Ашық сабақ "Ғажайып пішіндер"

Іс-әрекет кезеңдері

Педагог-психологтың іс-әрекеті

Балалардың іс-әрекеті

Мотивациялық қозғаушы

Сәлеметсіңдер ме балалар! Мен сендерді көргеніме қуаныштымын. Сабағымызды бастамастан бұрын амандасып алайық.

Шаттық шеңбері:

Қуан, шаттан, алақай!

Қуанатын күн келді.

Күліп шықты күн бүгін,

Қайырлы таң! Қайырлы күн!

Сәлемдесу.

Балалар мұғаліммен бірге шаттық шеңберіне тұрып, өлең жолдарын қайталайды.

Ұйымдастырушы-іздестіруші

Балалар, бүгінгі біздің сабағымыздың тақырыбы «Ғажайып пішіндер» деп аталады. Тақтада берілген суреттерден көріп отырғандай бұл фигуралардың жеке аттары да бар және бұлар бірігіп пішіндер деген атқа ие. Оларға қазір жеке-жеке тоқталып өтеміз. Бірінші суретте бізде үшбұрыш пішіні бейнеленген Үшбұрыш дегеніміз үш жағында үш бұрышы, үш қабырғасы бар пішін. Үшбұрышқа жалауша, кесетлі орамал, үйдің шатыры, тау ұқсайды. Келесі суретте бұл төртбұрыш. Төртбұрышта төрт қабырғасы мен төрт бұрышы болады. Оған конверт, сызғыш, шоколад плиткасын, үй терезесін, қабырғасын, теледидарды ұқсатуға болады. Ендігі пішініміз дөңгелек. Ол өзі ерекше пішін, себебі онда қабырғасы мен бұрышы жоқ. Ол допқа ұқсайды. Ілгек, тиын, тәрелке, күн, сақина, шарға да ұқсайды. Бұлар бірігіп негізгі пішіндер деген атқа ие, сонымен қатар біз шаршы және сопақша пішіндері туралы да қысқаша танысып өтейік. Шаршы төртбұрыш секілді төрт қабырғалы болады, бірақ бір ерекшелігі оның қабырғалары теңбе-тең. Мына суреттегі мысалда көрсетілген сыйлық, кубик рубика ойыншығы, тартпаша осы пішінге ұқсас. Ал сопақша дөңгелектің созылған түрі. Оған батон нанын, алмұрт, ананас жемістерін ұқсатуға болады.күнделікті тұрмыс жағдайында бұл пішіндерге ұқсас заттар көптеп кездеседі.

Ендеше, балалар, таяқшалар арқылы пішіндерді құрастырып, тақырыпты толық меңгерейік. Сендердің алдарыңда таяқшалар жатыр. Солардан төртбұрыш құрастырыңдар. Енді тақтадағы суреттегідей үшбұрыш, шаршы құрастырыңдар.

- Қандай пішіндер құрастырдыңдар?

Келесі тапсырма: Берілген фетрдан жасалған ілгекті пішіндерді суреттегідей өз орындарына ілгектеп тағу.

Сергіту сәті.

1 дегенде тұрайық,
2, 3, 4 – алақанды соғайық,
Оң жаққа бұрылып,
Сол жаққа бұрылып,
Бір отырып, бір тұрып,
Біз жүгіріп алайық.
5 дегенде асықпай,
Орнымызды табайық.

Дидактикалық ойын ойнату.

«Қапшықтан қанша шар алдың?»

Мазмұны: педагог балаларға қолдың саусақтарымен сипалап білу арқылы қапшықтан 4 шар алуды тапсырады.

Балалар, келесі тапсырмаға көшпестен бұрын саусақтарымызды біраз жаттықтырайық.

Дидактикалық тапсырма:

Үстел үстінде жатқан қалбырлы пішіндерді сәйкесінше өз орындарына қою.

Балаларға жаңа тақырып түсіндіріледі.

Балалар тапсырманы орындайды.

Балалар тапсырманы орындайды.

Сергіту сәтін орындайды.

Дидактикалық ойын ойнайды

Саусақ жаттығуын орындайды.

Дидактикалық тапсырманы орындайды.

Рефлексивті-түзетушілік

Сұрақ-жауап әдісі арқылы сабақты қорытындылау. Мадақтау. Балалармен қоштасу.

Балалардың жауабы.