Ашық сабақ Өзін өзі тану 4 сынып Адамның ішкі сұлулығы

Бөлім:

Ғасырлар даналығы

Педагогтің аты-жөні

Даутова Асель Серикболовна

Күні:

26.10.21

Сынып: 4 «Г»

Қатысушылардың саны:

Қатыспағандардың саны:

Сабақтың тақырыбы

Адамның ішкі сұлулығы

Оқу бағдарламасына сәйкес оқыту

мақсаттары

Рухани-адамгершілік қасиеттерді дамыту адамның өз-өзімен, басқа адамдармен өзара қарым-қатынас мәдениетін анықтай білу

Құндылығы:

Ішкі тыныштық

Қасиеттер:

Ішкі сұлулық, жақсы мінез, сабырлылық;

Сабақтың мақсаты

Оқушыларға адамның ішкі сұлулығының маңыздылығын ұғындыру арқылы ішкі тыныштық құндылығының мәнін ашу.

Сабақтың міндеттері:

Оқушыларға ішкі сұлулық ұғымын түсіндіру:

Оқушыларды мінезді жақсартуға баулу;

Оқушыларды сабырлы болуға тәрбиелеу;

Сабақтың кезеңі /Уақыты/

Педагогтің іс-әрекеті

Оқушының іс-әрекеті

Ресурстар

Ұйымдастыру кезеңі (1 мин)

1.Жағымды көңіл-күй

(1-3 мин)

Мұғалім оқушылардың сабаққа қатысуын тексереді. Оқушыларды 5 «Т» ережесімен таныстырады.

Мұғалім «Нұрға бөлену» жағымды көңіл күйге келу жаттығуын өткізеді.

Оқушылар сабаққа дайындығын көрсетеді .

5 «Т» ережесімен танысады.

Оқушылар жағмды күйге келіп, терең ойлауға бейімделеді.

Оқулық, мұғалімдерге арналған әдістемелік құрал,

Бетховеннің "Мелодия дождя" аудиожазбасы

https://youtu.be/2UR2OwS3Afw

2. Алдыңғы үй тапсырмасын тексеру (әңгіме) (3-5 мин)

Оқулықтың, 30-беттегі «Керексіз сұлулық» аңыз әңгіме.

Сұрақтар:

• Сыртқы сұлулық артық па, әлде ішкі сұлулық артық па? Неліктен?

• Адамды әсем ететін сыртқы келбеті ме, әлде жақсы мінезі ме? Неліктен?

• Адамды түр-әлпетіне қарап бағалаған дұрыс па, әлде адамшылығына қарап бағалаған дұрыс па? Неліктен?

• Сырты сұлу сұлу ма, әлде іші сұлу сұлу ма? Неліктен?

Оқушылар берілген сұрақтарға ойланып жауап береді.

Оқулық,слайд сұрақтар

3. Жағымды ой-пікір (дәйексөз) әңгіме

(3-4 мин)

Нәрсенің сыртына қызықпа, асылы ішінде болар.

Ыбырай Алтынсарин.

- Дәйексөздің мағынасын қалай түсінесіздер?

-Адамға жан сұлулығы не үшін керек?

-Адамды тек сыртқы келбетіне байланысты сұлу деп айта аламыз ба? Неге?

Мұғалім дәйексөзді дәптерге жазуды ұсынады.

Оқушылар

Ы. Алтынсариннің қанатты сөзінің мағынасын талқылайды, оны бірнеше рет қайталайды және дәптерге жазады

Слайд

Жұмыс дәптерлері.

4. Оқиға айту (әңгіме) (4-8 мин)

Мұғалім «Сабыр суы»

атты аңыз әңгімені

айтып береді. Сұрақтар қою арқылы әр оқушының ішкі сұлулық,жақсы мінез арқылы Ішкі тыныштық құндылығының мәнін ашады. Сонымен қатар, қоғамға қызмет ететін адамдардың ең маңызды сапасы сабырлылық екенін баса айтады.

Бір адамның басынан мынадай оқиға өтіпті. Ол сол ауылдың ақсақалына жылап келіп, шағым айтады:

Маған әрдайым көршілерім тиіседі, біздер ұрысып қала береміз. Көршілермен сөйлесуден қалдым. Мен әбден шаршап, өзіңізден ақыл – кеңес, көмек сұрап келіп отырмын. Не амал етсем екен?

Ақсақал ойланып отырып, келген адамға бірнеше сұрақ қояды. Содан соң бір құты су береді де:

Осы су саған көмектесуі тиіс.Күнде көршілерің жұмыстан келген кезде осы суды ұрттап ал. Бірақ оны бірден жұтып жібермей, аузыңда біраз уақыт ұстауың керек,- дейді. Арада бірталай уақыт өткенде, әлгі адам ақсақалға тағы жылап келеді:

Сірә, суға бірдеңе қосып берген болсаңыз керек. Сіз берген судың көмегі тиген еді. Мен деген көршілеріммен жақсы қарым-қатынас орнатып қалған едім. Бәрі де жақсы болып келе жатыр еді. Менің көңілім көтеріліп, тыныштығым орнап қалған еді. Бірақ су таусылып қалды. Таусылғалы бері көршілерім баяғы «жырын» қайта бастады. Менің ішкі тыныштығым бұзылды.Сіздің көмегіңізсіз болмайтын болды,- деп тағы да су беруін сұрайды.Сонда ақсақал күліп:

