашықтығы артқан, салмағы жеңілдеген және сүңгінің орнына сүңгі пышақ ауыстырылған.

АКМ автоматы

Негізгі өзгерістердің бірі деп соққыш ағытқыш механизмдегі шүріппе баяулатқышының қосылуы деп ойлаймын. Шүріппе баяулатқышының міндеті атыс кезіндегі тұрақтылықты арттыру, тербелісті азайту және оқтың нысанаға шоғырланып барудың қамтамасыз ету. Осы жаңашылдықтың арқасында АКМ автоматының нысанаға дәл атуы артқан, оқтың нысанаға шоғырланып баруы артқан.

АК-74 автоматында АКМ автоматына қарағанда жақсы жақтары мен ерекшеліктері бар, оларға мына төмендегі 4-ші кестеден өздеріңіз көз жеткізулеріңізге болады.

АК-74 автоматының ұрыстық қасиеттерінен көрініп тұрғандай ұңғы калибрі кішірейтілген, нақты атыс қашықтығы артқан, салмағы азайған сонымен бірге қарудың негізгі көрсеткіштерінің бірі оқтың бастапқы жылдамдығы артқан, салмағы азайған. Автомат қолдануға ыңғайлы, ұрыстық қасиеті жоғары.

АК-74 автоматының негізгі сипаттамалары мен ұрыстық қасиеттерін кеңес армиясының Ауған жерінде жүргізілген ұрыс қимылдарында толығымен дәлелдеп, жауынгердің сенімді қаруына айналды. Қазіргі ҚР Қарулы Күштері толығымен осы автоматпен қаруланған.

Автоматтың негізгі бөліктері мен механизмдері.

1.                Ұңғы қорабымен, көздеу құрылғысымен және дүмбімен қоса ұңғы.

2.                Ұңғы қорабының қақпағы.

3.                Сүңгі-пышақ.

4.                Қайтарма механизм.

5.                Газ поршенімен бекітпе жақтауы.

6.                Ұңғы бастырмасы газ түтігі.

7.                Бекітпе.

8.                Сүмбі .

9.                Шет мойын.                              

10.           Оқжатар.

11.           Керек-жарағымен пенал.

Бір-бірімен айқасқан екі шеңбердің екі жағына АКМ және АК-74 автоматтарының сипаттамалары жазылады. Ал айқасқан жерге екеуіне ортақ сипаттар тізіледі. Оқушыларға осы тапсырманы орындатамын.

         Автоматты бөлшектеу толық және толық емес болуы мүмкін.

Автоматты толық емес бөлшектеу реті.      

1.     Оқжатарды бөліп алу.

2.     Керек-жарақпен қоса пеналды шығарып алу.

3.     Сүмбіні алу.

4.     Ұңғы қорабының қақпағын шығарып алу.

5.     Қайтарма механизмді шығарып алу.

6.     Бекітпе мен қоса бекітпе жақтауын алу.

7.     Бекітпені бекітпе жақтауынан алу.

8.     Ұңғылық бастырмасымен газ түтігін шығарып алу.

Толық емес бөлшектеуден кейін автоматты жинастырудың реті.

1.     Ұңғылық бастырмасымен газ түтігін қосу.

2.     Бекітпені бекітпе жақтауына қосу.

3.     Бекітпесімен қоса бекітпе жақтауын ұңғы қорабына қосу.

4.     Қайтарма механизмді қосу.

5.     Ұңғы қорабының қақпағын қосу.

6.     Сүмбіні қосу.

7.     Пеналды дүмбі ұясына салу.

8.     Оқжатарды автоматқа қосу.

Автоматты толық емес бөлшектеу мен жинастырудың нормативі төмендегідей:

Толық емес бөлшектеу                   Жинастыру         

18 секунд – «5»                               30 секунд -  «5»

20 секунд – «4»                               35 секунд -  «4»

25 секунд – «3»                               40 секунд -  «3»

Осы бейнекөрсетілімнен кейін оқушылар өз ой пікірлерін айтады.

В) Топтық жұмыс

-Топтарға АӘД оқулығынан АК автоматының жалпы сипаттамасы тақырыбын оқып,талқылайды

1-топқа АК автоматының шығу тарихы?

2- топқа АК автоматының ұрыстық қасиеттері?

3-топқа АК автоматы қандай болшектерден тұрады?

770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру