Күні:

Сынып: 1 сынып

Қатысқандар саны:

Қатыспағандар саны:

Сабақтың тақырыбы: Минут

Осы сабақта қол жеткізілетін оқу мақсаты

уақытты бағдарлайды: минут, сағат, күн, апта, ай туралы білімді меңгереді. Алған білімді өмірде қолданады.

Сабақтың мақсаттары

Тәжірибелік тапсырмаларды орындату арқылы бір минуттың ұзақтығы туралы түсіндіру. Уақыттың өлшем­ бірлігі “минут” ұғымы туралы түсінік қалыптастыру

Тілдік құзыреттілік

Минут

Ресурстар

құмсағат;электронды таймер;қабырға сағат;

мысал жазылған парақшалар;А3 пішінді қағаздар;түрлі түсті маркерлер.

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

Атамнан басталар, 
Әжеммен қосталар. 
Отбасым мыналар; 
Ең жақын адамдар 
Әкем мен анам бар, 
Бір туған ағам бар, 
Бір туған апам бар... 
Бәрін жақсы көремін 
Еркелеймін, еремін! 
Ән салуға барамыз, (шеңбер бойымен жүреді) 
Досымызды табамыз.( тоқтайды) 
Сәлемет пе! Міне, мен!(қолдарын екі жаққа сермейді) 
Доспын енді сенімен. (көршілерімен қол алысады)

Оқушыларды таңдаған сағат суреттеріне қарай 3 топқа бөлу

І топ – Механикалық сағат

ІІ топ – Электрондық сағат

ІІІ топ – Құмсағат

Шаттық шеңбері

Сабақтың ортасы

Кіріспе тапсырма. Ойын «Шапалақ»

• Қане, балалар! Мынадай ойын ойнайық! Ойынның шарты: барлығымыз бірге ұйымшылдықпен қолдарымызбен шапалақтаймыз. 1 минутта қанша рет шапалақтай алады екенбіз? Ол үшін құмсағатты пайдаланамыз.

Құм сағат дегеніміз  - кішкене тар тесік арқылы, құм аударылу ұзақтығы бойынша, белгілі бір уақыт аралығын есептеуге арналған аспап. Құмсағаттың ұзақтығы – 1 минут. Осы 1 минут ішінде қазір қанша рет шапалақтайтынымызды білетін боламыз.

- Міне балалар, біз құмсағат тез аяқталып қалды. Бұл аралықтағы уақытты біз 1 минут деп атаймыз.

Ережені оқи отырып, хормен қайталау

Минут – бұл аз уақыт аралығы. 1 минуттың ішінде бірнеше қысқа әрекет жасауға болады. Мысалы, қолды бірнеше рет шапалақтауға немесе бірнеше қадам жасауға болады.

Зерттеу жүргізу.

Тапсырманы барлық оқушы бірге орындайды. Оқушылар 1 минут бойы өз аттарын жазады және неше рет жазғанын санайды. Бұл тапсырма арқылы оқушылар 1 минуттың қысқа мерзім болғанымен, осы уақыт ішінде бірнеше әрекет істеуге болатынын түсінеді.

Мен 1 минутта орындай аламын.

Өз есімімді рет,,,, жаза аламын.

Қағазға рет,, нүкте сала аламын.

Жіпке ,,,,,моншақ тізе аламын.

Қолымды ,,,,,рет шапалақтай аламын.

Орнымда тұрып,,,,, рет секіре аламын.

Көрнекілікпен жұмыс

Уақытты анықтауға арналған сағаттар әр түрлі болады. І топ – механикалық сағат. Бұл сағаттардың 3 тілі болады: минуттық тіл, секундтық тіл, сағаттық тіл.

ІІ топ – электронды сағат. Бұл сағаттарда уақыт санмен беріліп тұрады. Тіпті бүгінгі күн, ай, жылы да жазылып тұратын түрлері де бар. Тіпті бұл сағаттарды телефон ретінде де қолдануға болады.

ІІІ топ – құмсағат. Мұнда құм екі шыны сауыттан олардың тұтасқан тар мойыны арқылы бір-біріне алма-кезек сыздықтап, сусып ағып тұрады.

Суретке қарап неше минут өткенін анықта. (жұптық жұмыс)

Оқушылар оқулықтағы иллюстрацияға қарап электронды сағат бойынша (10:05-тен 10:15-ке дейін) неше минут өткенін анықтайды. Жауабы:10 минут.

Шығарып көр.

Бұл тапсырманы оқушылар барлығы бірге орындайды. Олар сағат тілдеріне қарап, қанша минут өткенін анықтайды.

1 сағат – 10 минут, 2 сағат – 15 минут, 3 сағат – 30 минут, 4 сағат – 5 минут

Құмсағат

Сергіту сәті

Топ-топ басайық,

Жаттығулар жасайық.

Қайырымды жан болып,

Жамандықтан қашайық.

Қызықты тапсырма

Сен білесің бе? Ересек адамның ағзасы қалыптасқан, сондықтан тұрақты көрсеткіштерді көрсетеді. Сол себепті медицинада ересек адамның тамыры минутына шамамен 60—65 рет соғады деп есептеледі.

Зерттеу жүргізу. Қазір барлығымыз ішімізден 1 минут ішінде жүрегіміз қанша рет соғатынын есептеп көрейік.

Дәптермен жұмыс. (өзіндік жұмыс)

Өзіңді тексер. Оқушылар 1 минутта жұмыс дәптеріндегі гүлдер мен доптардың нешеуін бояп шығатынын анықтайды.

— 1 минутта неше гүлді (допты) бояй алдың?

— Қалай ойлайсың, егер көлемі үлкен болса, сен гүлдер мен доптар­ды­ көбірек бояй аласың ба? Неге?

Сағаттар қай уақытты көрсетіп тұр?

Аяқталуы

Логикалық тапсырма

Екі дос тоғызқұмалақ ойынын 20 минут ойнады. Достардың әрқайсысы неше минут ойнады?

Жауабы:

әр бала тоғызқұмалақты 20 минут ойнады.

Сабақтың соңы

«Шындық, жалған» ойыны

Оқушылар дұрыс жауапты “+”, дұрыс емес жауапты

“-” таңбасын қою арқылы белгілейді.

Рефлексия

Бүгінгі сабақта болған көңіл – күйді бет – әлпеті салынған суреттерді таңдау.

Түсінбедім Сұрағым бар Түсіндім

Смайликтер