Айналайын, ол судың басқа ешқандай қасиеті жоқ, күнде өзің пайдаланып жүрген кәдімгі су. Оның саған көмегі – көршілерің жұмыстан шаршап келген кезде не болса соны айтуға аузыңның бос болмағаны, үндемей қарсы алуға мәжбүр болғаның. Ендеше, өзіңді-өзің қолға алып, шыдамдылыққа, сабырлылыққа үйренсең, өзіңді-өзің тізгіндей алсаң, бұл жағдайда саған басқаның көмегі кере еместігін түсінген шығарсың?- дейді.

Сұрақтар:

• Ақсақалға адам не үшін келді?

• Ақсақал қандай ақыл-кеңес берді?

• Ақсақал не үшін су ұсынды?

• Сіздер үшін сабырлы адам қандай болуы керек?

Сабырлы адамды бақытты адам деп айтуға бола ма?

Мысал келтіріңіз.

Оқушылар оқиғаның тыңдағаннан кейін, мұғалімнің сұрақтарына жауап бере отырып, ішкі сұлулық пен жақсы мінезге байланысты адам өмірінің шынайы тағдыры туралы терең ойланады.

«Сабыр суы» атты аңыз әңгіме

Сұрақтар арқылы талдау

5. Шығармашылық жұмыс

(12-15 мин)

Мұғалім оқушыларды

3 топқа біріктіреді және топта жұмыс ұйымдастырады:

1 – топ: «Сұлулық»

2 – топ: «Жақсы мінез»

3 – топ: «Сабырлылық»

Оқушыларға тапсырма шарты түсіндіріледі.

1 – топ: «Сұлулық» тобына «Джигсо» әдісі бойынша

«Жақсы болу парызым»

тақырыбында постер жасаңыздар.

2 – топ: «Жақсы мінез»

тобына «Шахмат» әдісі бойынша оқушыларға

көркем мінезді адам болу үшін қандай іс-әрекет жасау керек? екенін сұрайды.

3 – топ: «Сабырлылық» тобына «Фишбоун» әдісі

бойынша оқушыларға

Әлемді сұлулық құтқара ма? тақырыбында постер қорғауды ұсынады.

Оқушылар үш топқа бөлінеді.

1 – топ: «Сұлулық» тобы

«Джигсо» әдісі бойынша

"Жақсы болу парызым"берілген тақырыпты топ ішінде талқылап, постерін жасап, өз жұмыстарын сыныпқа таныстырады.

2 – топ:

«Жақсы мінез»

тобы

«Шахмат» әдісі бойынша шахмат тақтасының суретін пайдалану арқылы оқушылар бос ақ ұяшықтарға өз ойларын кезекпен жазады, кейін ой бөліседі.

3 – топ: «Сабырлылық» тобы

«Фишбоун» әдісі

бойынша оқушылар

Әлемді сұлулық құтқара ма? тақырыбында постер қорғайды.

Флипчарттар, баяу әуен қойылады.

«Шахмат» әдісі

«Фишбоун» әдісі

6. Топпен ән айту(2-3 мин)

Мұғалім оқушылармен бірге

Ибрагим Нүсіпбаевтің

«Мен әдепті баламын»

әнін орындайды.

1.Мені үлкендер әдепті деп мақтайды.
Мінезімнен теріс қылық таппайды.
Ал егер сен жалқау болсаң тілазар,
Ондай әдет жақсылыққа жатпайды.

Қайырмасы:
Айтқан тілді аламын,
Айтқан жерге барамын,
Мен әдепті,

Мен әдепті баламын.

2. Тілін алып кішініңде кәрінің,
Айтқанынан шығып жүрмін бәрінің.
Ата-ананың айтқанынан шығуды
Әдептілік белгісі деп таныдым.

Оқушылар мұғаліммен бірге ән шырқайды.

Экранға өлеңнің мәтіні көрсетіледі.

7. Үй тапсырмасы(1-2 мин)

Оқулықтан №8 сабақ 32-34-бет

Асхат Өмірбаевтің «Жақсы адам болғым келеді» әңгімесін оқып, сұрақтарға жауап беріңіздер.

Сұрақтар:

• Балалардың «Бәріміз де жақсы адам болайық!» деп айтуларының себебі неде?

• Жақсы адам мен сұлулықтың қандай байланысы бар?

• Жақсы адам болу үшін не істеу керек деп ойлайсыңдар?

• Өзіңді жақсы адаммын деп санайсың ба? Неліктен?

Оқушылар үй тапсырмасын жазады.

Күнделік , оқулық,

дәптер

8. Сабақтың қортынды сәті

(1 мин)

Мұғалім оқушыларға көздерін жұмып, сабақта не ұнағанын еске түсіріп, оны жүрегінде сақтауды ұсынады. Мұғалім оқушыларға өз мақсаттарына жетулеріне тілек білдіріп бүгінгі сабақ үшін рахмет айтады.

Оқушылар рефлексия жасайды.

Баяу композиция қойылады.