Ашық сабақ Көркем еңбек 4-сынып

Бөлім:

Мәдени мұра

Педагогтің аты-жөні:

Айтбанбетова Мақпал Сауырбайқызы

Күні:

22.11.2022жыл

Сыныбы:4 а

Қатысушылар саны: Қатыспағандар саны:

Сабақтың тақырыбы:

Киіз үйдің ішкі көрінісі. Аяққап жасаймыз.

Оқу бағдарламасына сәйкес оқу мақсаты

4.1.2.1 – отандық және әлемдік өнердің әртүрлі шығармаларын білу және олардың ерекшеліктерін (жанры, орындау техникасы, көңіл күйі) түсіндіру.

Сабақтың мақсаты:

отандық және әлемдік өнердің әртүрлі шығармаларын біледі және олардың ерекшеліктерін түсіндіреді. Сонымен қатар аяққап жасайды.

Сабақ кезеңі/Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

Қызығушылықты ояту

7 мин.

І.Ұйымдастыру кезеңі:

а) Оқушылармен сәлемдесу, түгендеу. Психологиялық жағымды ахуал туғызу үшін «Нейро жаттығу арқылы» жаттығу жасату

ә). Топта жұмыс жасау ережені еске түсіру.

Өткен сабақты пысықтау.Текеметтің суретін салып келу.

Сұрақ-жауап:

1. Киіз дегеніміз не?

2. Текемет дегеніміз не?

3. Текеметке қандай оюлар пайдаландың?

4. Мына текеметте қандай? Ою-өрнек түрлері қолданылған?

Оқушылар амандасып,жаттығу жасайды.

Оқушылар топқа бөлінеді.

І-топ:

ІІ-топ

ІІІ- топ

Топтың ережесі:

1. ТҚЕ сақтау.

2. Топ басшысына бағыну.

3. Белсенді болу.

4. Бір-бірін тыңдау, өз пікірімен ашық бөлісу, басқалардың пікіріне құрметпен қарау.

5. Уақыт шегінде жұмыс жасау.

Мақсаты: Оқушылар бір-біріне тілек білдіреді, тыңдау дағдыларын дамытуға бағытталады, сондай-ақ барлық оқушылардың қатыстырылуы арқылы сабаққа белсенділігі артады.

Тиімділігі: Оқушылар бір-біріне тілек айту арқылы жақындасады, көңіл күйін көтереді және бауырмалдығын оятады.

Саралау: Бұл жерде саралаудың «Жіктеу» тәсілі қолданылады. Оқушылардың оқуға деген қызығушылығын арттыру мақсатында мүмкіндігінше оларға таңдау еркіндігі беріледі.

Тоқыма жіп

Жаңа сабаққа кіріспе

(Ұ) «Миға шабуыл» әдісі арқылы өткен тақырыппен жаңа сабақты байланыстыру мақсатында ой қозғау сұрақтарын ұжымдық талқылау. Бір-біріне сұрақтар қояды. Сыныптастырының пікірін толықтырады.

Өз ойымен бөліседі.

Оқушылар сұрақтарға жауап беріп, өзара ұжымдық талқылау жасағаннан кейін мұғалім оқушыларға сабақтың тақырыбы, мақсатымен таныстырады.

Өткен сабақта қандай ұлттық ою-өрнек түрлерімен таныстың?

Ою-өрнектерді тағы қандай мақсатпен қолдануға болады?

Үйретіңде ұлттық нақыштағы тұрмыстық заттар бар ма?

Олардың қалай жасалатынын білесің бе?

Ата-әжеңде ескіден қалған заттар болса, сол заттар туралы сұра.

Мақсаты: Жылдам әрі функционалды түрде сыни ойлануды дамыту.

Тиімділігі: оқушының танымдық дағдысы артады. Сонымен қатар оқушыға сабақтың өмірмен байланысын көрсетеді және сабақтың тақырыбы мен мақсатын анықтауға мүмкіндік береді.

Саралау: Бұл жерде саралаудың «Диалог және қолдау көрсету» тәсілі көрінеді. Дұрыс мағынада жауап беруге бағыттау мақсатында кейбір оқушыларға ашық сұрақтар, ал кейбір көмек қажет ететін оқушыларға жетелеуші сұрақтар қойылады.

Қалыптастырушы бағалау: Өз ойын дұрыс мағынада білдіріп, талқылауға белсенділікпен қатысқан оқушыға «Жарайсың!» деген мадақтау сөзімен ынталандыру.

Сабақтың ортасы

Мағынаны ашу.

31мин.

Экраннан «Аяққап жасаймыз» атты бейнеролик көрсетеді.

Ұлттық ыдыс-аяқ туралы білетініңді есіңе түсір. Олар неден жасалған? Қалай аталады?

Ұжымдық жұмыс: Экраннан бейнероликті көреді. Ұжымдық талдау, талқылау жасап, бір-бірімен ой бөліседі.

Дескриптор: Жалпы - 4 балл.

-Бейнеролик көреді.

-Қабылдаған ақпаратты ұжымда талқылайды.

4-сынып оқулығы, жұмыс дәптері

https://youtu.be/tjkc4PrZL6Q

Топтық

жұмыс

Аяққап жасау тапсырмасын орындатады. Қарқыны баяу оқушыларға жетелеуші, түрткі сұрақтар қояды. Қарқыны жылдам оқушыларға бағыттаушы сұрақтар қойып қолдау көрсетеді. қадағалайды, бағыт-бағдар береді.

Жұмыстың жасалу реті бойынша аяққап жасайды.

Дескриптор: Жалпы - 6 балл.

-Қағазға аяққаптың сурет сызып алады.

-жұқа киіз матадан аяққап жасайды.

5-сынып оқулығы, жұмыс дәптері

Сабақтың соңы

Ой толғаныс.

Рефлексия

7 мин.

«Бір ауыз сөз» әдісі. Мұғалім сабақты қорытындылау мақсатында оқушылардың сабаққа деген көзқарасын, рефлексиясын тыңдайды.Мақсаты: Оқушы алған білімін саралай білуге дағдыланады.Тиімділігі: Тақырып бойынша оқушылардың пікірін анықтайды. Жинақталған деректердің құнды болуын қадағалайды.

Жеке жұмыс:

Оқушылар бір ауыз сөзбен сабақ туралы өз ойларын түсіндіріп береді. Бір ауыз сөздеріне сабақты бағалайтын келесі сөздерді айтуға болады ұнады, пайдалы, қажет, білдім, үйрендім, қызықтым, ұмтылдым, есте сақтадым, жасай аламын. т.б.

Мұғалім оқушылардың сабаққа қатысқан белсенілігіне қарай 1-10 баллдық жүйе бойынша әр оқушының өзіне тиісті баллын қойып бағалайды. Сонымен қатар, оқушыларды ынталандыру үшін

«Қошеметтеу» әдісі арқылы бағалайды.