Ашық сабақ Жергілікті желі 11 сынып

Ордабасы ауданы

Темірлан елді мекені

Амангелді атындағы жалпы орта мектебінің

информатика пәнінің мұғалімі

Әбілқасым Меруерт Әбдірахмақызы

Ашық сабақ

Тақырыбы: Жергілікті желі

Пән аты: Информатика

Сыныбы: 11 Б

Мұғалімі: Әбілқасым М

Сабақтың  тақырыбы:    Жергілікті желі.

Сабақтың  мақсаты:        

Білімділік:  Оқушыларға компьютерлік желінің түрлері:жергілікті желі,  Интернет желісі туралы түсінік беру. Байланыс хаттамалары мен желіде жұмыс істеуге арналған жаңа ақпараттық технологиялармен таныстыру;
Дамытушылық:  Компьютерлік желілер туралы түсінік бере отырып, оқушылардың информатика пәнінен алған білімдерін толықтыру.

Тәрбиелік: Оқушыларды компьютер туралы толық ой қалыптастыру, оқушылардың тапқырлық, ізденімпаздық қасиеттерін қалыптастыру, шығармашылыққа баулу.

Міндеттері: 1. Логикалық ойлау қабілетін дамыта отырып, білім білік

дағдыларын қалыптастыру.

2. Оқушының өз бетімен жұмыс істеуі, шығармашылық

қабілетін дамыту.

Сабақтың  түрі: ашық сабақ

Сабақтың  көрнекілігі: үйлестірмелік материалдар

Оқыту  әдістері: сөздік,  көрнекі,  практикалық тапсырмалары.

Оқыту  формалары: жеке,  топтық,  ұжымдық

Табыс критерийлері:

• Оқушылар компьютерлік желі туарлы түсінік қалыптастырады;

• Ғаламтор туралы дұрыс ұғымға ие болады;

• Ғаламторда сауатты жұмыс істей алады.
  Сабақтың  барысы:

І. Ұйымдастыру бөлімі

Амандасу, түгелдеу, тексеру.

Сабаққа психологиялық әзірлік.

Топқа бөлу

ІІ. Үй тапсырмасын сұрау:

«Сұрақтар қорабы» стратегиясы бойынша сыныппен жұмыс.

• Сауалнама: Ғаламтор туралы не білемін. Пайдасы мен зияны тақырыбы.

І

Компьютерлік желілер

ІҮ. Жаңа сабақ:

Электронды оқулықпен жұмыс

Сыни тұрғыдан ойлауды дамыту үшін ЖИГСО әдісін пайдалану:

Жергілікті желінің конфигурациясы әртүрлі байланыстармен (топология) беріледі. Топология – желі компоненттерінің физикалық орналасуы. Желінің негізгі үш топологиясы бар.

« Жұлдызша»-топологиясы бар желідегі барлық компьютерлер орталық компьютерлермен немесе концентратормен жалгастырылған. Мұндай желідегі екі компьютер арасында тікелей қосылу болмайды.

Мұндай жүйе қарапайым және тиімді, деректер пакеттері әр компьютерден концентраторға бағытталады. Концентратор өз кезегінде пакеттерді тиісті жеріне жеткізеді. Мұндай топологияның негізгі жетістігі мынады: компьютерлер мен концентратор арасындғы жекелеген жалғағыштар істен шыққанмен, бүкіл желі жұмыс істей береді.

«Жұлдызша» топологиясының кемшілігі оның негізгі жетістігінен туындайды: егер концентратор бұзылса, онда ол бүкіл желіні түгел істен шығарады.

«Сақина» топологиясына тән бір нәрсе – жалғағышардың соңғы нүктесі болмайтыны; деректер берілетін біртұтас сақина құрған (міндетті түрде шеңбер емес) желі тұйықталған. Мұндай сақинада бір нүктеден қозғау алған деректер ақыр аяғында желінің басына барады. Осындай ерекшеліктен деректер сақинада барлық уақытта бір бағытта қозғалады.

