Маңғыстау облысы Бейнеу ауданы «Күйкен орта мектебі» КММ Химия пәнінің мұғалімі Битанов Нұрланның

7-сыныпқа өткізген ашық сабағы

Бөлім/ тақырып: 7.2В Ауа. Жану реакциясы

Оқу мақсаты 7.3.1.4. Затты жағуға қажетті жағдайларды және жану

реакциясының өнімдерін білу

Бағалау критерийі Білім алушы

- Затты жағуға қажетті жағдайларды және жану реакциясының

өнімдерін айтады

Тапсырмалар. Өткен материалды тексеру. Тест тапсырмасын орындау.

1-тапсырма . Ауаның сапалық және мөлшерлік құрамын анықтаңыздар.

Дескриптор Білім алушы

- ауаның құрамын кестеге толтырады

- Ауаның құрамын көлемі бойынша кестеге толтырады

2-тапсырма. Деңгейлік сұрақтарға жауап береді. Жануды қолдайтын және болдырмайтын жағдайларды атап, кестені толтырыңыз.

Дескриптор Білім алушы - жануды қолдайтын жағдайларды атайды;

- жануды болдырмайтын жағдайларды атайды

3-тапсырма. Жай заттардың оттекпен жану реакцияларының теңдеулерін сөзбен құрастырып сәйкестендіріңіздер.

Дескриптор Білім алушы - жай заттар мен оттек арасындағы сәйкестікті анықтайды.

4-тапсырма

Практикалық жұмыс

«Күкірттің, фосфордың және темірдің ауада және оттекте жануын салыстыру».

Мақсат: оттектің ең маңызды қасиеті жануды қолдайтынын көрсету.

Құралдар: түтікпен жабылған 4 колба 500 мл оттегі бар, заттарды жағуға арналған қасықтар, күкірт, қызыл фосфор, көмір, темір, спирт шамы.

Жұмысқа дайындық: 4 колбаға оттегі газын жинау, 1 колбаның түбіне алдын-ала шамалы құм салып (онда темірді жағамыз), күкірт және фосфорды жағуға арналған қасықтарды алдын-ала газ тәрізді заттардың шығып кетпеуі үшін тығындарға бекітіңіз. Жұмыс барысы: Спирт шамның жалынында жағуға арналған қасықтарда кезекпен күкірт, фосфор, темірді қыздырыңыз. Заттардың ауада және таза оттегінде жану белсенділігін салыстырыңыз.

Тәжірибе №1. «Күкіртті оттекте жағу».

Темір қасыққа күкірттің кесегін салып, спирт шамның жалынында қыздырыңыз.

Күкірт ауада қалай жанады?

Жанып жатырған күкіртті оттегі бар колбаға салыңыз. Енді ол қалай жанады?

Тәжірибе №2. «Фосфорды оттекте жағу».

Темір қасыққа шамалы қызыл фосфор салыңыз. Спирт шамында жағып, тез қасықты оттегі бар колбаға салыңыз. Болып жатқан құбылысты бақылаңыз.

Тәжірибе №3. «Темірді оттекте жағу».

Темір сымды спирт шамда қыздырылған көмірде балқытыңыз. Сосын темір сымды оттегі бар колбаға салыңыз. Колба сынып кетпеуі үшін оның түбіне өзен құмын салыңыз. Не байқадыңыз?

Сұрақтарға жауап беріңі з:

1. Қандай құбылыстарды байқадыңыз?

2. Неліктен оттекте жану белсенді жүреді деп ойлайсыз?

3. Реакция өнімдері ретінде қандай заттар түзіледі?

Дескриптор Білім алушы

− күкіртті оттекте және ауада жағып, байқалған құбылыс туралы

қорытынды жасайды;

− фосфорды оттекте және ауада жағып, байқалған құбылыс туралы

қорытынды жасайды;

− темірді оттекте және ауада жағып, байқалған құбылыс туралы

қорытынды жасайды;

− заттарды оттекте жағу неліктен белсенді жүретінін түсіндіреді;

− реакция өнімдерін атайды.