Ашық сабақ: Кел, ойнайық!

Педагог-психолог: Алтаева Аида Диханқызы

Баланың аты-жөні, жасы, аңғарымы:

1. 3 жастағы ұл бала - Қарым-қатынас пен әлеуметтік өзара әрекеттестіктің бұзылуының белгілері. Коммуникативтік бұзылыстарға байланысты сөйлеу тілінің ерекше дамуы.

2. 3 жастағы қыз бала - Психикалық дамуының тежелуі. Сөйлеу тілінің жалпы дамымауының Ι деңгейі

Ашық сабақтың тақырыбы: Кел, ойнайық!

Сабақтың мақсаты:

• Ойын ойнау арқылы баланың танымдық қабілеттерін дамыту.

• Нұсқау бойынша ойнауға дағдыландыру;

• Тапсырмалар мен жаттығулар арқылы танымдық қабілеттерін (ойлау, қабылдау, есте сақтау, зейін) түзете отырып дамыту;

• Ұсақ қол моторикасы дамыту

• Топ ішіндегі қарым-қатынас дағдысын қалыптастыру;

• Жеке эмоциялық өрісін тұрақтандыру.;

• Ойын ойнау барысында қасындағы баламен қарым-қатынас жасауға үйрету;

• Ойын арқылы қоршаған ортасын танып білуге тәрбиелеу.

Сабақтың түрі: Ашық сабақ

Жұмыстың түрі: Шағын топтық

Сабақтың әдіс-тәсілдері: Ойын, әңгімелесу, сұрақ-жауап, бақылау.

Кешенді сабақ: Психология, дефектология, логопедия, ЕДШ.

Көрнекі-құралдар: Ойыншықтар, суретті карточкалар, массажды қолғаптар, қоңырау, дәнді дақыл, қағаздан жасалған жұлдызқұрт пен күннің бейнесі, үлкен қасық, пластмассалық ыдыстар, эмоция бейнеленген суреттер, айналар, қайшы.

Ι Ұйымдастыру кезеңі

• Баламен сәлемдесу.

• Көңіл-күйін, ауа-райын, жыл мезгілін, ай аттарын сұрау.

• Сұрақ-жауап арқылы баланың қызығушылығын оятып, назарын сабаққа аудару.

IΙ Негізгі бөлім. Жаңа сабақ

• Жаңа тақырып жарияланады (бөлме ішіндегі заттармен жаңа сабақтың тақырыбы байланыстырылады)

• Дидактикалық ойын

«Эмоцияны таны»

Мақсаты: Баланың суреттер арқылы эмоция түрлерін ажырату, эмоцияны бет бұлшықеттері арқылы көрсете алуы.

Барысы: Маман смайликтерді көрсетеді, балаға суреттер беріледі, сол суреттердің ішінен смайликтерге ұқсас суретті тауып, өзі көрсетеді.

• Нейрогимнастика бойынша тапсырмалар қатары

«Кедергілерден өту»

Мақсаты: Мидың екі жарты шарын, ұсақ қол моторикасын дамыту, тыныс алуға үйрету.

1. «Дәндерді сал» - Ұсақ қол моторикасына арналған жаттығу

2. «Массажды алақан» - Танымдық қабілеттерге арналған жаттығу

3. «Күнге үрле» - Тыныс алуға арналған жаттығу

4. «Жылдам саусақтар» - Мидың екі жарты шарын дамытуға арналған жаттығу

5. «Жұлдызқұртқа көмектес!» - Тыныс алуға арналған жаттығу

6. «Жұбын тап» - Екі қолмен бірдей орындауға арналған жаттығу

• Сергіту сәті

Мақсаты: Баланың тапсырмаларды орындау кезінде шаршағандарын басу, көңілдерін көтеру

• Дидактикалық ойындар

«Шаштараз»

Мақсаты: Баланың ұсақ қол моторикасын дамыту, қайшы ұстай алу дағдысын қалыптастыру, қиялын дамыту.

Барысы: Балаға қағаздан шаштар беріледі. Қайшымен шаштарды қиып, шаш үлгісін жасауға тырысады.

«Аяқталмаған суреттер»

Мақсаты: Баланың танымдық қабілеттерін дамыту. Шығармашылығын дамыту.

Барысы: А3 форматта балаға жартылай салынған сурет беріледі. Бала суретті үлгіге қарап аяқтайды.

• Қимыл-қозғалыс ойыны

«Мен сияқты жаса»

Мақсаты: Көріп қайталау дағдысын қалыптастыру. Ойлау қабілетін дамыту.

Барысы: Маман ойыншық арқылы қимылдарды көрсетеді. Бала сол қимылдарды дәлме-дәл қайталау керек.

III Сабақты қорытындылау

• Сұрақ-жауап арқылы өтілген сабақты қорытындылау

• Балаларды мадақтау

• Сабақ соңында шығармашылығын арттыруға арналған сыйлық беру

IV Үйге тапсырма

Боямақтың ішіндегі суреттерді бояп келу