«Сақинаның» «Жұлдызшадан» бір ерекшелігі – оған барлық желілік компьютерлер арасында үзіліссіз жол қажет, өйткені желінің бір жері істен шықса, бүкіл тоқтап қалады. «Сақинаның» тағы бір осал жері –деректер біреулердің желілік компьютері арқылы өтетіндіктен де, ақпаратты бөгде ұстап қалуына мүмкіндік береді.

«Шина» топологиясы бір жеткізетін каналды, әдетте «шина» деп аталатын коаксиалды кабельді пайдаланады. Барлық желілік коспьютерлер «шина» тікелей қосылады.

« Шина» топологиясы бар желіде деректер екі бағытта бірдей жылжиды. Кабель – шинаның екі шетінде арнайы бұқтырмалар (терминаторлар) орнатылған. «Сақина» жағдайындағыдай, желінің бір жеріндегі қосылудың бұзылуы жұмысты бірден тоқтатады. «Шина» желісіндегі деректердің қауіпсіздігі «Сақина» желісіндегідей, оның осал тұсы – бүкіл желінің деректері әр желілік компьютерден өтеді.

Желілік концентратор немесе хаб – кабельдік инфрақұрылыммен айналмалы жұп құра отырып, компьютерлерді Ethernet желісінде байланыстыратын қондырғы. Қазіргі таңда желілік концентраторлар іс жүзінде қолданылмайды, оның орнына желілік коммутаторлар қолданылады.

Желілік коммутатор деп бір (бірнеше) желілік буыны ретінде компьютер желісін бірнеше түйінмен байланыстыратын қондырғы. Бірнеше желіні байланыстыруды бағдарлағыш (маршрутизатор) жүзеге асырады.

Бағдарлағыш дегеніміз – желілік буын арасында мәліметтер дестелерімен алмасуға арналған және әртүрлі сәулет желілерін байланыстыратын компьютер. Бағдарлағыштың міндетіне желі топологиясы туралы ақпаратқа және әкімшіліктің қойған ережесіне негізделіп жіберуге шешім қабылдау кіреді.

Қосымша материал беру оқушыларға

Ү. Сергіту сәті: «Лездеме!» әдісі.  
Конверттен бір сөзді бір рет алу 
Сөздің өзін атамай түсіндіру. Іс қимылмен.
Сөзді тапқан бірінші адам конверттен келесіні таңдайды және қалғандарына түсіндіреді! 

ҮІ. Топтық жұмыс: Постер әзірлеу. Жаңа тақырып бойынша ақпаратты өз бетерінше игеру. Мәтінді оқу, зерттеу, талдау, қорғау.

ҮІІ. Сабақты қорытындылау:

Деңгейлік тапсырма:

І деңгей тапсырмалары

1.Науқастың емес, программалаушының басы қандай вирустардан ауырады?

2. Компьютерге үлкен құлып салып қойсаң да, оны бұза алатын адамды кiм деп атайды?

ІІ деңгей тапсырмалары

1. Электрондық пошта арқылы хатты жiберу үшiн қандай құрылғы қажет?

2. Интернетке қосылу үшiн қандай құрылғы қажет?

ІІІ деңгей тапсырмалары

1.Жергілікті желіні қалай баптайды?

2.Wi-Fi желісін қалай баптайды?

Рефлексия: Кері - байланыс әдістерінің бірі: «Тазалық» ойыны 
• Қатысушыларға бір парақ беріледі. Онда мыналар салынған: 
1. Чемодан(суреті) 
2. қоқыс жәшігі (суреті) 
3. еттартқыш (Суреті) 
- Құрметті әріптестер, бүгінгі тақырып бойынша алған керекті ақпараттарыңызды чемоданға салыңыздар (жазыңыздар), бүгіні сабақтағы керек емес болған, артық дүниені қоқыс жәшігіне салыңыздар (жазыңыздар). Ал бүгіні ақпараттың ішінде әлі оқуым керек, толықтыруым керек дегендері болса, еттартқышқа салыңыздар (жазыңыздар) 

ҮІІІ. Үйге тапсырма:

Жергілікті желі.

ІХ. Бағалау. Өз-өздерін бағалау парағы бойынша бағалау.

Оқушылардың постер қорғау сәті

Лездеме әдісін пайдалану сәті